يا شباب ساعدوني

[هاااوي دجاج]

يا شباب عندي دجاجتين و ديك كلهم بلدي

لاكني مواجه مشكله

سارلهم عندي 3 اسابيع و لما الحين ما جابو بيض ابدا و للعلم انا الشتريتهم منفصلين عن بعض يعني الدجاجتين من محل و ديك ن محل ثاني لوحده ؟؟

بليز ساعدوني...

[كاسكـــو]

هههههههه

سبحان الله نفس مشكلتي ... يأخوان ياليت اجابه

انا وهاااوي دجاج نفس المشكله

شوفو الرابط

http://www.2zoo.com/vb/showthread.php?t=128541

[هاااوي الدجاج]

هههههه
انا عندي نفس المشكله ولله اخوي كاسكو انت شو لون دجاجك وديكك وكم ديك معاك وكم دجاجه معاك؟؟؟؟

[هاااوي الدجاج]

ونت طبعا يا هاوي دجاج نفس الشي كم ديك معاك وكم دجاجه معاك وشو لونهم؟؟؟

[هاااوي الدجاج]

انا عندي ديك ودجاجتين الديك لونه اسود ودجاجتين ابيض!!

[سحابة خير]

المشاركة الأصلية كتبت بواسطة هاااوي دجاج

يا شباب عندي دجاجتين و ديك كلهم بلدي لاكني مواجه مشكله سارلهم عندي 3 اسابيع و لما الحين ما جابو بيض ابدا و للعلم انا الشتريتهم منفصلين عن بعض يعني الدجاجتين من محل و ديك من محل ثاني لوحده ؟؟ بليز ساعدوني...

الأمر بسيط جدا ويعود لعدة أسباب:

1. يمكن يكونوا صغار ما وصلوا سن البيض.

2.مرات الدجاج البالغ يوقف عن البيض فترة بس بعدها يرجع يبيض.

3. يمكن يكون نوع الدجاج عندك له دور.

4. ويمكن ما تعودوا على بعض يمكن الدجاجه عندك تهرب من الديك وهذا يبيله فترة لين ما يتعودون على بعض وفي هذه الحالة اعزلهم في قفص بروحهم عشان الديك يتقرب لهم أكثر.


وفي النهاية اصبر عليهم وان شاء الله راح تشوف البيض

أنا اشتريت دجاجه مثلك بس ما جابت بيض فترة طويلة يمكن شهرين أو أقل

ويوم الجمعة الماضي جابت أول بيضه والحمد لله


وفي حل تقدر تشتري علف خاص بالبيض يخلي الدجاجه تبيض بسرعة بس بشرط إذا كانت في سن البيض مش صغيرة

تحياتي لك

[هاااوي دجاج]

مشكورين شباب على هذا المرور الطيب


مبرووك أخوي كاسكو أنحلت مشكلتنا

[ABDELILAH2]

الكلام اللذي قال الأخ الفاظل صحيح ولاكن أضف لهم البصل ٢مرات في الأسبوع إنها تعقم الأمعاء وتدفئها وسوف ترى غزارة البيض إنشاء الله

[! هاويه الطيور !]

واحب اضيف شغله مهم


بعض المرات لما نشتري الدجاج يبيله وقت ممكن ياخذ شهر ولا تبيض الدجاجه وبعدها ان شاء الله


راح تبيض


موفق