الحقوني:جبت دجاجة راقدة لكن مو راضية ترقد عندي

[هآمسترهـ ,]

آنتضرهآ فيه آمل

ترقد بس خلهآ محجوره

[سحابة خير]

أذكر كانت عندي دجاجه تبيض في بيت الجيران

في مكان مخفي

المهم يوم من الأيام افتقدت الدجاجه وكنت ادور عليها

ليقتها راقده على البيض في بيت الجيران

خذت لي قفص صغير بحجمها

وحطيت فيه عش ( الحشيش الجاف)

ورحت ثاني يوم الصبح ومسكت الدجاجه

وجدامها حطيت البيض في القفص على العشه وبعدها دخلتها القفص

خليتها على البيض


المهم ما رضت ترقد على البيض

حاولت تطلع بس القفص كان مسكر

وخليت القفص مكان هادي محد يشوفه


ورحت عنها



ويوم رجعت لها في الليل شفتها ارقدت على البيض


هذه تجربه ممكن تنفعك مستقبلاً

[سحابة خير]

أهم تجربه حصلت معاي وأنفعها في نقل مكان الدجاجه مع بيضها




إنك تحط صندوق أو محكر في القفص تبيض فيه

ولما ترقد الدجاجه فيه على البيض تشيله وهي راقده فيه على البيض

وتحطه في المكان إلي تبيه

وعشان ما تطلع الديايه أول ما تشيله حط الصندوق أو المحكر في كرتون

أو سكرالفتحه إلي تدخل منه الدجاجه



(( الخلاصه: يعني تشيل الدجاجه وهي راقده على بيضها من غير ما اتخليها تقوم عنه أو تمسك البيض، تشيلها بصندوقها ))



هذه الطريقة نافعة معاي جداً