تابع : لمحبي الدوبر مان الرجاء الافادة

[pitbull-lover]

السلام عليكم و رحمة الله وبركاته

اخوي الكلاب بطبيعتها جميله و رقيقه و لو اظهرت لك بعض من الشراسه او العصبيه ..

اخوي من ناحية الفصل هذا من اهم العوامل الي تساعد على انهم يتعودون عليك بسرعه و عشان بعد يثقون فيك ... و بعد عشان تحافظ على الي في بطن الكلبه يعني ممكن الذكر يلعب مع الانثى بنوع من قوه و يضر الانثى ممكن تنزل الي في بطنها بس من كثر الحركه او الضربات القويه ... ثاني شي الكلاب لو حطيتها مع بعض راح توالف مع بعضها و ما راح تطيع لك امر و تشوفها تلعب مع بعضها دون السماع لكلامك ..

اخوي لو كانو جالسين مع بعض انشاء الله 5 سنوات و فصلتهم عن بعض ما راح يمسوك بضرر او انهم يتغيرو عليك بشي ولا حتى راح يتعاركون مع بعضهم لو شافو بعض مره ثانيه ولا حتى راح يحقدو عليك او ينسون بعضهم .. هو ممكن اول ايام تسمع نباح مع شوي عواء لانهم ما تعودو انهم ينفصلون عن بعض او لانهم راح يجلسون لحالهم و لكن هي فتره و راح تعدي و بعدها يصيرون طبيعيين جداً جداً ...

ممكن تزيد شراستهم ايه نعم و خصيصاً الذكر و لكن مو عليك انت على الناس الغرباء الي راح يجون المكان الي هو فيه و ممكن تزيد شراسة الانثى و لكن لما تضع ابنائها و يفضل عدم لمس ابنائها اول ايام الولاده ..

اخوي راح ياخذون عليك بسرعه شديده يعني لو تعتني فيهم زين و تراقبهم و تطلعهم و تلعبهم معاك بصوره يوميه يعني على الاقل 4 ساعات في اليوم اقولك 3 اسابيع و يصيرو معاك سمن على عسل ...

اهمية الفصل اشياء كثيره وهي :

1- في حالة لو مرض واحد فيهم ما تنقل العدوى للثاني .

2- في حالة عراكهم مع بعض و تصير كثير وقت اطعامهم تتفادة انك تخسر احدهم او انهم يجرحون بعضهم .

3- في حالة انهم لو جلسو لحالهم و شافوك انت الوحيد الي تجيهم راح يتعودو عليك بسرعه .

4- تتفادة انك تخسر الي في بطن الانثى الحامل مثل ما ذكرة في الاعلى السبب .

5- سهولة تنظيف المكان لهم مع سرعة اخراجهم و ادخالهم اقفاصهم دون ملاحقتهم .

طبعاً هاذي اهم الاشياء اخوي و انشاء الله اني افدتك ...

تقبل مني اجمل التحيات مع تمنياتي لك بالتوفيق ...