ترفض الأكل !!

[llosy]

السلام ..

شخباركم شمسوين ؟؟

شتقت لكم من زمان عنكم ..

اممم ابسألكم عن قطوتي " لوسي "

طالبة تزاوج وانا عارفة ان اللي طالب تزاوج مايآكل كثير

بس ان لووسي اذا كانت طالبة تزاوج ماتآكل من الأكل المسلوووق ابددداً

اسخنه واحط فيه زيت زيتون وارش عليه دراي فود مطحون بس مافي فايدة

شنو الحل معاها !! .. معلبات !! مابي أأكلها معلبات وطول اليوم تآكل في هالبسكوت




وووانا ماعندي الا اهي بالبيت عادي يعني ماتجيها أمراض لأنها بروحها اقصد حالتها النفسة


ووالجو الحين بارد شسوي لها اخاف تمرض ؟؟

بيتنا سيراميك يعني برررد وابوي مايرضى نشغل دفايات يقول لما تشغلونهم تمرضوون تدفوا ولبسوا زين

وانا ماألبسها ملابس تدفيها لأني مرة شريت لها ولبستها بس كانت تتضايق منهم !!

مدري أحسها ماتحبني

يعني ماتجيني ولا تنام يمي

دايما تنام على سرير اختي واختي تخاف منها احطها على سريري ماترضى

حطيت لها مخدة بالأرض عشان تنام عليها مارضت

ابيها تحبني وتنام يمي وتلحقني شسوي لها !!





واكووون شاكرة لكم .. <3

[مصيري]

اذا جعت لازم بتاكل

يمك الاكل مايعجبه ؟

[llosy]

هي قبل كانت تآكله

بس الحين هالشهر مو راضية تآكل

تقول امي لأنها صارت كبيرة ماتحب تآكل أكل مسلوووق !!

[دلوعةقطوتي]

وعليكم السلام
كيفك ؟من زمان عنك
بالنسبه لقل الاكل كل القطاوه كذا ماياكلوا وقت التزاوج وينحفوا الحل اخلطي لها شوي من المعلبات مع الاكل المسلوق وكم يوم وتخلص الفتره وترجع زي اول تاكل بس لاتعطيها معلبات لحالهم اخلطيه


لاعادي مايجيها شي بس انتي لعبيها وخلي العابها عندها

بالنسبه للجو حاولي تجيبي سجاده صغيره وتخليها بالغرفه اللي تجلس فيها عشان ماتمرض او شغلي المكيف عالدافيء او جيبي بطانيه قطن(ضروري تغسلينها كل اسبوع) وغطيها

لعبيها واكليها من يدك ولاتمسكينها بالغصب وتجي عندك القطط مزاجيه

[llosy]

مشكووورة يادلووعة قطوتي ربي يجزاج كل خيرر

دايما تنفعيني

[llosy]

وبسألكم بعد

اممم فمها في ريحة !!

ماعندها ديدان ولا تآكل ويسكاس

الريحة من وين تجي ؟



وووبعد شلون اعرف اذا كانت بردانة ولا لا ؟