سؤال وجواب (في تدريب وترويض الببغاوات والعناية بها)

[ابو يمن]

سلام عليكم ورحمه الله
كيف اعرف اميز بين الرمادي لاني اشتريت واحد فصيح الكلام والثاني يصفر وبس حتى ياريت ينوع تصفيره وحده
وكيف اعرف الذكر من الانثى بدون بيطري وفحص دم وهل اقدر اجمع بينهم بالحلال ؟؟
متشكرين لردودكم ومنتحرمش منكم ..

[no0La]

المشاركة الأصلية كتبت بواسطة ابو يمن

سلام عليكم ورحمه الله
كيف اعرف اميز بين الرمادي لاني اشتريت واحد فصيح الكلام والثاني يصفر وبس حتى ياريت ينوع تصفيره وحده
وكيف اعرف الذكر من الانثى بدون بيطري وفحص دم وهل اقدر اجمع بينهم بالحلال ؟؟
متشكرين لردودكم ومنتحرمش منكم ..

وعليكم السلام

هلا بك اخوي ابو يمن ,,

تحتاج انك تكون خبير من ناحية العمر
ولو انك حطيت لهم صور افضل ,,

بس اكيد من وصفك واحد كبير فوق ال السنه
والثاني باقي صغير ,,

تعرف الذكر من الانثى عن طريق فحص الدم
واكيد اذا عرفت الذكر من الانثى يتبقى سن التزاوج
وهو 3 سنوات وتقدر تجمع بينهم بالحلال ^_^


موفق اخوي

[الشبح2009]

سلام عليكم

اخواني انا عندي ببغاء افريقي والاحظ انه وزنه شوي شوي ينقص واحس انه فيه شي في فمه يبي يطلعه وم قادر وهو على هذا الحال له ممكن اسبوع ويعض في القفص كثير وينضف منقاره كثير واحس برضه ان صوته متغير

[no0La]

المشاركة الأصلية كتبت بواسطة الشبح2009

سلام عليكم

اخواني انا عندي ببغاء افريقي والاحظ انه وزنه شوي شوي ينقص واحس انه فيه شي في فمه يبي يطلعه وم قادر وهو على هذا الحال له ممكن اسبوع ويعض في القفص كثير وينضف منقاره كثير واحس برضه ان صوته متغير

وعليكم السلآم

هلا بك اخوي الشبح

اخوي كم عمر ببغائك ؟

غالبا حالة الطير بالنسبة للوزن ياكل نوع واحد من الطعام
واتوقع فقط الحب الشمسي ,,

اخوي نوع له بالاكل قد الامكان وفيه فيتامينات عباره
عن نقط توضع بعدد 4 او 5 في مشربية الماء مفيده للببغاء
خذها من اقرب بيطري ,,

واللي بفمه اذا شفته ياكل لا تشكك انه فيه شي
معلق بفمه لان لو فيه كيف لازال ياكل ؟

يعض بالقفص احتمال انه يحتاج يطلع ع استاند
ويغير الروتين لانه يحب يلعب حط له العاب داخل القفص
وطلعه كل يوم ع استاند يلعب ويرفف بجناحه ,,

حك المنقار دليل الاكتفاء يعني اكتفاء من الاكل
وهذا شي طبيعي جدا مافي اي خوف ,,

الصوت ممكن تغير من شعوره بالملل اخي الكريم
أأمن له الالعاب وتغيير الجو شمسه بالصباح
وحط له قطع خشبيه نظفيه يكسر فيها ونوع بالاكل
وابعده عن التيارات الهوائيه وروشه مره بالاسبوع ع الاقل


وان شاء الله تشوف وضعه متحسن

موفق اخوي

[lost love]

طيب سؤال ثاني اذا ممكن ..

سمعت من الناس وبعض الأعضاء ان الأمازوني مزعج بصراخه واذا تعدى 5 سنوات يصير متوحش ..

و وقت الربيع بعد يكون متوحش ..

واللي قريته بواحد من الكتب يقول عكس هذا الكلام بنوع البلو فرونتد والأورنج وينج ..

فيا ليت تقولون مين الصح ومين الغلط .... مع اني مصدق كلام الكاتب اكثر

[سكر]

المشاركة الأصلية كتبت بواسطة lost love

طيب سؤال ثاني اذا ممكن ..

سمعت من الناس وبعض الأعضاء ان الأمازوني مزعج بصراخه واذا تعدى 5 سنوات يصير متوحش ..

و وقت الربيع بعد يكون متوحش ..

واللي قريته بواحد من الكتب يقول عكس هذا الكلام بنوع البلو فرونتد والأورنج وينج ..

فيا ليت تقولون مين الصح ومين الغلط .... مع اني مصدق كلام الكاتب اكثر

هلا فيك يا غالي

الأمازوني مزعج اذا تعلم الإزعاج

خصوصاً اذا فيه أطفال يصارخون, يتعلم منهم هذي الطباع

وفي الغالب ما يصرخ إلا بسبب,, يعني مثلاً لما زوجتي تترك الغاز حق الفرن مفتوح,, يقوم يصارخ ببغائي الأمازوني

تقدر تقول ان صراخه ممكن يكون سبب في حمايتك من مشكلة كبيرة في بعض الاحيان,,

لكن اذا مافيه داعي للصراخ ما يصارخ,, إلا إذا كان يشعر بالحر الشديد فتلاقيه يصارخ,,

والحل لتجنب الصراخ, توفير مكان بارد نسبياً له,,

أما اذا تعدى خمس سنوات, وفي فصل الربيع يتوحش , هذا كلام مو صحيح,,

إلا انه ينشط في وقت مواسم التزاوج,, بشكل أكثر,,

بالإضافة الى ان الأمازوني أنواع كثيرة,, وحتى في النوع الواحد مثل البو فرونتد تلاقي أكثر من درجة وكل درحة لها طبيعة من ناحية الصراخ والهدوء,,

وربي يوفقك