بعض الاستفسارات عن الكوكتيل

[ولد الحلال]

السلام عليكم

شباب عندي بعض الاستفسارات عن الكوكتيل

كوكتيلي دائما نايم ولا اعرف شنو مشكلته وساعات يأكل وينام
وغير حيوي وهو صار له تقريبا معاي من 3 شهور وهو على هذه الحالة


عندي فيتامين بعض الاحيان احط له في الماي بس بعد ما احسه يستفيد منه

وكوكتيلي ما يأكل الا حب بس

غير الحب ما يأكل ولا اعرف شنو السبب ؟

وحبيت استفسر اذا كان الطير ذكر والا انثى

وكم عمره ؟

وشنو اسمه او نوعه ؟؟ >>>>> انا مبتدئ في الكوكتيل ،^^

شنو الاكل المفضل له ؟؟

وكيف اخلي كوكتيلي يتكلم او يرقص او يصفر ؟؟

وهذه بعض الصور له












ومشكورين وما تقصرون

[هاوي تربيه]

اول شي قبل ما اجاوب على اسئلتك
اول ما تشوف ردي تقوم وتروح للطبيب
البيطري وتاخد الطير معاك
لحق على الطير قبل لا يموت
والي انا اشوفه انو عيون الطائر
محمره وهذا يدل على انه مصاب بمرض الدمعه
وهو مرض يصيب الجهاز التنفسي وتظهر اعراضه
في العين
وفي دواء مجرب اسمه التايلان
وفيه البودره والسائل
انا شخصيا استخدمت البودره واشوفه ممتاز وفعال
واتوقع معاه اسهال

وخبرنا ويش صار معاك اذا وديت الطير للبيطري

[ابو خالد 222]

ماشاء الله

[ولد الحلال]

هاوي تربيه

انا عندي البودرا كنت احط له قليل منه بس ممكن اتقول لي اشكثر اخلي له كل يوم والا كل يومين ؟

ومشكور وما قصرت
والله يعطيك العافية

------------

تسلم اخوي ابو خالد 222

[Dark.Love]

المشاركة الأصلية كتبت بواسطة ولد الحلال

وحبيت استفسر اذا كان الطير ذكر والا انثى

الواضح انه انثى .

وشنو اسمه او نوعه ؟؟ >>>>> انا مبتدئ في الكوكتيل ،^^

نوعه باكستاني
اسم النوع لوتينيو .

ومشكورين وما تقصرون

انا رديت على الأسئله
بسس ّ لازم تروح ويا الطير البيطري
لأن حآلته خموووووووووووول × خمووووووووووول
لدرجه انو مو قادر يفتح عينه .
لك َ
. اجمل تحيهـ .

[لؤلؤه المحيط]

السلام عليكم

شباب عندي بعض الاستفسارات عن الكوكتيل

كوكتيلي دائما نايم ولا اعرف شنو مشكلته وساعات يأكل وينام
وغير حيوي وهو صار له تقريبا معاي من 3 شهور وهو على هذه الحالة
اخي شكله بهو شي انصحك تودية بيطري لانة من علامات الخموول هي الجلوس في نفس المكان وعدم الحراك وايضا

عندي فيتامين بعض الاحيان احط له في الماي بس بعد ما احسه يستفيد منه
واصل وضع له الفيتامين بشكل مستمر ومنظم وانشالله رح يستفيد

وكوكتيلي ما يأكل الا حب بس
غير الحب ما يأكل ولا اعرف شنو السبب ؟
عادي ما في اي مشكلة المهم انة ياكل

وحبيت استفسر اذا كان الطير ذكر والا انثى
اللويتنو يصعب عليك تحديد الجنس فية لانة عليك فتح الجناح
تفضل الرابط ممكن يفيدك

http://vb.2zoo.com/showthread.php?p=1161007

وكم عمره ؟
الطير بالغ

وشنو اسمه او نوعه ؟؟ >>>>> انا مبتدئ في الكوكتيل ،^^
لوتينو

شنو الاكل المفضل له ؟؟
الفلارس~الدخن~بذور دوار الشمس~الخس~الجرجير

وكيف اخلي كوكتيلي يتكلم او يرقص او يصفر ؟؟
اولا يجب عليك ان تقضي وقت مع الطائر عشان يتعود عليك
ودائما ضع له الطعام والشرب عشان يتعود عليك

موفق اخي الكريم
وهذه بعض الصور له

ومشكورين وما تقصرون

[/quote]

[ولد الحلال]

اتسلم اخوي Ɗâŗƙ ҂ Łőѵệ

الله يعطيك الف عافية ،،

انا احاول قد ما اقدر معاه وحالين اعطيه فيتامين

لان من 3 شهور وهو على هذه الحالة

بنتظر كم يوم بشوف اذا ما ردت حالته

بروح البيطري وامري الى الله ،^^

[ولد الحلال]

تسلمين اختي لؤلؤه المحيط

والله مب عارف اشلون اشكركم

وشكرا على المعلومات يا الغالية

وان شاء الله راح اعتني بطير قد ما اقدر

وربنا كريم ^_^

[هاوي تربيه]

اخوي طا لما انت اتقول ان العلاج الي معاك ما جاب نتيجه مع الطير
اجل وش تنتظر
انصحك اذا ماتبي الطير يموت تاخده للبيطري