اشترك في نشرتنا البريدية ليصلك كل جديد

amazon-lover · 26-10-2010, 11:49 AM

السلام عليكم
اخواني كيف حالكم ان شاء الله بخير
اخواني عندي استفسار بسيط وانا متأكد انكم ما بتقصرون معي
عندي جوز روز جاهز للانتاج بإذن الله وانا ماعندي خبرة في انتاج الروز وهذي اول تجربة لي
انا جهزت القفص وركبت العش وفرشت ارضية العش بنشارة الخشب بس لاحضت انهم يرمون فيه برا العش سؤالي هو هل فيه بديل افضل من النشارة
وياريت لو في نصائح تساعدني في الانتاج لاني مثل ماقلت قبل انها اول تجربة لي مع طيور الحب

اها نسيت اذكر انه الجوز على طول جالسين في العش ومايطلعون الا للاكل مع انه ماتحتهم بيض
اعتذر على الاطالة والسموحة

MR.F · 26-10-2010, 12:10 PM

علق لهم سعف النخيل في القفص و هم راح ينتفونه و بنقلونه للعش

amazon-lover · 26-10-2010, 05:15 PM

مشكور اخوي ماقصرت
طيب بالنسبة للاكل انا احط لهم خلطة البيض بين كل فترة
هل في شي ثاني مفيد احط لهم مع العلم اني احط لهم خضار وفاكهة بس ماياكلونه

ابو التواريخ · 26-10-2010, 06:07 PM

أيام إنتاجي للروز كنت كل يوم أحط لهم 4 أو 3 سعفات نخيل بعد ما أغسلهم وهم يدخلوها للعش + ولا تفتح العش إلا كل أسبوعين+ أعطيهم خضار أو فواكه بشكل شبه يومي+ توفير الهدوء ورفع القفص عن مستوى الأرض