افيدوني في افضل اكل لفروخ الكروان

[فلونه]

اول شي باركولي صار عندي فرخ كروان صغنوون

وانا اول مره اجرب الفروخ

هيه لها عندي من ثلاثة ايام تقريبا

عمرها مادري بس يمكن شهر او اقل

اول ما اخذتها ماشاءا لله كانت دبدوبه

وبعدين بديت احس انها صارت اضعف شوي

مع اني اعطيها سيريلاك بالقمح حق الاطفال اربعة مرات في النهار

والحمد لله نشيطه وتلعب في القفص واتعودت علينا كلنا

لاكني ابغى اكل يسمنها ويكبرها ويمدها بكل الفيتامينات والمعادن

انا دورت على اكل الفروخ في المحلات ومالقيت

وقالولي في الصيدليات البيطريه وبعيده هذي في سوق الحمام

هل ممكن اجيبلها الاكل المخصص لصوص الدجاج واطحنه اكثر واخلط معاه

مويه وسيريلاك واعطيلها او ماينفع ...الاكل هذا يجي شكل مطحون ذره وحب ومدري ايش

وايش افضل فيتامينات وتناسب عمرها عشان اخلطه مع اكلها

هيه لسه ماتاكل من نفسها ولا تعرف

انا حاطتلها حبوب في ارضية القفص تلعب فيها ولا تعرف تقشرها

انتظركم

[Čłάŝŝίç]

مـٍبروكً ع الفرخٍِ

:. وأنا أفضل أحط مع السيرلآك‘ شويت عسل‘ تقريبـآً نص ملعقه صغيرْه

و كمان حط ‘شويت دخن تقريباً رًٍبع ملَعقه مًع السْرلآلآك وأٍخلطو كويًٍس .:

تحيآتي‘ classic

[فلونه]

مشكور اخوي على النصيحه

لاكن الدخن اي نوع فيه اسمر وفيه اصفر

واطحنه قبل ماخلطه مع السيريلاك ؟؟

طيب واكل صوص الدجاج اللي يجي مطحون ماينفع ؟؟

[Čłάŝŝίç]

المشاركة الأصلية كتبت بواسطة فلونه

مشكور اخوي على النصيحه

لاكن الدخن اي نوع فيه اسمر وفيه اصفر

واطحنه قبل ماخلطه مع السيريلاك ؟؟

طيب واكل صوص الدجاج اللي يجي مطحون ماينفع ؟؟

مطحـًٍون والأسمر‘ آفضل شيَ

تحيـآتيٍ‘ [ classic ]

[مـغرد]

سيريلاك فقط .. يفي بالغرض .. ~

[ابو التواريخ]

قبل ما أجواب على أسألتك عندي سؤال كم مل سريلاك تعطيه في الوجبة الوحدة
إذا كان أقل من 7 مل معناها يحتاج سريلاك أكثر لأن فرخ الكروان ياكل في الوجبة الوحدة من 7 إلى 10 مل
شي ثاني حاولي تنظمي أوقات الوجبات

[فلونه]

يعطيكم العافيه على الردود

وبالنسبه للفرخ انا اعطيه من 10 مل الى 14 مل في الوجبه الوحده

ومنظمه وجباته اعطيله ثلاث مرات تقريبا الا اذا كان جيعان ويصايح اظيف وجبه رابعه

طيب ليه مايحاول ياكل من نفسه

مو راضي يتعلم ولا يحاول وريشه الحمد لله تقريبا اكتمل لاكن ذيله لسه قصيرر

مع اني احط عنده اكل كراوان حبوب في قفصه

[A7mad|^|]

اخووي اصبر لك اليما يكتمل الريش بعدين ابدا حط في القفص حبوب دوار الشمس

وشف هي تاكل ولالا ولا تعطيها 4 امرا قللها شوي خلها 3

انا استمريت مع حقي الما صار عمرة 4 شهور على السرالاك وندمت الحين

[سما الكناري]

