من الافضل ؟ استفسار ؟

[جعفر السامرائي]

بالنسبة للنشارة قللت منها
وفكرة ان اقسم القفص على "طابقين" راح يكون متعب و ياخذ وقت اطول وانا اريد بأسرع وقت اخليهم في القفص
واليوم اخذنا قرار اننها نغير شكل العش "نوصي النجار يسويلنا واحد مرتب اكثر من هذا ونسوي فيه شوي حركات
لما يكمل ان شاء الله نوافيكم بالصور
راح نخلي البيت ان شاء الله داخل القفص على جهة اليمين .. ونخلي له فتحة "جانبية" حتى اقدر من دون ما الطير يحس افتح واشوف داخل العش .. بس بهالحالة ما راح استطيع بسهولة ان اتدخل بما يجري داخل العش مستقبليا .. فقط النظر .. ويمكن نسوي لنا حركة ثانية حتى نقدر نتدخل بالقضية .
بعد القفص راح احط فيه شوي العاب يلعبون بيها ويلعبون اطفالهم
ومن المحتمل ان اضع معاهم اما زوج غندور او زوج طير حب .. لكن هنا سؤال .. بما ان هالنوعين "الغندور وطير الحب" فضوليين جدا وبالاخص طير الحب .. يحب يكتشف كل شيء حوله ويدعفس فيه .. هل من الممكن ان يدخل احدهم الى عش الكوكتيل ؟ ام ان الكوكتيل راح يمنعهم من الدخول ؟
وما قلتولي اي واحد مسالم اكثر مع الكوكتيل ؟ الغندور ام طير الحب ؟
انا اللي شايفه في اليوتيوب انه طير الحب مسالم اكثر من الغندور ويحب يلعب مع الكوكتيل اكثر
وهل اضع عش الزوج "الدخيل" على زوج الكوكتيل تحت عش الكوكتيل ام مقابيله بالاعلى ام انه ما له علاقة وين يكون المكان ؟
برب نروح ناخذلنا راحة وارجع من الشباب نكمل التخطيط للقفص
سلامي