ضـــروري

[البلانكوس]

بسم الله الرحمن الرحيم

والله انا ماادري من وين ابدي

عندي طيرين واحد عمره 28 ماشاءالله وشارينه من قبل لا انولد 1982 كان صغير بيبي وقبل 10 اشهر شريت كاسكو ثاني اللي سمه عمره كاكــو والصراحه انا مقصر وايد وياهم

اطلعهم بالشهرين مره تقريبا ومو كل مره اطلعهم بالشمس الكبير امسح عليه بس الصغير يعض ومااعرف ادربه واذا طلعته يطير ويسولف شوي الصغير يقول : يالله . ميو . ينابح . احمد .

والكبير يقول: يالله . احمد . منو . سلام عليكم . هاا . نعم . مع السلامه . بوسه بوسه . ينابح . بااااع . ميو . ويغني وقبل كان يأذن انا مالحقت عليه

وبالنسبة للاكل انا بس اوكلهم تفاح وحب شمسي وعرموط وجزر ومرات طماط شكثر اقرا مواضيع عن الاكل بس ماادري بالضبط شنو اوكلهم وشلون ادرب الثاني ( الصغير ) وانا على سفر بعد جم يوم وبالنسبه للسباحه يكون عشوائي مرات اخليهم مده بدون سباحه فا ياريت تساعدوني واكون شاكر لكم للعلم انا اقرأ بهذا المنتدى منذ سنه تقريبا

[د. إحتـراف]

ياهلا اخوي

اولا ماشاءالله تبارك الله , واعذرني اقولها لك المفروض ماذكرت عمر طيرك الكبير بس مالله ماشاءالله الله يحفظه لكم يارب .

ثانيا في مواضيع كثيره لتدريب الكاسكو وبالنسبه للعض انا اليوم كتبت وضوع عنه تقدر تشوفه

اكبر غلط انك تحبس الطير شهرين متواصله لازم كل سبوع وخاصه طيرك الكبير لازم يرفه عن نفسه شوي

والتشميس المفروض كل يوم اخوي والاكل نوع لهم لا تعطيهم نوع واحد عطهم فواكه وأرز .

والسباحه احنا في الصيف المفروض كل يومين تروشهم وفي الشتا كل اربع ايام اوهم شي تبعدهم عن التيار الهوائي

انتبه لهم اخوي والله يبارك لك فيهم يارب

تقبل مروري

[البلانكوس]

يعطيك العافيه اخي الكريم افدتني كثيرا في كلامك والطير الكبير لول لاانشاءالله مافي عيون حاره هني بهذا المنتدى الغالي على قلوبنا ولكني لمن اروشهم شكثر اخليهم بالشمس لاني لمن اروشهم وادخل جسمه يضعف ويتنفس غلط ويتعب فا شكثر مدة الترويش وارد واقولك يعطيك العافيه وجزاك الله خير وبالتوفيق للعالمي

[د. إحتـراف]

الله يسلمك اخوي

بالنسبه لترويش اول شي شمس الطير قبل المغرب يعني بعد ماتصير الشمس خفيفه حبتين

اتركهم 15-20 دقيقه

بعدين روشهم لا تروشهم وتعرضهم للهواء راح يمرضون

واحنا في خدمتك يالغالي