الله يبارك لك فيها وان شاء الله تونسكم في البيت لأن الكروان يحب يلعب ..بأجاوبك بالتفصيل وان شاء الله ماتملين ولا تدوخين والله يعينك ..في البدايه وانت تقرين حطي لك جدول علشان تقدرين تفرقين وتوضح لك..
بالنسبة للسيريلاك حلو استمري عليه تقدرين تقللين عن 10 مل وتخلينها اكثر من ثلاث مرات باليوم وانا انصحك انك تخلين وجة السيريلاك مرة في اليوم وتكون وقت المساء والصباح والظهر حاولي تكون الوجبة اللي تقدمينها له كالآتي اسلقي لك بيضه ونصف جزره ولما تدفى شوي حطيهم في الخلاط حق الطماطم وحطي عليها ملعقة زيت زيتون واخلطيهم حتى تكون كأنها سيريلاك بعد الخلط حطيها في وعاء وحطي عليها نص ملعقة بقسماط حركيها بالملعقه وحطيها في الابرة واعطيه اياه صباح وظهر والعصر خذيلك ربع تفاحه وابشريها بشر صغير مره او اعصريه في عصارة الفواكه واعطيه اياه بالأبرة او حطيها وسط ايدك وخليه ياكل منها اليوم الثاني الصباح ربع بيضه بس بدون جزر واخلطيها وقدميها والظهر اعطيه فاكهه وتكون نفس طرية التفاحه العصر اسلقي لك بطاطا حتى الاستواء وتكون مقشرة خذي ربعها وحطيه في خلاط الطماطم وحطي عليه ملعقة زيت زيتون وملعقة زبادي واخلطيهم وحطيها في الابرة واعطيه اياها وتكون على فترتين العصر والمغرب ولا تكثرين 3مل كفايه ..اليوم الثالث ربع بيضه نفس طريقة اليوم الثاني والعصر اسلقي له قمح (الجريش ) وبعد السواء يبيله يستوي عشر دقايق الى ربع ساعه ثم حطيه في الخلاط وحطي عليه زيت زيتون وشوي عسل وحطيه في الابرة واعطيه صباح وعصر (فائدة) القمح يساعد على تقوية الريش ومفيد ايضا .. اعطيه فاكهه اما كمثرى او موز وتكون مثل طريقة التفاح اما البرتقال اعصري شوي في السريلاك كفايه ..الى ان يكمل شهر واسبوع تقريبا .بعد الشهر واسبوع وقفي البطاطا واستمري على القمح مرة في الاسبوع .بالنسبه للبيض لازم كل يوم اذاكمل شهر واسبوع غيري طرقة وضعك للبيض اهرسي البيض بالشوكه وحطيه في الوعاء اللي بتحطينه له ثم حطي على البيضه المهروسه بقسماط بحيث انك تقدرين تشوفين البيض من وراه ونقطي عليه نقطتين زيت زيتون وحطيه داخل القفص وخليه ياكل عادي بدون ابرة ..مع وجود الحب في مكانه المخصص والماء وشيلي البيض من عنده الظهر لأنه راح يخرب البيض العصر ابدأي اعطيهم يوم خس ويم جرجير واستمري على هذي الطريقه حتى يصير عمرة شهرين..لأن اذا كمل شهرين خلاص يكون اكتمل الريش عنده وخلاص يبدأياكل الحب طول اليوم مع الخضروات من خس وجرجير وفواكه ويكون البيض مرتين في الاسبوع والشهر الثالث وطالع مرة في الاسبوع يعطى بيض ومرة في الاسبوع القمح ويكون مسلوق بس بدون هرس ولا طحن
الشيء الثاني لا تضعين له خلطة الصوص لأنها مالها داعي
القفص لا تحطين في اسفله ورق سواء جرايد او اي شيء اقصد فوق الشبك اللي يكون تحت وانما حطيه تحت الشبك لأنه راح ياكل فضلا ته كلما عملها وحتى لوما اكلها مو صحي بالنسبه له ...
ثانيا ..الحب خليه دايما في مكانها وهو راح يتعود افضلك وافضل له
ثالثا نظفي منقارة والي حواليه بفوطه ناعمه مبلله بمويه دافية او اسفنجه .
رابعا لا يتعرض لأي تيار هوائي سواء بارد او حار ولا تحممينه الا في الصيف لأن الكروانات عندها الجهاز التنفسي حساس انتبهي له والا راح تفقديه
خامسا الكروانات خوافه وفري لها الامان ثم الامان ثم الامان مثلا خليه بعيد عن الاطفال لا تدخلي عليه فجأة يعني صفري له قبل ماتدخلين عليه علشان يعرف ان في احد جاي عنده
سادسا نظمي نومه بالكثير 9 ساعات من 9 المساء وصحيه 6 الصباح حطيه في الشمس اقل شيء ربع ساعه وبعدين خلاص حطيه في مكانه الدائم حاولي مو كل يوم تحطيه في مكان لا خصصي له مكان.. اذا نظمتي له الاكل واهتميتي فيه راح يكون دبدوب ويجنن بعد عليك بالصبر
آسفه طولت بس حاسه فيك اول مابديت في التربيه كنت اسئل وتكون الاجوبه بالقطارة وانا الان سردت لك كل شيء اي سؤال انا حاضرة والله يوفقك ...لا تنسين اختك سما الكناري من الدعاء لها بالذرية الصالحه ...

[الامل]

سما الكناري الله يعطيك الف الف عافيه
والله كفيتي ووفيت وباذن الله انا بعد بجرب لفرخي اللي عندي
ومشكوره فلونه ع السوال حتى انا كنت بسال نفس سوالج