صور للقفص الجديد والعش+كم سؤال ارجوا الافاده

[آيس موكا]

الله يجزاك الف خير اخت صمت

بس انا اقصد بالتوالف انهم هم احسهم مو متوالفين مع بعض يعني كل واحد بحاله ماشوفهم يلعبون مع بعض ولا ينظفون بعض او يأكلون بعض لكن معي الحمدلله تمام

انا جدي عنده مزرعه (((ايا ايا اوووو)) هههههههههههه لايمكن هي فعلا وراثه من جدي وعمي عندهم طيور ومواشي وحيوانات بالمزرعه حقت جدي فا ممكن وراثه منهم

انا شلت الحين النشاره وخليت العش فاضي مافيه شي وان شاء الله يدخلون لقيت النشاره كثيره حاط شلتها كلها نهائي

بس كيف ارجعها اذا باضوا؟؟ يعني اشيل البيض واحط النشاره وارجع البيض؟ مايضر البيض؟؟ ولا كيف؟؟

الحين عرفت الجواب لأغلب اسئلتي الاكل وعرفنا انه مرتين بالاسبوع احط جرجير ولا بيض بالبقسماط

والعش شلنا منه النشاره وغيرنا مكانه والمجاثم ثابته

لكن باقي سؤالين اللي هو حمام الرذاذ كم مره ابخ عليهم بالبخاخ؟؟ اسبوعيا ولا يوميا ولا كيف؟؟

وبالنسبه للتآلف كيف اخليهم يتآلفون مع بعض يعني يصيرون حبايب وكذا ودي اشوف الذكر يوكل الانثى وودي اشوف الانثى تنظف الذكر مثل ماقريت بالمنتديات

انا هاوي تصوير بعد وتقريبا صورت اغلب الوضعيات والحالات النفسيه لطيوري صورتهم نايمين صورتهم ياكلون صورتهم يتثاوبون صورتهم يتمغطون صورتهم يطيرون بس ودي اصورهم وهم يتزاوجون اصور الانثى وهي تبيض

اصور الذكر وهو يوكل الانثى وودي اصور الانثى وهي تنظف الذكر ودي اصور كل شي ههههههههههه حاط الكام جنبهم واي حركه غريبه وتعجبني اصورها

اشكرك اخوي اكس كلر على النصيحه وانا عملت بها وشلت النشاره وان شاء الله اشوف الانثى تدخل العش لو ماتبيض مو لازم بس اهم شي تدخل ابي اشوفها تدخله


همسه للأخت صمت الأمل//سرقت حركة التنسيق حقتك ههههههههه