القمل و علاجه

[صمت الأمل]

وعليكم السلام ورحمة اللهـ وبركاتهـ ..



أنا عانيت مثلكـ مع القمل وهذي حالهـ عاديهـ تجي اما من طيور ثانيهـ مثل الحمام أو دجاج جديد من السوق..



ورحت للبيطري وحاولت أشتري منه البودرة لقتل القمل لكن كانت مسحوبة من السوق كلهـ لأن تاريخها انتهى .



ولقيت نوع ثاني سائل ينحط خلف رقبة الدجاج .. نقطتين الى خمس حسب عمرها وقوة القمل فيها ..



لكن للأسف مااااانفع أبدا .



وجربت طريقة ثانيهـ للببغاوات اني أسبح الدجاج في جيكـ ماء فيهـ ملح خشن ..



كان فيهـ نتائج وتقدم ملحوظ لكن للأسف الفرحة ماتكمل ,, لازم أسوي هالطريقة على الأقل 3_ 4 مرات في الأسبوع .



واذا تركت الخلطة مات الدجاج من القمل ,, واذا روشت الدجاج كثير مات من البرد ..



فأحلى حل لقيتهـ بعد بحث وجهد طويييل هو زيت الطبخ العادي .



خذ لكـ شوي زيت وألبس قفاز وأمسكـ الدجاج وأدهنهـ بالزيت في :



خلف الرقبة مع الظهر , فوق الرأس , تحت الجنحان عند المفصل , فوق الفخوذ , تحت الذيل فوق فتحة الشرج .



هذي المناطق لاااازم تركز عليها . والأفضل تدهن جسمها كلهـ .



صحيح شكلها راح يكون مضحكـ جدا أو مبهذل .. ونحيييف . لكن راح يروح هالزيت في يومين تقريبا



لكن واللهـ راح ترتاح الدجاجات راحة ماحسوا فيها من يوم ماجاهم القمل . و القمل راح تشوفهـ يموت قدام عيونكـ ..



ان شاء اللهـ أفدتكـ وكلما استعجلت في تطبيق العلاج كلما كان أفضل لكـ ولهم .



تحياتي لكـ .