اتمنى المساعدة من مدربي وخبراء الكاسيكو الافريقي

[د. إحتـراف]

وعليكم السلام

ان شاءالله اقدر اساعدك
نبدأ
السؤال : هل مكانه مناسب مع الطيور الي ذكرتهم في البداية مع العلم ان كل طير في قفص يعني الزوج في قفص والمينه في قفص والكاسيكو في قفص مكان الكاسيكو يصير بجنب قفص المينه اما الزوج البادجي فهو في مكآن آخر بعيد نسبيا في زاوية الغرفة

الشي هذا راجع لك , اذا كنت تبغا الطير يتعلم منهم خليه واذا ماتبغاه يتعلم منهي شي شيله وحطه في مكان بعيد عنهم , واذا كنت تبغا الطير يتكلم احبسه في القفص . واذا كنت تبغا تدربه او تولفه لا تدربه على الكلام

السؤال الثاني : الكاسيكو صار له عندي اسبوع هل ابتدي تدريبه ولا لا مع ان البعض في المنتدى ينصح اخليه على الاقل اسبوعين بس اعطيه اكل وماي وما ادربه لما يتكيف على المكان 100%

كلام سليم , خله اسبوعين عشان يحس بالامان ويعرف انه مافيه احد يبغا يضره وانت تقدم له الاكل والمويه تناديه بأسمه وحاول تعرف ايش اكله المفضل فول سوداني / فواكه / مكسرات

السؤال الثالث : بالاضافة الى الكاسيكو الي عندي عند اخي الاكبر كمان كاسيكو اكبر منه تقريبا عمره سنتين وشوي لون عينه صفراء نوعا ما ولكن غير مدرب يعني حاله مثل حالي الي عندي نحنا نخليهم وي بعض في لسبوع يومين يوم الجمعة ويوم الاثنين من شان يتسلوا يازعم اجازة ترفيهيه ليهم هل يظر هذا في التدريب او ماشابه او يشكل مشكلة معينة

مافيه مشكله بس راح يتعلم منه الشراسه , لو تبعده يكون افضل

السؤال الختامي والمعذرة على الاطالة: اتمنى اني احصل ناس خبراء في هذا المنتدى من البحرين من شان استشيرهم في حالة تعرض الطير الى مرض لاسمح الله او في حالة السعي لتوالف الكاسيكو لان نحنا عندنا مزرعة ونا مع اخويي مخططين نوالف الكاسيكوات ونسوي انتاج بحريني

انا في خدمتك اخوي انا انزل البحرين كثير اي شي تبغاه راسلني ع الخاص وانا اقولك وقت نزولي البحرين واشوفك واخدمك بعيوني

أسال الله ان اكون وفقت في اجابتك

تقبل مروري