كلبتي الهسكي

[ذيبان جده]

السلام عليكم
أختي العزيزه من الطبيعي خوف الكلبه طبعا لتغير مكان الاقامه وتغيير اصحابها اضافه الى انها عمرها صغير 6الى سبعه شهور يعني لسه جرو والاناث تكون قلقه اكثر من الذكور وبالنسبه لموضوع النباح حتى اذا كبرت نادرا ماتنبح او تعوي كلاب الهسكي اذا أختي تسمعي نباحها اربطيها قبل الاكل وقربي الاكل منها بدرجه انها متقدر توصله حتحاول الذهاب بس ماحتقدر حتصير تنبح عشان الاكل واذا سمعتيها تعوي في سببين والاول انها طفشانه وتبغى احد سواء انسان او كلب تلعب معاه او انها مربوطه وتبغى تمشي او تروح مكان قضاء الحاجه اذا هي مدربه

طبعا اذا انك تحتفظي فيها انصحك بالوقت الحاضر تبدائي في تمارين الطاعه الخفيفه
ولازم المشي اليومي بس انتبهوا تمشوهوا وهي مو مربوطه كلاب الهسكي تمشي مسافات بعيده وبسرعه يعني في احتمال انها تضيع وانصحك انك تحطلها سدايريه الكتف مو الطوق عشان رقبتها وحلقها وعصب الاذن
بالنسبه لموضوع الشراسه حيكون معتعب مع كلاب الهسكي عشانه كلب لعاب قليل الجديه بس مو مستحيل بس بصراحه يبغاله تعب والخطوات تكون مرتبه طبعا الشراسه تكون المرحلة الثانيه بعد تمرين الطاعه المكثف طبعا يكون عمرها مايقل عن السنه ولاتنسي التغذيه الموتوازنه اهم شي في هذي المرحله بناء الجسم والعقل في التغذيه.

اسف اختي على الاطالة وتقبلي مروري ...