والله طفشت وألمني ضميري !!!

[بدون تعليق!]

السلام عليكم

سبحان الله في ناس تكون مبدعه بتربيه شئ معين ..

مثلا القطط ..

وتحصلهم يعرفون كل صغيره وكبيره في الموضوع هذا

وكمان فيه ناس مثلا يحبون الطيور ويحبون ويعرفون كل شئ عنها !!

انا انسان ما اعطاني ربي حب القطط ...
لا معليش ما اقصد كذا ..
قصدي .. ما عندي مهاره للتعامل مع القطط عكس المربين الثانين ..
احب الارانب مثلا حب كبير واهتم فيها اكثر من غيرها ..
لكن قطط .. يعني احبها وهي كائنات سبحان الله ودوده كثير ..
بس ما عندي مهاره في التصرف والتعامل معها

مثلا عندي قطوه ام طبعا .. جابت كم ولد
توفوا كلهم مابقى الا واحد بس !!
طبعا لسببين .. الاول الام ويباسه الراس ((يعني عناد ))
والثاني لاني ما عرفت اني ممكن اعوض الاطفال عن حليب امهم الا قبل كم يوم ..

طبعا متبقى واحد بس .. منهم
وصار دايم بالبيت عندنا ..
احيان اعطيه اكل مثل دجاج مسلوق بالماء فقط
واحسه يموت فيه بقوه يعني اقطه صغار مره وياكله من اصبعي ..
واشتري له حليب الصافي ابو ريال واحطه لها برضاعه صغيره واخليه يرضع
ومن شدة الحنان اللي يحس فيه معي ..
اذا قعدت ينقز ويطلع على حضنى ويتسلق لحد ما يدخل في مخباة الثوب .. تعرفون الثوب السعودي يجي فيه من فوق مخباه او جيب صغير .. هو يدخل فيه وينام

الكلام مو كذا ..

انا عندي سؤالين ...
انا سمعت ان الصغير ما يشرب حليب عادي لازم نسوي فيه حركه .. سئلت قالوا تطبخه وتحط عليه ملح شوي ..!!
سويت الحركه هذي ولا شرب حليب ابد !!

وقالوا ان الدجاج يضره لان عمره 25 يوم بس .. مع انه ياكلها بشراهه

المشكله اني الوقت الحالي ما عاد اقدر اعتني فيه لاسباب كثيره من ضمنها العمل وضغوطه ...
ولما ارجع من الدوام احصله بارد زي الثلج ... وكمان وزنه خف كثير كثير عن اول

الله يعين وبس ...

معليش يمكن مو هذا مكان الموضوع بس حبيت الاعضاء يرفعون من معنوياتي شوي ..

القط نفسه اللي بالتوقيع ...

[OUT]

وش حليب وملح

لا ياقمر

حليب وخففه بالمويه طبعا يكون الحليب دافي مو حار او بارد

وخليه يرضع منه

ودجاج لسه صغير باقي خليه يكمل 40 يوم واكله دجاج قطع صغيره

ولازم تنظفه بمنديل او منشفه مبلله بالمويه الدافيه منطقه الأخراج من الخلف

المشكله عمره صغير وماينفع تبيعه ذحين

اديه شخص عنده قطط يهتم فيه حتى يكبر شوي وبعدين خذه

واذا انت من الغربيه اقدر اساعدك فيه قطه مرضعه ممكن ترضع الصغير وتهتم فيه

وبيني وبينك لاتبيعه خله عندك

بعدين تتذكر الأيام ذي وتقول ياليته عندي

اسأل مجرب

[بسطويسي]

اما حليب وملح


انصحك تروح تدوس ببطن اللي اعطاك النصيحة دي

الحليب زي ماقلك اخوي out تخففه بموية وتشربه

واذا عالدجاج ما اعتقد ياكل الدجاج راح يمصه فيعني لو عندك مرقه دجاج او شي بعد الطبخ جرب خليه يشرب منها

[%لوب ذهبي%]

والله وانا احوك حاس بأزمتك لان صار لي مثل حالتك بالضبط لكن القطو كبير واتحلصت منها ثاني يوم عطيتها واحد هديه

والله يعينك ويحفظها لك ان بقت معك


لكن ترى تربية الارانب تختلف اختلاف كلي عن القطط وعشان كذا انا دائم احذر من اللى ينتقل من تربية الارانب الى القطط والعكس صحيح

وارجوا ان تقبل مروري

[دانتي شيطان البسس]

زي ما قال ابو الشباب لا تبيعه والا بتندم شهر تكلم نفسك وتقول (ليش بعته؟؟؟؟!!)

[كوكيز]

لا تبيعه يجنن وربي ... راح تحسف قد شعر راسك ..

[بدون تعليق!]

هو من ناحيه الحسافه اصلا متحسف من يوم كتبت الموضوع ولا كان ودي ابيعه

بس وش اسوي ماني فاضي يتعلق برقتبي ذنبه ..

يالله الحمد لله راح لواحد ابن حلال بيرعاه ..

[آنـــــو]

::

زين سويت مع آن القط عدا المرحله الحساسه من عمره وصار ياكل

لكن كان محتاج تغذيه أضافيه ومنتظمه والدليل لما قلت بروده بجسمها وهذي علامه مو طيبه آبداً ودليل على نقص التغذيه وضعف الجسم

والتغذيه بهالعمر تحتاج وقت والتزام ,, آحيي قرارك الصائب والبحث عن مصلحته لعلمك آن مابتقدر على رعايته وآعطائه مايحتاجه ..

جزاك الله على مافعلت .. ويبارك لصاحبه الجديد فيه

::