اشترك في نشرتنا البريدية ليصلك كل جديد

قلب للبيع · 07-11-2006, 11:38 AM

السلام عليكم ورحمه الله وبركاته

عندي مشكله مع همسترتي الحامل (( النوع السوري))

صار لها مرتين تحمل ولا تييب عيال

المره الاولى من شهر وشي حملت.. وانتفخ بطنها.. ويوم صار موعد ولادتها ماجفت الا بطنها قل انتفاخه.. وحسبتها ولدت بس دورت في بيتها ومالقيت يهالها ولا آثار ولادة ولا شي

والحين صادتني مثل الحالة القبلية.. وكان المفروض من اسبوع تولد.. ويوم رحت لها بعد جفت ان قل انتفاخ بطنها ومالقيت احد داخل بيتها

مع انها قبل يابت 9 يهال وكانت اول مره لها.. فمو معقول مره وحده وخلاص

لان اللي اعرفه انها تقدر تحمل على الاقل 4 مرات

واللي يعرف شنو فيها يخبرني بأسرع وقت

واكون شاكرة لكم

تحياتي

Mr. MeMo · 07-11-2006, 11:44 AM

اخي الكريم

اعتقد والعلم عند الله انها تأكل اطفالها
او ان الذكر يقوم بذلك والله اعلم

قلب للبيع · 07-11-2006, 11:50 AM

لالا.. الذكر مااخليه مع النثية

بس بصراحه هذي اول مره تصيدني هالحالة

مع ان عندي خبرة وااااااااااااسعه جداً عن الهمسترات.. من خلال كل تجاربي مع همستراتي الاوليين.. يعني خبرة سنين وبنين

بس هالمرة كلش غريبة عليي.. ولا مرت عليي قبل والله

وانا قلت يمكن اول ماولدتهم يمكن كانوا ميتين واكلتهم علشان ماتبي احد يلمسهم

بس مادري والله.. وابي احد يفيدني اذا يعرف عن هالحالة

شكراً عالرد حبيبتي

يعطيج العافية

وانا بنت

Miss lexus girl · 07-11-2006, 12:22 PM

.. امبيــه

صــج قهر ×_×

بصراحة أنا ماعندي خبرة عملية مع الهمسترات..

بس.. أعتقد مرة وأنا أقرأ معلومات ع الهسمترات

قريت إن الهمسترة تصيدها حاالة مرضية.. وماتولد..

يصير مثل إمتصاص الأجتة أو شي جذي.. وأعتقد إني قريت السبب يرجع للتغذية

بس بصراحة مو متأكدة منهالمعلومة لأني قاريتها من زمان.. بس إنتي حاولي تدورين مواضيع عن حمل وولادة الهمستر.. ويمكن تشوفين شي شبيه لحالتج و حل لها

ولله يعينج ..

Luis · 07-11-2006, 01:00 PM

حالة غريبه أختي...!!

الله يعينج..ونستنى رد خبيرتنا...

تحياتي..

misca · 07-11-2006, 08:31 PM

حساااااااااااااافه

يمكن صارلها زي اللي قالته miss lexus girl

قلب للبيع · 13-11-2006, 11:21 AM

شكرا عالردود

بس والله اني دورت في كذا مكان .. وحتى البيطري قالي انها سقطت وكلت عيالها

بس ماادري شنو السبب.. مع ان التغذيه اللي اعطيها اياها كلش ممتازة.؟؟؟؟

(( يمكن صموها بعييييين يوم ولدت لي 9 يهال ))

اللهم صلي على محمد وآل محمد

بحاول معاها الشهر الياي.. وبجوفها اذا بتسقط مرة ثالثة او لا

بس قولوا انشاءلله تصير زينه وتييب لي عيااااااااااال

صاحبة وفا · 16-11-2006, 04:26 AM

والله انا نفسج معنى ابدا ماولدت ومعنى عندها ذكر !!!! ماعرف شو سبب عدم حملها افكر اخذله انثى ثانية او ذكر ثاني ونشوف شو بصير لان هم عندي قبل رمضان وللحين ماحملت !!!

Withered Rose · 16-11-2006, 07:08 PM

مقتبس من الأخ Vet Mitcho

اقتباس:

واخير كيف تتجنب مشكلة التهام الصغار بقدر المستطاع؟

خطوة خطوة من الحمل حتي اللحظة الامنة بعد الولادة...
-بعد تمام زواج الهمستر يفضل عزل الانثى على طول و ذلك في كل انواع الهمستر
-اخر تغيير للفرشة للهمستر هو 3 ايام قبل اليوم المتوقع للولادة ولا تغير الفرشة بعد ذلك الا بعد الولادة بعشرة ايام
-في فترة الحمل لا يفضل امساك الهمستر الا من قبل مربيه فقط
-قبل الولادة بثلاثة ايام حتى اليوم العاشر للصغار لا يفضل امساك الام من اي شخص كان حتي المربي نفسه الا في حالة وجود مرض او اي ظرف طارق اخر
-يراعي توفر الهدوء للهمستر وعدم وضعه في اماكن بها ضوضاء
-لا تمسك ابدا صغار الهمستر الا بعد مرور 10 ايام على الاقل و لو لابد يكون مسكهما بعازل او جوانتي بدون ترك رائحة غريبة عليهم
-وطبعا كل الاسباب المذكورة يجب تجنبها

أو اذا لم تلد أحتمال صار فيها إمتصاص الأجنه مثل ما قالت العضوة Miss lexus girl ..

قلب للبيع · 20-11-2006, 12:56 PM

شكراً اختي Withered Rose

وهذي الاشياء كلها اعرفها...

بس يمكن مثل ماقلتي والاخت لكزس عن امتصاص الاجنه

وبحاول معها مرة ثانية

واختي صاحبة وفا... اذا كان عندج الهمستر السوري.. وكانت مع ذكر سابقاً

فماراح تقبل بذكر ثاني.. وماراح يصير بينهم تزاوج.. الا في حالات نادرة جداً..

تحياتي للجميع .. وشكراً على المساعده الطيبة