اسلوبك الخاص في تربية وانتاج الببغاءات بانواعها

[ابو محمــد]

بسم الله الرحمن الرحيم

طبعا انا راح اتكلم عن الحاضر واللي معي الان

كوكو اخذته كبير وعمر 4 سنوات وكان ما يتكلم ويقول راعي المحل انه سمع منه كلمه السلام عليكم,,

بعد التفحص اخذت كوكو والحمد لله توفقت فيه لكن قعد في البيت شهر كامل ما سمعت منه حتى تصفيره وحده,,

وشكيت ان الطير مريض او فيه مشكله او العمر كبير وشكوك كثيره,,

سبحان الله بعد شهر سمعت منه السلام عليكم وكانت بدايه الانطلاقه,,

كنت انام معه وكان يزعجني الصباح بالسوالف ولما اقوم يسكت,,

ارجع انام يتكلم,,

صرت اسوي نفسي نايم واسمع الكلام اللي كنت اللقنه وكانت فرحه عجيبه بالنسبه لي,,

بعدها كنت مشغول عنه فاضطريت اشتري له سكر الامازون عشان ما يكون لحاله,,

والحمد لله توالفو مع بعض من اول يوم,,

اغلب اليوم في الدوام بحكم طبيعة عملي والتدريب كان في الاسبوع مره,,

طبعا سكر كان يعض وغير اليف وبعد استخدام العسل مره وحده صار ما يعض

قبل استخدام العسل تركت سكر 3 شهور بدون تدريب فقط اغير له الماء والاكل ,,

حتى تهيأ نفسيا وجسديا للتدريب,,


بالنسبه للانتاج لم انتج الا من الكناري وطيور الحب وهذا كان في بدايه هوايتي للطيور,,

بالنسبه للافريقي تراودني الفكره ولكن الى الآن لم احاول.

هذا باختصار وعجالة اختي(( اتعبني غلاه))