أسئله تهمني وأتمنى تجاوبوني

[Musab Pro]

الجواب 2 كويس اذا ماينبح واذا يعوي مشكله بس أنشاء الله يطلع رجال وما يعوي والى لبسته الطوق اللي مايخليه ينبح طول اليوم علشان ما يتعود ينبح .

هو ما يعوي الا نادر الكلب هادي جدا والطوق هذا معاه جهاز ريموت ولما يسوي شي غلط

تضغط الريموت ويلسعه الطوق.

الجواب 3 كويس مع أني ما أعرف أربي لاكن قطوتي عودتها على التراب وصارت تدفن وأتوقع الكلب أسهل في التربيه .

الطريقه سهله ولكنها تحتاج وقت وهي كالتالي

الاوقاات اللي يخرج فيها الكلب فضلاته غالبا بعد

لعب الكلب او بعد الاكل بربع الى نص ساعه

الاشاره هي الكلب يتوقف عن اللعب ويبدأ يشم الارض ويتفحص المكان

اول ما تشوفه سوا كذا انقله الى المكان اللي تبيه ولما يخلص شغله

كافئه بالاكل وقوله قوود دووق وامسح على صدره تشجيع له

على هالحال مدة اسبوعين الى شهر على حسب استيعاب الجرو

وبعدها هو بيسويها بالمكان اللي عودته عليه .

الجواب 4 كل شهر شوي أنا كل أسبوع لازم شور مع العطور والاستشوار والتمشيط وكل شي.

لا يا الغالي ما يصير .. الكلب له افرازات وزيوت تنفع الجلد والشعر وتحميه ولما تروشه كل اسبوع انت

تزيل هذي الزيوت يعني يصير الرد عكسي عليك .

تروشه كل شهر وتمشيط كل يوم

الجواب 5 الله يعين من هذي الناحيه قلقتني أذا ما يدفن معناته الريحه راح تكون قويه.
طيب أيش هي هذي الماده الكيميائه اللي تحول حاجته الى حجر كويسه مره اذا ممكن تذكر لي أسمها وسعرها لا هنت؟

والله ما اذكر بالظيط وانا ما استخدمها حاليا .. كنت استخدمها لقطه كانت عندي داخل البيت

لكن ما تتعطل اغلب محلات الحيوانات عندهم هذا التراب .

طيب أيش رايك لو كل أسبوع أروشه وأمشطه وأشيل بنفسي الشعر الضعيف والمتساقط هل أطلع بنتيجه وما يطيح شعره في البيت ؟

سبق ذكرت الشاور مره كل شهر ... التمشيط يومي واذا مره بالشديد الاوووي مره كل يومين

وقت التمشيط راح يطلع معك الشعر الضعيف ويتنشط الجلد ويترتب الشعر والكلب ينبسط

وصدقني التمشيط يقوي العلاقه بينك وبينه خصوصا اذا مارسته بالشكل الصحيح المحبب

يعني باسلوب حلو وتشجيع

اما بالنسبه للحياة اليوميه انا افضل انك ما تضلم الكلب لو ما عندك الوقت الكافي خل احد يساعدك

او تخلى عن الفكره واكسب اجر .. لان حرام حبسه كل اليوم هو مو عصفوور !!

هل فيه خطر على تساقط شعري من الكلب لئن شعري الأن يتساقط وقاعد احاول أعالجه وأخاف الكلب يزود التساقط علي والى مافيه اي مشكله من هذي الناحيه ؟

بالحقيقه لا اعرف ولكن الكثير الكثير ما اثر عليهم .. وبيني وبينك اذا شعرك يتساقط القرعه فيك فيك



ما عرفت احد جاه تساقط ونجا من القرع ... خلك واقعي وتقبل الامر بروح رياضيه وعيش حياتك

والافضل تسأل الدكتور اللي يعالج شعرك فهو المختص وهو الشخص اللي يعرف الاجابه

تحياتي