فرفوره انجنت ياناااااااااااس

[R-W]

السلام عليكم ورحمة الله وبركاته

كييييييييييييييفكم عساكم طيبين


انا عندي بغبغاء افريقي اسمها فرفوره

المهم

صايبتها حاله مو طبيعيه طفشتني هالايام

صايره تقطع في قفصها

طبعا القفص يجي من تحت بلاستك
هي تروح لأطراف القص وتقطع فيه
لدرجة انها سوت حفره كل يوم تكبرها بزياده
وانا على قد ما احاول امنعها مانفع فيها
والان كمان اطراف الخشبه الي توقف فوقها من بلاستك
الان قطعتها المجنونه
وي
وي
وي
خايفه تحشر راسها في الحفر الي تسويها
بالذات وقت النوم ما ادري عنها وش تسوي بنفسها

اوف مره ماتسمع الكلام طفشتني مره

ليش تسوي هالحاله يعني وش اسوي فيها يبيلها شئ او وش فيها منجنه



دلوووووووووني وش اسوي معاها

[Bo-Danial]

السلام عليكم

ممكن صورة للقفص والحفرة وكيف موقعها

عشان نلقى حل لمنعها؟

الظاهر تحتاج لعبة في القفص عشان تلهى عن الحفر والتقطيع

[رامي الهذلي]

وعليكم السلام ..اختي


على حد علمي .. ومن توضيحك انو تاكل في ارضية القفص
والخشب .. هذا دليل على انك حابسته في القفص وهو يبي يطلع

وهذا طريقه غير صحيحه.. وبالذات اذا كان الطير جديد,, عادةً الطير مايحب احد يحبسه خليه براحته خلي باب القفص مفتوح
واذا القفص مفتوح من فوق وله استناده يجلس عليها يكون احسن له .. يتعرف على اهل البيت ويتعود عليهم



موفقه بأذن الله

[R-W]

هلا خيوو

شوف هذه هي الصوره
توي صورتها ^_^




وبالنسبه لها هي لها مقارب سنتين او اكثر

وبالعكس طول اليوم خارج البيت حقها
مانحبسها غير لما نبيها تنام
وتطير في البيت كله براحتها كمان من زود الدلع ما احد يقول لها شئ
حتى من زود الميانه تطير فوق راسي وتضربني بمنقارها كم ضربه وترجع تطير
يعني مرررررررره مدلعه

[R-W]

اي صح نسيت اقول لكم
ترى هي خارج القفص وتدخل عشان تقطع وترجع تطلع كل شوي
يعني احسه دلع والله اعلم

[tmh]

اختي
جيبي لها العاب علشان تنشغل فيها
ان شاء الله ماراح تحفر

[fawzi]

اختي هذا طبيعي في البغبغاوات تحب تحطم لانها طيور تحب المضغ علاشان كذا لازم تغيرين القفص وتخلينها في قفص اقوى من هذا ونصيحه حاولي تحطين للبغبغاء قطع خشب صغيره نفس الاغصان بس تكون نضيفه وجافه علاشان تمضغ فيها وان شاء الله الامور بتصير زينه الله يحفظها لكم ان شاء الله من كل شر

[فيصل المبارك]

هلابك اختي
بالنسبه لضاهره الي انتي ملاحضتها على الببغاء من تكسير في اجزاء القفص السفلي هاذا شي طبيعي ومثل ماتفضلوا الاخوان لابد من توفير العاب داخل القفص علشان يشغل نفسه فيها بس اهم شي تكون قطع خشبيه

وفيه نقطه ثانيه لاحضتها في صورة القفص

انه مافيه فاصل بين الجزء السفلي من القفص وهاذا شي غير محبب للببغاء

نصيحتي لك فيه اقفاص تكون ارضية القفص فيها فاصل او حاجز ولها عدة فؤاد للببغاء وفي نفس الوقت فيها حماية له من عدم اكل مخلفات الموجوده في القفص


خلاصة الموضوع اختي

اولا توفير العاب

ثانيا توفير قفص اخر له حاجز او فاصل لكي يمنع وصول الببغاء الى ارضية القفص

[R-W]

اها
فهمتكم الله يجزاكم بالخير يارب
ان شاء الله بجيب لها خشب
تصدقون لما قلتو لي انها تحب الخشب افتكرت انها اي شئ خشب تحب تاكل فيه

كذا مره تطير فوق الباب حق الغرفه وتحاول تاكل فيه

وسالفة الفاصل كمان عجبتني

شكرا لنصيحتكم جميعا الله يديكم العافيه يارب
ان شاء الله اوفر لها المناسب

بارك الله في يمناكم جميعا افدتوني وطمنتوني على فرفورتي ^_^