اشترك في نشرتنا البريدية ليصلك كل جديد

بدون تعليق! · 15-12-2009, 05:28 AM

السلام عليكم

باختصار شديد !!

حاله من التشنجات القويه التي تستمر من نصف دقيقه الى دقيقه كامله وتكون بعدها القطه بحاله سكون كامل مع ظهور بعض الرغوه البيضاء على الفم !!

مقطع مصور للحاله

بانتظار ارائكم .. ومرفق ايضا صورة للدواء المعطى لها وما ادري ما هو دخله بالموضوع مع انها اول مره تجيها بعد اسبوع كامل من شرائها .. وكانت تعاني من التهاب فقط في فتحه الاخراج والامعاء

هذا الدواء

هذا المقطع
التحميل من هناشكرا

أصــاايــل · 15-12-2009, 05:41 AM

آآآآآآه ياقلبي

وربي عورني قلبي عليها مسكينه

اذا ماخابني ظني هاذا صرررررررررع

حاول تعالجها قد ماتقدر واذا الدوا ماجاب نتيجه

ودها لبيطري ثاني الله يخليك ...

صاحبها الاول هل كان يدري انها كذا ؟؟؟؟؟

wwvip · 15-12-2009, 06:12 AM

مرحبا اختي اصاله ...

للاسف هذي اول مره اشوفها تسوي ذا الحركه ...!!

يعني العروسه ما كان فيها الا العافيه .. اليوم بس جتها الصرعه بعد ثلاث او اربع ساعات من الرجعه الثانيه !!

الله يستر وان شاء الله تكون من من الدواء وربي يمشيها على خير

الله يشفيها

ولا يعجل ربي بوفاتها وترتاح من العذاب

lby · 15-12-2009, 09:59 AM

مسكينه اكيد كانت تتالم والله حزنت عليها شوفلها حل لك اجر والله اذا عالجتها

آنـــــو · 15-12-2009, 02:08 PM

مافتح المقطع عندي للأسف

آخوي التشجنات ممكن نتيجة صرع آو تسمم
وآحياناً نقص بالسكر / مشاكل بالغده الدرقيه /آورام بالمخ /تسمم الحمل/آمراض الكبد/
/آمراض القلب/ العدوى والحمى والالتهابات

فـ لازم طبيب بيطري يحدد لك آن كانت تعاني من مرض مثلاً التهاب آو يكون صرع لو تكرر وهو السبب الرئيسي آحياناً

والتشجنات مثل ماقلت تستمر من 1-2 دقيقه وممكن 5 دقايق ..
(مدة النوبه وعدد مراتها تحدد آن كانت الحاله صعبه كل ماكانت آطول كل ماكانت آصعب)

طيب هل لاحظت عليها خمول آو قلة شهيه آو آستفراغ آو صعوبه بالتنفس آو آسهال لو لاحظت عليها واحد من الأشياء
ممكن يكون تسمم لأن من علاماته التجشنات واللعاب آو الرغوه

كيف مجمل يومها هل تلعب وتاكل وكلها طبيعيه ؟!
وآيش كان تشخيص البيطري لها ؟!

لو كان صرع وللأسف غالباً ماله شفاء لكن له آدويه تحد من تكرارها وتخفف منها فقط
وتدعم توازن الجهاز العصبي ،،وآعتقد الدواء يعُطى لها يومياً

والنظام الغذائي الصحي مهم لمثل هالحاله

والعلاج اللي عرضته صورته مامر علي وحاولت آطلع آسمه بالقوقل ماطلع لي شي عنه !!

