كاسكو جديد

[يوفاوي الكويت]

الف مبرووك الطير

الطير بالعمر هذا غادي شره يعني تعدي مرحله الخطر

وياليت صوره للطير علي شان نعرف عمره الطير كم صار له عندكم بالبيت

اذا توه ما صار له كم يوم

انصحج اختي تخلين الطير جم يوم بالصاله ويكون علي طاوله علي شان يتعرف علي البيت

وانج تهتمين بالاكل والماي يعني انتي الي تحطينهم له وتعطين الطير ياكل من ايدج

وراح يتعرف عليج وشوي شوي راح يخليج تمسحين من راسه لي ذيله وما يقول شي

اما البرد صج هاليومين برد مو طبيعي

بعد صلاه العشاء بشوي حطي الطير بغرفه مسكره وتقدرين تعطين الطير بكمبل وتتركين له صوب يتنفس منه

وتشوفين صوب فتحت الخشم اكو افرازات او لا

وعلي العموم انا دايم انصح اي احد يشتري طير يديد يعطيه مضاد حيوي وقايه لان طبيعه الكاسكو ما يبن فيه المرض الا بعد فتره ويكون انتشر فيه

والجعير شي طبيعي دام انه يديد بالبيت

ولا تنسين سالفه المضاد الحيوي