بالله اللي يعرف يقولي..!~!

[’Parrot ’fofo]

انا عندي ببغاء رمادي...له خمس ايام عندي...بس اللي قهرني انه ما يتكلم ولا يصفر ولا يلعب.. بعد ذا اليومين طالع وحيش شوي ..إذا مسكت القفص قعد يجعر ..
ومن يوم جبته إلى الحين ما صفر ولا صفره ألا مرة وحده بس عقب ما طلعت ريحته وبهذلته...
تكفى اللي يعرف يقول لي..

هو اللي طالع لكم بالتوقيع..
7 7

[مجنون فلته]

السلام عليكم

اخوي راجع المواضيع المثبته

والكاسيكو دائما جذي اول ماتاخذه يضل ساكت وماياكل ولايسوي شي

لأنه ماتعود على المكان الجديد بعده

انتظر عليه وراجع المواضيع المثبته

وبالتوفيق

[’Parrot ’fofo]

مشكور اخوي..
ومبرووك على الألف....^ـ^

[جيري]

اخوي انا عندي واحد زيه

اول ما اشتريناه اذا قربنا منه يصيح صياح مو طبيعي ومزعج ..!!

و5 ايام مره قليل على التصفير والروقان ههههههههه

اصبر عليه شويه , انا له عندي 9 شهور يمكن وللحين ماتكلم

بس يصفر ويرفع يده اذا مديت يدي له ويطلع على يدي

بس

[’Parrot ’fofo]

مشكوور اخوي ريحتني شوي...

[S7R]

اقعد اسبوعين .. وشوووف ..

وهو يبيلها تكرر عليه الكلمه او التصفيره اللي تبيها

وبما ان المده قليله .. حاول تحسسه بالامان .. قبل اي نشاط

واذا تبي الوقت المناسب .. اللي يخليه يروق لك .. ويسمع منك ..
عندك وقت الصباااح .. مروق وشبعان نوم
ووقت قبل المغربيه ..


ان شاءالله اكون افدتك

[’Parrot ’fofo]

وهو يبيلها تكرر عليه الكلمه او التصفيره اللي تبيها..
لو اعرف اصفر كان ما شريته..^ـ^
منور اخوي..

[كوالا]

كل شي مع التدريب السليم يتعلم ويتكلم ويولف

حتى لو كان كبير

انا ضد الناس الي تقول لو كان كبير مايتعلم

صح يكون عنيد شويه بس الصبر اهم شي عند المدرب والطريقه الصحيحه بالتدريب

بالنسبه للتصفير والتجعير بدري عليه ماله كم يوم

خليه اقل شي اسبوعين في مكان واحد بالبيت يكون هادي شويه الين يتعود ولا تدربه خلال الفتره هذي بس اكل ومويه غيرها الين يتعود على شكلك وعلى المكان وبعد اسبوعين دربه

وان شاء الله يولف ويصير زي الحمامه وتسمع منه احلى كلام

[ميدو 5]

اولا مبروك الطير عليك ثانيااللافريقي يحتاج كثير من الصبر وطولة البال خليك هادئ مع طيرك وانت الي تضع له الاكل والشرب خليه بمكان واحد بالصالة حتى يتعود عالبيت ويحس بالامان تمنياتي لك بالتوفيق

[’Parrot ’fofo]

المشاركة الأصلية كتبت بواسطة كوالا

كل شي مع التدريب السليم يتعلم ويتكلم ويولف

حتى لو كان كبير

انا ضد الناس الي تقول لو كان كبير مايتعلم

صح يكون عنيد شويه بس الصبر اهم شي عند المدرب والطريقه الصحيحه بالتدريب

بالنسبه للتصفير والتجعير بدري عليه ماله كم يوم

خليه اقل شي اسبوعين في مكان واحد بالبيت يكون هادي شويه الين يتعود ولا تدربه خلال الفتره هذي بس اكل ومويه غيرها الين يتعود على شكلك وعلى المكان وبعد اسبوعين دربه

وان شاء الله يولف ويصير زي الحمامه وتسمع منه احلى كلام

والله شكلي بخليه مثل ما قلت..
وانشاء الله انه بيتكلم..

المشاركة الأصلية كتبت بواسطة ميدو 5

اولا مبروك الطير عليك ثانيااللافريقي يحتاج كثير من الصبر وطولة البال خليك هادئ مع طيرك وانت الي تضع له الاكل والشرب خليه بمكان واحد بالصالة حتى يتعود عالبيت ويحس بالامان تمنياتي لك بالتوفيق

أصلا هو ما هو في الصالة ...
المشكلة اليوم توني أثبت على مكان معين..