كروانتي باضة...بس في مشكلة

[^موج البحر^]

السلام عليكم

انا كنت منزل موضوع بخصوص تبديل بين الاناثي للجوزين اللي عندي

المهم طلعت النتائج حلوو

أمس الصباح انا اراغب الجوز من بعيد شفت الانثى خشت في البياضة وهذي اول مره له تخش

طيب انا اليوم الظهر رحت حق بحط لهم أكل إلا هي في البياضة ولاطلعت بس جيت بحط لهم الأكل

إلا طلعت من البياضة وقامت تصارخ وطير كأنه منصرعه مره وخفت فقلت دام طلعت خلني اشيك البياضة إلا موجودة بيضه وحدة

فالحين توني جاي من عندهم بس حست اني موجود طلعت من البياضة ؟؟

فالحين انا خايف كيف بنظف لهم وكيف بحط لهم اكل دام كل مره تطلع من البياضة وكأنه منصرعه ؟؟؟

هل هذا عادي او كيف اتصرف معاهم ؟؟

وابغى نصايحكم بخصوص هذا اول تربية لي واول بيضة تبيض الكروان ؟

وعندي سؤال بعد بخصوص الغرفة هل اطفئ عليهم النور في الليل او اخلي النور شغال ع طول مايضر زلاني انا حاطهم بغرفه لحالهم ؟؟؟

[iCare]

اهلا اخي , طول هالفترة لا تقرب للطيور عدا وقت تغيير الأكل علشان لا تسبب ارباك للطيور , تقدر تغطي القفص بقطعة قماش نفاذة للضوء علشان لا تشوفك الطيور و انت داخل و انت طالع من الغرفة و سجل تاريخ وضع اول بيضة و احسب لهم 20 يوم , بعد العشرين يوم افتح العش و الانثى بالخارج و ان شا الله راح تشوف احلى فروخ

مبروك عليك الانتاج مقدما ...^^

[^موج البحر^]

مشكور ع الرد عزيزي

طيب حبيبي .. اهي من تحس بأي حركة تطلع من البياضة مو شي لازم تشوفني

وبخصوص السؤال مارديت علية ؟؟

وعندي سؤال بعد بخصوص الغرفة هل اطفئ عليهم النور في الليل او اخلي النور شغال ع طول مايضر زلاني انا حاطهم بغرفه لحالهم

[iCare]

في الليل خلي لهم اضاءة خافتة مثل لمبة النوم او شي مقارب , اما عن خروجها لما تحس بأي صوت فأعتقد بسبب انه الأنثى لسة ما رقدت على البيض و بعض الاناث ما ترقد الا بعد البيضة الثانية او حتى الثالثة

[^موج البحر^]

يعطيك الف عافية

ماقصرت وطلع صحيح كلامك اليوم لاحظة الانثى والذكر داخل البياضة شكله باضت الثانية مع إن البارحة من طلعت ماخشت العش حتى رحت لهم امس الساعه 1 ليل وهي بره البياضة واليوم الصبح لم حطيت اكل وغيرت الماي ولا طلعوو

عسى ياربي ماننحرم من ابدعاتك يالغالي

[صوغة]

مبروووك ويارب تفرح بفرووخهم

[عاشق الكروان.]

أخوي نصيحه فقط أسئل مجرب ولا تسئل طبيب
الأكل مو لازم تغيره كل يوم بس القفص وش يعني العلبه حقت الأكل كبيره ولا صغيره مره ولقفص حق مين يعني قفص كروان؟ إذا قفص كروان فهاذا شي جيد لا تغير الاكل إلى كل 3 أيام أو يومين ولمويه حطلهم شرابه كبيره مرره
وخلها عندهم أسبوع ولعلبه حقت المويه حولها للأكل يعني حط فيها خص وجرير وبقدونس وكل شي
والله يهنيك على الفروخ

[علي الطير]

مبروك لك هذا عدي مره ثانيه بتشوفها ماتطلع من العش بس شوف حط صور الفروخ اذا فقسو

[الطائر الغامض]

مبروك وانشالله تشوف اولادهم

[الأسد الملك]

وعليكم السلام

الف مبروك وان شاء الله تشوف فروخهم

بالنسبه للنور اذا الغرفه تدخل فيه الشمس مايحتاج

وحاول لا تزعجهم

واذا انتجو ورنا صورهم

بالتووفيق