اشترك في نشرتنا البريدية ليصلك كل جديد

د. إحتـراف · 06-12-2009, 01:24 PM

اقتباس:

المشاركة الأصلية كتبت بواسطة "مجرد علامة"

وش هي مشتقات الالبان؟؟ ههههههههههههه

يعني الحليب ماهو لبن؟؟

الالبان ربنا خلقها للثدييات فهي لاتصلح للطيور او الزواحف وغيرها

مشتقات الألبان كلها بما فيها اللبن والجبن والزبدة والحليب والزبادي
تحتوي على مادة اللاكتوز ، ومعدة الطيور ماهي مصممة بطر يقة تفكك هذي المادة
فلذلك هي خطيرة على الطيور

ويمكن الإستعاضة بحليب جوزالهند او حليب الصويا

وبالنسبة لموضوع الخل ، مو انت صاحب النصيحة
ولكن صاحب النصيحة عضو معروف وكان الكل يثق بنصائحه
وجاب العيد في طير أحد الأعضاء

وانت اسمك يوحي للأعضاء اللي ماعندهم خبرة كافية بأنك طبيب بيطري او خبير في تربية الببغااوات
فلذلك نصيحتي لك إتق الله في القارئ وخاف ربك قبل لا تكتب لهم اي شيء

هذا كان القصد للتنبيه فقط

يارب عفوك

يارب عفوك

اول مره اسمع ان الحليب يضر لطيور ؟!

واذا كنت في الرياض نتواعد انا وانت في سوق الحمام بالرياض عشان تشوف بعينك بس

وثاني شي خفت انك " ملفق " لي شي كاعادتك مدري ايش تبي مني كل موضوع اكتبه الا تحط غلط ههههههه

قلت انا منهو الطير اللي ذبحته وانا ما ادري

ع العموم احب اقولك ع شغله انا مو دكتور بيطري هذا مجرد نك نيم فقط

وانا اقدم اللي اعرفه للاعضاء الطيبيين والحمدلله انا اعرف ربي معرفه تامه وربي يشهد علي

الله يهديك ويصلحك ذكرتني في حركات الابتدائي

والله مابي الا اعرف انت وش قصدك في حركاتك هذي ؟

اللي اعرفه انك رجال كبير وعندك عيال ؟!

استغفر الله بس

y z00 · 06-12-2009, 01:38 PM

انا اللي عندي اثنين ياكلون شوي فواكه ويقطعون الخس والجرجير وواحد منهم ما ياكل الا تباع الشمس

مع العلم انهم لسى اربع شهور

وش الحل

بجد تعبوني

ابيهم يا كلون كثير متعبيني في الاكل وبكثرة التجعير كل ما قرب احد منهم يجعرون بس واحد منهم تحسن

بس اذا شافهم يجعرون يجعر

وش الحل

"مجرد علامة" · 07-12-2009, 03:11 AM

اقتباس:

اول مره اسمع ان الحليب يضر لطيور ؟!

اول مرة تسمع؟؟؟
طيب ورا ما تدور بالمواقع الأجنبية "وتترجم"
مثل المرة اللي فاتت وإلى الآن ننتظر الرابط يا "مترجم"
واذا كنت في الرياض نتواعد انا وانت في سوق الحمام بالرياض عشان تشوف بعينك بس

وش اشوف يالطيب اشوف طير يشرب حليب؟؟ لا يكون مع خلطة البن بس
هههههههههههههههه ولو كان الطير يتناول شيء هذا ماهو دليل انه غير ضار
طيب انا اقدر اخلي الطير ياكل افوكادو قدامك يعني الافوكادو طيب للطيور؟؟
جديدة هذي
وثاني شي خفت انك " ملفق " لي شي كاعادتك مدري ايش تبي مني كل موضوع اكتبه الا تحط غلط ههههههه

ملفق لك شي مرة وحدة!!! بعدين اسمها "كعادتك" مو كاعادتك انا ماني هدف
واللي ابيه منك شي واحد بس
الرابط اللي وعدتني فيه
والى ان تثبت كلامك وتكون قد كلمتك اترك انا هالموقع ولا عاد ادخله
واذا ماقدرت تثبت كلامك عاد كلام ثاني

يارب عفوك

د. إحتـراف · 07-12-2009, 03:22 AM

اقتباس:

المشاركة الأصلية كتبت بواسطة "مجرد علامة"

يارب عفوك

يالله كل هذا شايل بقبلك ؟

ياخي قولي من زمان والله اترك لك المنتدى بس لا تزعج نفسك

والغريب انك ع طول تغير الموضوع الى االرابط ههههههههه

مدري وش تحس فيه !

اذا تبيني اترك لك المنتدى عادي اهم شي عندي صحتك انت ابو عيال ولازم تكون رايق ههههه

اللهم لا شماته والله العظيم كنت احسبك شي وطلعت شي ثاني

وتقولي الناس تحسبك دكتور بيطري هههههههههههههههه

وشوف ع كل كلمه تدقق يعني بس تدور الغلط ؟ فرقت يعني "كعادتك" عن كاعادتك

عشان تعرف انك تدور الغلط بس بس لعيونك راح اغلط كثير عشان اوسع صدرك بس
قول امين الله يوسع صدرك بالعافيه

والحمدلله انا اثبت اني قد كلمتي " لـ الرجال فقط "

تقبل احترامي لك

عذاب الجروح · 07-12-2009, 04:15 AM

مشكور اخوي على الموضوع الاكثر من رائع

"مجرد علامة" · 07-12-2009, 06:42 AM

نرجع للموضوع الأساسي حتى لا تظن اني أتهمك

ولا على قولتك "ملفق" لك تهمة

من البداية انت تنصح اللي يبي يزيد وزن الببغاء بالتالي :

