حاله غريبه في سنجوبتي ان شاء الله تكون طبيعيه

[توتي]

السلام عليكم

يا جماعه الخير.. سنجوبتي اليوم وضعها غريب جدا جدا جدا..

خل اقولكم من الاول.. من اسبوعين تقريبا وهيه تجمع نشارت الخشب وتحطه في بيتها وتكون نايمه طول الوقت.. ويوم سألت عن حالتها قالوا لي انها فتره سبات ( بيات شتوي ) يعني الحاله طبيعيه 100% كنت اشوفها تاكل وتشرب وترجع تنام..

لكن اليوم اشوفها مطلعه نشارت الخشب من بيتها ومنسدحه على جنبها وشكلها كأنها تحتضر وبتمووت.. متيبسه.. واحس رجولها ويديها متشنجات.. حاولت احركها ما تتحرك.. حاولت افتح البيت من فوق وما قدرت عليه.. بعدين تحركت شوي وغيرت وضعها.. ومغمضه عينها ما تفتحها بس تحاول تتحرك ومش قادره..

بليز هل هذا الوضع طبيعي مع اني شاكه بالموضوع الانها نايمه على جنبها ويدها فوق ورجولها تحت فاتحتنهم وبطنها طالع.. اول مره اشوفها جي واحس انها متشنجه.. ومش قادره تفتح عيونها واحركها ما تتحرك..

شو اسوي يا ربي.. بليز ساعدوني.. انا حطيت لها عش قش وحاولت ادفي القفص غطيته بشال صووف انصحوني.. بليز..


خايفه عليها وخايفه منها وخايفه على روحي لا يصير لي شي الاني ما احب افقد شي ربيته.. وبالذات انها هديه من صديقتي اني مشتريتلها اغراض من اسبوعين وللحين ما استخدمت شي.. قفص كبير عشان تسرح وتمرح فيه على كيف كيفها.. عش مصنوع من قش خاص للقوارض.. سلم.. كور عشان تلعب.. وحتى السلسله اشتريتها.. وسرت عند البيطري واشتريت فيتامينات لها.. ولكن وبسبب انشغالي ما سويت لها شي ولا رتبت لها شي.. واحس اني ندمانه الاني اهملتها واهملت غيرها..

ادعولي بليز.. وساعدوني..

أختكم/ توتي

[فايز]

السلام عليكم ورحمت الله تعالى وبركاته

هلا والله اختي.. اختي خبرتي ظعيف في القوارض لاكن اختي وديها حق البيطري خليه يشخص حالتها هذا احسن شي تقدرين تسوينه لها .. وان شاء الله تقوم بل سلامه وان شاء الله مافيها إلا الخير... وان شاء الله يفيدونك الأعضاء والخبراء...

مع السلامه تحياتي لك

[redshark]

ياتوتي ان شاء الله خير لاتقلقي

بس حطي صورتها بسرعه وكمان قوليلي ايه اكلت واذا كان جلدها لونه متغير واذا كان فيه سوائل حوالين فمها

الوضع العادي انها تجهز العش وتنام وماتطلع منه مدد طويله وانها تاخد الاكل جوا العش ونومها بيكون زي الموت تقيل جدا جدا وكمان قوليلي كام درجة حرارة الجو في الغرفه

[رعوود]

اختي توتي ان شاء الله خير


واذا ممكن اابة الاسئلة الي سألها اخوي

رد شارك


وهل انتي وديتيها حق بيطري او لا



وننتظر الاجابات

وشكرا

[Luis]

ماعليها شر ان شاء الله..

وننتظر إجابات أسئلة ريد شارك..!!

[Withered Rose]

إن شاء الله خير توتي ..
و ننتظر الإجابة على أسئلة رد شارك ..
و أنا عندي سؤالين :
لاحظتي بعيونها جفاف أو إنها مسكره نصهم أو 3 أرباعهم لما تكون مستيقظة ؟
قل وزنها و ضعفت ولا على حالتها ؟

و إن شاء الله ما فيها إلا العافيه ..

[توتي]

[توتي]

ما توقعت نفسي اقع في هالموقف في يوم من الأيام.. الانه اكرهه شي عندي يوم اني افقد شي خاص فيني.. ( سنجوبتي ماتت )..

ماتت اليوم الصبح.. قبل لا اسير للدوام.. قلبي يعورني عليها.. الاني ما عرفت شو فيها ولا قدرت اساعدها وانقفذها.. حزنانه عليها واااايد.. للحين ما طلعتها من القفص ولا قادره اشوفها.. حتى ما قدرت انزل الخبر في الموضوع..

اللهم لا اعتراض.. ما اقدر اقول غير لا حول ولا قوة الا بالله.. طول هالفتره وانا بعيده عنها بسبب ظروفي.. بس كنت اشوفها تاكل وتدخل لعشها.. واشوفها طبيعيه ما عرف شو صابها.. انا مصدومه باللي صار.. انتظر بس اجازه العيد بس عشان ارتب لها القفص اليديد والاغراض اللي اشتريتها لها.. بس قدر الله ما شاء فعل..


اشكرك يا فايز..

اخوي ريد شارك.. حراره الغرفه عاديه مش بارده يعني.. وبالنسبه للون جلدها فهو عادي.. واما السوائل حول الفم فما شفتها.. شكلها طبيعي..

اخوي رعوود كان صعب جدا اني أوديها للبيطري الانه الوقت ما كان يناسب.. كان ليل..

لويس صار اللي صار خلاص..ما في فايده من الكلام..


حبيبتي ويذرد.. حالتها كانت عاديه.. تقوم وتشرب وتاكل وتنضف العش دووم اشوفها بس انا اهملتها يومين كنت مشغوله واايد وما كنت الاحظها دووم..

[redshark]

لاحول ولاقوة الا بالله 000 احساس صعب جدا وانا مشاركك فيه وحسيته يوم ماتت انثى السنجاب عندي 000 وعارف انه الاسوا لما نقف قدام الحالة وايدينا مكتوفه 000لكن اختي ده امر الله
ودي ضريبة بندفعها تشجعنا وتخلينا نحط ايدينا في ايدين بعض 000 ونحاول نكتسب المزيد والمزيد من الخبرة لحد ما ننجح في تربيتها واكثارها 000

لو عايزة نصيحة مني اختي العزيزة 00 ادفينيها وبعد العيد جهزي قفصها من جديد وشوفي ايه الخطا الي حصل منا وابداي بتربية واحد جديد وخلى كلك اصرار في النجاح في تربيته وراح تلاقي الحب الي جواكي ناحيتها راح للجديد 00 وراح تفضل منها ذكري التجربة 000 تحياتي

[توتي]

شكرا يا ريدشارك.. وكلامك صحيح.. انا والله مؤمنه بهالشي لكني حزنانه غصب عني.. ومرات اقول انا شلي بتربية الحيوانات خليني بتربيه الطيور..

مثل ما قلت الواحد لازم يجرب.. ويتعلم من تجاربه.. بس تتوقعون شو السبب؟؟ هاللي ابا اعرفه..

ان شاء الله خير.. قلت للخدامه تشيلها ما قدرت اشيلها ولا اشوفها.. وتدفنها في البيت.. هاي ثاني مره افقد شي بهالطريقه من 10 سنوات تقريبا.. الله المستعان