عصافير جديدة

[الباشق الغريب]

الصور توضح اكثر , بس دير بالك من القديم ولاتنغر انه يوكله اول يوم , احتمال اليوم الثاني ياكله مو يوكله , دير بالك , بعدين اذا هو زغير وماياكل لازم توكله انت , بس لاحظه هو ياكل ولا لا ؟ لان اذا ماياكل لازم توكله بالحقنة سيريلاك .
مسألة الاسهال هذه احيانا تحصل مع الافراخ المفطومين للتو , بس ماتطول وياهم يومين مو اكثر لان بعدها يبدأ جسمه يضعف وهو بعده طري , انت اول شي لاحظه ياكل ولا لا حتى تبلش توكله او تتركه ياكل , بعدين مسألة الاسهال اسمع مني شتسوي : تجيب فص ثوم كبير وتقطعه وتهرسه زيييييييين وتحط عليخ لتر ماء , بعدين تعصر عليه نصف ليمونه صفرة , وترجع تصفي الناتج حتى تتخلص من الشوائب , وتخليلهم هذا الماء بدل ماء الشرب لمدة خمسة ايام بعدها ماتشوف اي اسهال ولامرض - باذن الله - , ترجه تحطلهم فيتامين بالماء لمدة يومين او ثلاثة , وسلامتكم .
بس ياصاحبي ياريت لو تغير النك نيم لان تعرف انه اسم ولهان هو اسم شيطان وتحديدا وسواس الوضوء , وفيه حديث صحيح , ارجو ان تتقبل نصيحيتي .
بالتوفيق .