عـ العموم خيوو سبق قريت عن نوبات التشنج فـ لو تكرر لاسمح الله فيه نصايح تتبعه وآشياء تتجنبها

لما تجيها النوبه
تبعدها عن آي شي حاد طاولهآ و كرسي حتى ماتأذي نفسها ..و تلفها بمنشفه آو بطانيه آن آمكن
ماتحط آصابعك في فمها بتعرض نفسك للعض آو آي جسم غريب .. وتتأكد آنه قادره على التنفس

والعلامات مثل ماقريت عنها
آول بداية ظهورها تشوف القطه تحاول تتخبى وتهرب وظهور وخز ورعشه بعضلات الوجه وسيلان اللعاب
وبعدها تبدا النوبه
اللي هي السقوط على الأرض والتشجنات والأرتعاش /تبول آو تبرز لاآرداي / خروج الرغوه من الفم آو دم نتيجة عضها على لسانها
وآنعدام الأستجابه .وفقدان الرؤيه مؤقتاً..

وبعد ماتفوق من النوبه خليك حذر معاها غالباً بتكون مرعوبه لمدة 10 الي 15 دقيقه وآي فعل منك تلمسها
ممكن تعض آو تمخش ..فـ الحذر واجب

وعلي فكره القطوه وقت النوبه ماتحس بالألم رغم آن منظرها مؤلم لنا
ونادراً ما الصرع يمووت هي عباره عن صعقه كهربائيه مصغره

وحاجه مهمه خيوو أذا آستمرت النوبه لـ أكثر من 5 الى 10 دقايق آو تطلع من وحده وتدخل بالثانيه مباشره
فـ توديها على طول البيطري بدون تأخير لأنها ممكن تسبب تلف بالمخ بالأخص لو آستمرت لساعه بدون آنقطاع

وياليت توديها لبيطري ثاني آو عياده معروفه حتى يعرفون السبب بالضبط آن كان صرع آو غيروه

والله يشافيها يااارب ويعينك ...

Mo0oMo0o · 16-12-2009, 04:42 AM

يالله ياربي ): تقطع القلب عليها انا ما اشتغل معايا المقطع الحمدلله حاولت بس أفضل إني ماشفتو

تحزن ربي يشفيها يارب حاولي اختي تشوفي بيطري تاني معروف بعياده كويسه ممكن يكون الدوا مو مناسب لعمرها او لو اثار جانبيه قويه .

الله يشفيها يارب

بدون تعليق! · 16-12-2009, 07:15 AM

مشكور اخي wwvip على المداخله بس ليش تقول

اقتباس:

ولا يعجل ربي بوفاتها وترتاح من العذاب

زعلتني كثير صراحه وتم التبليغ على الرد

اختي انو

القط قبل ما كان فيه شئ ابد .. وطلع فعلا من الدواء اللي انا اعطيته اياه
الدواء منتج سعودي وهو مضاد حيوي للامراض التناسليه والجلديه وكل شئ
يستخدم للابل والغنم ب 10 سنتم
وانا اعطيت القط 1 سنتم وسبب له تشنجات وصدمه بالقلب
بس وقفت الدواء خلاص ولا عاد اعطيته منه وحالته الان مستقره جدا وممتازه

مشكورين على التعاون

Mo0oMo0o · 17-12-2009, 12:20 PM

الحمدلله على سلامتها
و الله لايعطي العافيه اللي وصف دا الدوا للقط حرام عليه ,,

اخت امل · 19-12-2009, 03:26 AM

االة يشفيها انا مرة رحت عن دكتور بيطري وقالي لازم تعطي بستك ابرة ضد الصرع بس انا خفت منة وشردت انا وبستي بس يمكن كلامة صح .مدري واللة بس حبيت اقولك هذي المعلومة وشاءاللة مايجيها الا العافية

آنـــــو · 20-12-2009, 02:55 PM

ززين تلاحقت عليها وعرفت السبب ,,

ولله لازم الواحد قبل ياخذ الدوا يقرا حق شنو ويسأل آن كان مناسب حتى تاريخ الأنتهاء يدقق فيه

لأن بعض البيطريين للأسف ماعندهم ذمه ومستهترين ..

عـ العموم الحمدلله آنتهت المشكله والله يحفظها لك من كل مكروه ,,

وحياك..