ابغى معلومات عن الدرة

[@الرمادي@]

السلام عليكم

حبيت اسألكم كم سؤال عن انثى ببغاء الدرة

انا شريت انثى ببغاء درة تقريباًمن اسبوع وانا مااعرف كم عمره باالضبط وياليت تفيدوني وكمان عندي سؤال وهل فيه امل انه تروض في هذا العمر وكمان هي مرة خوافه لما اقرب من حول الشبك تطير وتضرب الشبك ومستغرب من بؤبؤة العين ماتصغرابدالا لما اصوره ومتى ابدأبالترويض وش احسن طريقة لي الترويض وهل نوعه هندي ولا بكستاني

وماعليش طولت عليكم
اخليكم مع الصور

[ابو فــ@ــد]

السلام عليكم

اول شي على البركه الطير اخوي

وياليت صوره لعينها اوضح عشان نقدر عمرها ويبدولي انها انثى وهي دره هنديه واذا ماخاب ضني معديه السنه

وبالنسبه لتدريها صعب وانا اخوك انا معي وحده مثل حركات طيرك خوافه مره وعليها عضه ياسلام دباسه هع

بس مع الصبر تتروض ان شاء الله وبالتوفيق بترويض طيرك وادعي لي معك تتروض منيره ههههههه وش رايك بالاسم

اي ونسيت اقولك كانك ناوي تروضها اشتر اقوى قفازات بالعالم عشان تدرب وانت مرتاح

[@الرمادي@]

وعليكم السلام اخوي ابو فهد

الله يبارك فيك اما الاسم رهييب
وبالنسبة للعضة صرااحه لا يعلى عليها لأني تو وانا احاول امسكه علشان اصوره صوره واضحة عضتن عضة عساك ما تجربة هع هع
ودبرت لي صورة وانشاء الله واضحة

[المحب للدرة]

مبروك على الانثى الجميلة اخوي
وهي بالغة عمرها سنة
اما بالنسبة للترويض فهي تتدرب بس استعين بالله ثم الصبر

[@الرمادي@]

المشاركة الأصلية كتبت بواسطة المحب للدرة

مبروك على الانثى الجميلة اخوي
وهي بالغة عمرها سنة
اما بالنسبة للترويض فهي تتدرب بس استعين بالله ثم الصبر

مشكور اخوي محب الدرة على المعلومات بس حاب اسئلك ليش بؤبؤة العين ماتصغر بشكل واضح لي ان كان عندي واحد على طول تصغر وتكبر واحسن طريق لي التوليف وشي

[ابو فــ@ــد]

هلا والله اخوي الرمادي

ههههههههههه قايل لك دباسه ماهو منقار والله لو تشوف اصبعي محفور حفر تقول داق مسمار فيه ههههههه

على العموم مثل ماقال لك اخوي المحب للدره عمرها سنه واعتقد كم شهر

بالنسبه للترويض جرب تجوعها انا حربت جوعتها يوم 22 ساعه قسم بالله مافيه اعند منها مارضت تاكل تطالعني وتطالع الاكل بيدي وتقول بالمشمش هين ان جيتك خفت تموت من الجوع ووكلتها

الله يعينا واياك اقول وش رايك تشتري منيره وتبلش فيهم هههههههه