اهل البحرين تعالووا

[أم صوفي]

السلام عليكم

كيفكم ..؟

أهل البحرين فديتهم ..

بسألكم أبي محل يبيع مستلزمات للقطط
أكل رمل اششياء للقطط

ياليت تدلوني ع محل بالضبط وووين ومايضيع محله وتكون اسعاره مناسبه

انطركم

[killer]

المحل الي الكل يعرفه وافضل شي وتحصلين عنده كل شي تبينه

الــpet shop في البديع يسمونه عزام

تقدرين تروحين له من عدة شوارع

هو يصير على شارع البديع الي كله مشاتل وجذي

باوصف لج من الدوار الي يم مجمع الدانة

اذا كنتي ياية من صوب جيان(مجمع البحرين) راح يكون الدوار جدامج الدانة على يسارج...تاخذين الدوار يمين

تروحين سيدة لي عند الاشارة يسار تروحين سيدة شوي بتجوفينه جدامج مكتوب اعلان pet shop هذا هو

[آنـــــو]

لك رساله على الخاص

وآتوقع اللي وصفه killer هو اللي آرسلت لك رقمهم والله آعلم ..

وموفقه

[أم صوفي]

فديتكم والله

إن شاء الله يمديني الوقت واروح لمه

والاقي اللي ابي

لا عدمتكم

[wwvip]

اختي اذا انتي من الرياض ما يحتاج تطقين مشوار للبحرين ..


لان الفرق اللي بينا بيروح بالسكن والبنزين

عندك هنا بالرياض محلات تبيع باسعار الجمله واسعارهم فرق شاسع عن المحلات الكبيره بالرياض

مثلا رمل توماس بتحصلينه بما يقارب 19 ريال .. وعند المحلات فوق 35
بالتوفيق

[الكلاسيكي]

المشاركة الأصلية كتبت بواسطة killer

المحل الي الكل يعرفه وافضل شي وتحصلين عنده كل شي تبينه

الــpet shop في البديع يسمونه عزام

تقدرين تروحين له من عدة شوارع

هو يصير على شارع البديع الي كله مشاتل وجذي

باوصف لج من الدوار الي يم مجمع الدانة

اذا كنتي ياية من صوب جيان(مجمع البحرين) راح يكون الدوار جدامج الدانة على يسارج...تاخذين الدوار يمين

تروحين سيدة لي عند الاشارة يسار تروحين سيدة شوي بتجوفينه جدامج مكتوب اعلان pet shop هذا هو

نعم كلام سليم المحل هذا جداً جميل ..

وارخص بكثيييير من عندنا في السعودية ..

انا عني اوصي كثير يجيبو لي من عنده ..

بس على فكرة المحل في دخله صغيره يعني مايبين كثير من الشارع ..

تحاتي ،،

[amal117]

وفي محل يم الـ Pets shop إسمه pets farm عندهم بعد أشياءات لين وصلتي سألي الهنود وبيدلونج ..