هل هذين الجروين جيرمن شيبرد ؟

[Doberman]

بسم الله الرحمن الرحيم

أخواني بغيت مساعدة في تحديد فصيلة هذيل الجروين ...
لأنه راعيهم يقول أنهم بوليسين (أي جيرمن شيبرد)


هل هم مهجنين ولا ؟
الظاهر مبللين ..

اترككم مع الصور ولاتبخلوا بإبداء الرأي





أخوكم دوبرمان

[nevada]

والله اخوي مادري شقولك
ماعندك صور للام و الأب يكون احسن
لأني ما اعتقد انهم جيرمن شيبرد بيور...
وخلنا نشوف باقي الأعضاء شيقولون...

[Doberman]

والله تبى الصراحة هو حاصل لبس في الموضوع..
هو الريال قال لي بأنه عندي جيرمن ذكر وأنثى لكن هذي الصور من واحد ثاني قال أتوقع هذول هم

يعني تقريبا الصور هذي ما متأكد من مصدرها بشكل عام .. إن شاء الله لما بروح بصورهم .. لأاني اتوقع مب هذول اللي بالصورة ..

ومشكوور على الرد اخ نيفادا

[Einstein_Eg]

كن متأكد 100% يا اخى انه لا يوجد جيرمن شيبرد به اللون الابيض ولو بقعه صغيرة الا نوع واحد لم يعترف به دولياً حتى الان اسمه جيرمن شيبرد باندا
فكون هذه الجراء لديها لون ابيض فى الصدر معنى ذلك انهم لا يمتوا بصله للجيرمن شيبرد

[رياني]

لا مو جيرمن شبرد بس يمكن مهجن

[دراكولا المجنون]

اهما شكلهم حلو بس لا مو جيرمن شفرد ---- جراوة البوليسي ما يكونون جذي
هذا شكله مهجن بين بوليسي وشي ثاني ............ يعني مو بيور
بجم قالك يبيعلك اياهم ؟؟؟ اذا قالك فوق الثلاثين دينار.......................ما يستاهلون لانهم مو بيور

[Doberman]

مشكورين يا أخواني ..

والسالفة ومافيها .. أنا وربيع لي شفنا الصور وانا قلت هذيل مب جيرمن شيبرد

لكن هو ماشاء الله عليه مسوي عمره الفاهم .. ويقول لا هذول هم الجيرمن شيبر
وراح فتح لي القووقل وطلع صور الجراء مال جيرمن .. هههه أنا اشوف في فرق كبير
لكن هو يقول .. شووف يشبهونهم ...خخخخ!

[البدبخت]

للاسف ما اعتقد انهم جيرمن شبرد او حتى فيهم عرق من الجيرمن شبرد .. وعشان تتأكد ربهم عندك كم شهر ليما يكبرون وبتلاحظ الشكل الحقيقي لهم .. لان جميع الكلاب الصغيرة مهما كانت انواعها تكون جميلة ..

[guitarq8]

اخوي ربما يكونون جيرمن شيبرد سيبل يريت تحطلنا صور اوضح للوجه

[nevada]

einstine_eg
انا اختلف معك بالنسبة لكلامك ان الجيرمن شيبرد مستحيل ان تكون فيه بقعة بيضاء...
اذا الوايت جيرمن شيبرد ماذا يكون..؟؟
بالعكس هناك الكثير من الجيرمن شيبرد و بيور 100% لكن تكون فيهم بقع بيضاء صغيرة على الصدر او بالأرجل...