محتاجه معلومات مفيده وكافيه عن تربيه السلحفاه البرمائيه

[Almaha.K]

وعليكم السلام ورحمة الله وبركاته

اول شي احب ارحب فيك وثاني شي العذر على التأخير
ومبروووك على السلحفه تتربى بعزك

عندي معلومات بسيطه عن السلاحف البرمائيه(ذات الاذن الحمراء)
ويارب يكون هو نوع سلحفتك عشان تستفيدين

عشان تفرقين اذا ذكر او انثى:
الذكر يكون اللون الي بالجنب احمر غامق او احمر واظافر اليدين طويله والذيل طويل
اما الانثى يكون مايل للبرتقالي او برتقالي باهت شوي والاظافر قصيره والذيل قصير
والصور هذي توضحلك الفرق




غذائها:
يفضل انك تنوعينلها بالغذاء كل اسبوع (ديدان الارض – اسماك صغيره – خضار وفواكه – روبيان مجفف)
ابشريلها جزر مره مفيد لنظرها لانه يحتوي على فيتامين أ واذا ما اكلت منه اشتري فيتامينات من محل الحيوانات بشرط يكون فيه فيتامين أ (بس مو اذا من اول مره ما اكلت الجزر خلاص يعني عيدي عليها لمدة 3 ايام)
وتلقين غذاء مخصص بمحل الحيوانات وهذا زين لانه مايفقد خواصه الغذائيه لو قعد مده تحت الماء لكن لاتركزين عليه التنويع افضل
اذا كانت سلحفتك صغيره اكليها كل يوم اما اذا كانت كبيره وبالغه كل يومين او ثلاثه
(يبلغ الذكر من 2-4 سنوات اما الانثى من 5-7 سنوات)

البيئه:
لازم توفرين لها بيئه نظيفه ودافيه, تقدرين تجيبينلها حوض سمك ويكون بمساحه جيده لانها تحب السباحه وتحطينلها صخره في زاوية الحوض عشان تجلس عليها, ولتزيين الحوض وبعد عشان يكون مماثل لبيئتها حطيلها نباتات صناعيه وصخور واحجار صغيره, ومن ناحية درجة حرارة المويه حطيلها مسخن للمياه Heater واضبطيه على درجة حراره ( 27 سيليزي – 78 كيلفن ) . وتغيير المويه مرتين في اليوم ويكون الامر روتيني بالنسبه لك, او طريقه اسهل حطي فلتر مياه وتكون قوة دفع الفلتر خفيفه او اذا كان قوي حطيه بعيد عن الصخره الي تجلس عليها ولاتشغلين الفلتر 24 ساعه شغليه بس اذا توصخت المويه بالفضلات او بقايا الطعام وسكريه اذا نظف الحوض, وكل 3 ايام نظفي الفلتر زين وحطيه بمويه مغليه عشان يقتل البكتيريا والفيروسات .
وهذي كم صوره لاشكال الاحواض





ولاتمسكينها وتشيلينها كثير لانها بتصير تخاف منك لو سويتي كذا
بس تقدرين تعودينها عليك بانك تحاولين تأكلينها كل يوم من يدك
ولاتزعلين اذا ما اكلت من اول مره مع التكرار هي بتتعود عليك

اتمنى اني افدتك