حل الصيف وحلت المشاكل ( استفسارات )

[الوسام الذهبي]

السلام عليكم ورحمة الله وبركاته

حل الصيف وصارت الغرفة الي مخلي فيها فرخ الكاسيكو مثل الفرن ( غرفتي )

طبعا مستحيل اقعدر اقعد فيها بدون ما اشغل المكيف والفرخ بعد اليوم كان باين عليه حرااااان جدا

اول ماطلعته للسطح كان الهوا معتدل والجو جميل مباشرة حاول يروش نفسه بالماي الي عنده وانا شفته يبي يتروش وجبت له بخاخ وروشته

طيب الحين الاستفسارات

شلون التعامل مع الفرخ بالنسبة للمكيف وكم درجة حرارة الغرفة المناسبة انا عندي مقياس حرارة ومخليه جنب القفص حتى احدد درجة الحرارة وحاليا المكيف شغال ومقصر عليه ودرجة الحرارة 26 طبعا الحرارة مرتفعة بالنسبة لي وحران جداا لكن ما ابي ازيد البرودة على شان الفرخ

نصايحكم يا اهل الخبرة ولكم جزيل الشكر مقدما

[mr . bahman]

لا تخاف عليه من الحر
أهم شي يكون الجو رطب

على فكرة الفرخ ما يجلس في المكيف أبدا حتى لو الجو حار
و 26 درجة مناسبة لبعض الببغاوات بس بالنسبة للفرخ بارد جدا
خصوصا إذا كان هولندي

[الوسام الذهبي]

شكرا اخوي على الرد

و شكرا على النصايح الطيبة

[كوالا]

لاتحطه على تيار هوا المكيف حتى بالصيف

ويعتبر برد عليه

الببغاء مايضره الحر دام وجوده بالظل

[الوسام الذهبي]

شكرا على الرد اخواني

بس لو كان في غرفة مكيفة وحرارة التكييف معتدلة وبعيد عن هواء المكيف وماتوصله اي تيارات هل راح يأثر عليه ؟

[mr . bahman]

نعم ...
يأثر عليه إذا كان فرخ
لأن الفرخ ضعيف جدا ويتأثر بالبرودة من حوله ومو شرط يتأثر بالتيارات الهوائية فقط