صورة حوض السمك رايكم يهمني

[ابوعبدالمجيد]

مرحبا اختي رمااس

وشرفتينا ونورتينا بانضمامك معنا

وان شاء الله انك بتستفيدين وبتفيدين


اولا : الاكل احيانا مرة او مرتين او ثلاث باليوم على حسب المزاج

طبعا هذا كثير عليهم ولازم تقلليلن من هذي الكميه

ولازم تكون كميه الاكل المحطوطه تخلص باقل من 3 دقايق اذا قعد الاكل اكثر فااعرفي انك حاطه لهم اكثر من اللزوم

وبما انك مخربه برنامج اكلهم اليوم وبكرا لا تعطينهم اكل وابدي معاهم من بعد بكرا مره ولا مرتين باليوم وتكون كميات قليله

ثانيا : النور له 6 شهور ماقفلته دايم مفتوح

ياساتر السمك كذا ماراح يرتاح واتوقع حوضك فيه طالب وللمعلوميه الصوره ماطلعت عندي حاول ترفعينها مره ثانيه

النور خليه من 6 الى 8 ساعات باليوم شغال بسسسس

ثالثا : كل اسبوع تقريبا ينقص ماء الحوض وازيدة

فيه احتمالات كثيره شوفي الحوض يسرب ولالا

او الفلتر يسبب فقاعاات مويه وتتطاير قطرات المويه للخارج لكن بشكل خفيف

حراره شوي مرتفعه فايتبخر المويه حاولي تخلين درجه الحرارع 27 وماتتعدى 29
رابعا : موت بعض الاسماك فجاة كل 3شهور مادري ليش

احتمال من الاكل او درجه الحراره وهل بالست شهور هذي غيرتي نص المويه ولالا

وهل فيه فلتر مناسب وكميه هواء بالماء وكم مقاس الحوض عندك

خامسا : شريت سمكة مادري شنو اسمها لونها ابيض ودبة

وكانت حامل حطيتها في حوض الصغير بعدين طلع 40 بيضة كبرت الاسماك الصغيرة بعد اسبوع اشوفها تتحرك مثل الدودة
بعد اسبوعين كل الصغار ماتت مادري ليش كل يوم احط اكل غريبة يموت

الاكل الزايد يضر ماينفع السمكه

اتمنى اني قدرت ابين لك بعض النقاط وان شاء الله راح يعيش عندك السمك

اخوك
ابو عبد المجيد