مساعده في طائر الياسمين

[shinigami]

السلام عليكم ورحمة الله

اخوي واضح من كلامك انك حاط نوعين من طيور الياسمين نوع green ونوع gray بصراحة انا ماجربت الشي هذا انا الي عندي ذكر وانثى من نوع واحد جرين وعندي منهم جوزين وان شاء الله باخذ الجوز الثالث

اول شي هل انت متأكد ان طيورك جوز ذكر وانثى ؟؟ لان الذكر في الطيور هذي هو الي يصف العش مو الانثى

حسب تجربتي لهم وانا اول مرة احاول افرخهم الجوز الاول لف العش وبيض عندي بس ماعقد البيض ( غير مخصب ) والحين هم يستعدون انهم يبيضون مرة ثانية والجوز الثاني الحين بعد لف العش وبيض بس مابعد اشيك على البيض هل هو مخصب او لا

طبعاً انا حاطهم في قفص كبير تقريباً مقاسة 60*40*40 وحاطهم في غرفة هادية حيل محد يزعجهم والعش المستخدم عش كناري والخيوط خيوط خيش حاول انك تقص الخيط بطول 15 او 17 سم لان طريقة لفهم للعش غير عن الكناري

ان شاء الله ينتجون عندي عشان يتحقق حلمي في تفريخ هذا النوع من الطيور لاني كنت احاول ازاوجهم من سنين بس ماعرفت لهم والسنة هذي اول مرة اجرب ويصفون العش ويبيضون بس ان شاء الله يتخصب البيض