اقتباس:

اذا كان ببغائك يشرب الحليب : كوب من الحليب مع معلقه صغيره من الحلبه المصرية المطحونه
تساعد على تسمين الطائر , والطريقه بأن يشرب الطير كل يوم ملعقتين كبيره فقط في الصباح

كل يوم ملعقتين كبيرة في الصباح !!!
جميل جداً
والخلطة اللي تقول حقت عين الجمل فيها ( حث القهوة ) والكافيين سام للطيور

وبما إنك اول مرة تسمع انه الحليب من مشتقات الألبان
وان الحليب خطر على الطيور تفضل

اقتباس:

المشاركة الأصلية كتبت بواسطة ابو محمــد

الاكل السام للطيور

منتجات الألبان: تسمم الطيور. والطيور ليس لها أنزيمات اللازمة لعمليه هضم منتوجات

الحليب. وهناك بعض المنتجات التي تتوافر في الأسواق كبديل لمنتجات الألبان. حليب

الصويا, وجبن التوفو ، ويمكن أن تعطى إلى الطيور كبديل لمنتجات الألبان.

الكافيين: الموجود في المشروبات الكربونية وينبغي تجنبه بأي ثمن.

الأفوكادو: سامة إلى جانب الطيور ، وبسبب ارتفاع محتوى الدهون.

الموضوع مترجم وحصري لمنتدى تو زوو

ومن اراد نقله يذكر ابومحمـــــد

وانا لاني ملفق لك تهمة

ولا انت جالس على كبدي يوم تقول اني ابيك تترك الموقع

انا قلت لك انا اللي بأترك الموقع لو انت تقدر تثبت هالمعلومة

وأذكرك مرة ثانية بالرابط حق الترجمة يا "مترجم"
ولو ترجع للموضوع "ملاحظات نجهلها وهي مهمة" بتعرف قصدي
http://www.2zoo.com/vb/showthread.php?t=127975&page=3

اقتباس:

والله انا قلت اني نقلته من موقع لـ مختبر بليجيكي يعمل اختبارات على الطيور للامانه فقط وانا اذا لقيت موضوع مهم اطرحه هنا واكتب منقول

ولا يعلم الله انه كل اللي سويته نسخ من الموقع وترجمه من موقع الترجمه في قوقل للاعضاء فقط

والموقع البلجيكي كله بالانجليزي وانا ادخل الموقع بأستمرار

ملاحظاتك مثل العسل ولا فيه زعل ياغالي

وماعندي مانع اعطيك الموقع عشان تصدقني وتدخل على نفس الملاحظات وتشوفها بنفسك

وانتظرنا الرابط الى اليوم

اقتباس:

ابشر ماطلبت شي ياغالي الرابط راح ارسله لك في رساله خاصه

بس الي منك طلب واتمنى انك ماتزعل مني ياابومالك

اذا دخلت الموقع وشفت اللي انا نقلته بالنص انك تكتب في المنتدى انك شفت الموضوع هذا بنفس الكتابات والكلمات وأن صارت كتابتهم غلط

يعني تقول اني انا فقط سويت نسخ وترجمت للعربيه ونزلت الموضوع هنا

اذا كنت موافق ارسلت لك الرابط

وياليت ماتزعل مني ياخي ابو مالك

ولا زلت انتظر الرابط
وهذا اثبت لي بما لايدع مجال للشك انك شخص مدعي
والحديث الشريف يقول : "المتشبع بما لم يُعط كلابس ثوبي زور"
وانا متأكد انك مافهمت المعنى ولا اظنك راح تفهم

ولكن واجبي انا وغيري هنا نحذر الاعضاء من المعلومات المغلوطة
سواء منك او من غيرك
لأننا هنا عشان نفيد ونستفيد
ومافينا احد ولد متعلم
ولا هو عيب اذا احد صحح لك معلومة
العيب في التدليس والضحك على العالم

وانا احس اني ضايقتك روفعت ضغطك
والجاهل عدو مايجهل
فهذي آخر مرة أرد عليك بشكل مباشر
بعد كذا راح ارد بشكل غير مباشر

اقتباس:

اللهم لا شماته والله العظيم كنت احسبك شي وطلعت شي ثاني
عشان تعرف انك تدور الغلط بس بس لعيونك راح اغلط كثير عشان اوسع صدرك بس
والحمدلله انا اثبت اني قد كلمتي " لـ الرجال فقط "

تقبل احترامي لك

المشكلة لما يكون الانسان ماعنده حجة يتجه للتجريح
قول اللي تبي تقوله
هذا الكلام لا يهمني لو أنت "رجل" تحط الرابط هنا

وانا لازلت عند كلمتي
أثبت كلامك وخلك رجل قد كلامك وانا اترك الموقع

وأهم شيء العافية

يارب عفوك

ابو محمــد · 07-12-2009, 07:37 AM

احتراف الله يهديك ويهدينا معك قل آمين،،
ممكن اعرف الاجتهاد الشخصي كيف بنيته من دراسه والا منقول والا من راسك،،
يا احتراف لا تحرفنا وتحرف الأعضاء وتذبح طيورهم تقول زبده وبطاطس وحليب ياخي اذا الفول السوداني يمنع تكثر للطائر لأنه يسبب دهنيات في جسم الطائر ويمرضه،،
موضوعك هذا غير صحي وانصح الاعضاء عدم اتباعة.

**ProOoF** · 07-12-2009, 01:50 PM

صلو ع النبي ,,

ولا بتصل بالدوريه ,,

ترىا بعصب ,,

عاشق الكاسكوو · 07-12-2009, 08:05 PM

مشكور اخوي

يسلموو