توتي طالبه المساعده منكم

[توتي]

السلام عليكم ورحمة الله وبركاته

هذي اول مشاركه لي في منتدى اسماك الزينه.. وعندي لكم سالفه صارت لي اليوم العصر.. طبعا انا مالي بالاسماك ابدا ولا بالعنايه فيهم.. لكن اليوم العصر ولد اخويه الصغير جاب لي هديه حلوه.. مع اني كنت امزح معاه لكنه خذا الموضوع جد مسكين.. هو عنده حوض اسماك كبير وكان رايح محل الاسماك يشتري له اسماك زياده وانا كنت اكلمه بالموبايل وبمزحه قلت له اشترلي سمكه.. قال لي شو لونها وانا استهبل قلت له سودا.. خخخخخخخخخ

وما جانا البيت الا ومعاه سمكه لي وحوض صغير مدور.. ولا بعد يقول لي ما لقيت لون اسود لكن هاي كحليه.. خخخ يا ربي عليه.. والله مالي بالاسماك ابد اشوفها تسبح اقول للهم شوفوا كيف طير.. وهم يضحكون علي الاني متعوده على الطيور.. وكل ما اجي اقول حوض اقول قفص.. الله يعينا بس..

واليكم الصور.. تراه اول ما شفتها سميتها سبكاهاوا.. ولا تضحكون على الاسم.. خخخخ



هذي اول ما عطاني اياها بالكيس..




وهذاالحوض المدور الصغير تذكرت فيه تووم وجيري حلقه السمكه الصفرا.. خخخخخخخخخ



وهذي صورتها في الحوض... طبعا انا على طوول حطيتها في الحوض الاني كنت خايفه عليها..



وهذي صورتها عن قرب..



وآخر صوره لطعامها..

------

الحين عندي كمن سؤال ارجوكم ساعدوني.. انا ما اعرف اعتني فيها بالذات انها من النوع اللي يعيش بدون اوكسجين.. خايفه لا تموت وانا اكره شي انه يموت او افقد اي شي اربيه.. فبليز جاوبوا على اسألتي

شو نوع هالسمكه او شو اسمها؟؟
..

هل هيه فعلا من النوع اللي يعيش بدون اوكسجين؟

هل صورة الطعام هو طعامها الاني اول مره اشوف هالشكل حبيبات صغيره سوداء.. ولد اخويه يقول انه راعي المحل قال له اطمعا في اليوم مرتين الصبح والمسا بمقدار 5 حبات من هالاكل.. هل هالكلام صحيح؟؟

كم مره اغير لها الماء اللي في الحوض يوميا او كل اسبوع مره؟؟

وبعض النصايح منكم يا جماعه الخير..


تحياتي/ توتي

[Luis]

مراحب اختي توتي...

وربي رحمت ولد اخوج...هههههههه

سمكتج رائعه وهي تقريباً من نوووع...الجوارمي تقريباً...

على مااذكر اني قريت عنها بس ناسي اسمها...

ان شاء الله يفيدونك الأعضاء...

وعن تغيير الماي كل خمس ايام...وانتبهي....!!

لاتغسلين الحوض بصابون...!!

يكفي ماي بس..

وعن الأكل مرة صديقي يقول لي لازم مرة باليوم واليوم الثاني نفس الوقت

اللي عطيتهم فيه امس...يعني اليوم عطيتيها الليل مثلاً...بكرة تعطينها نفس الوقت..

وان زاد الأكل تموت...!!

هذا اللي قالي صديقي...واستمريت على رايه وطولو عندنا يمكن شهر ونص...

بس اختي من دفاشتها كسرت الحوض من الجنب وهي تغسله...وهو الحوض شرات اللي عندج..

بس اكبر بشوي...

وعقبها...ماتت وحده ...ولحقتها الثانيه بعد اسابيع....

فأفضل شي للسمك حوض بفلتر...عشان اذا مانسينا نغير لهم ماي

الفلتر يقوم بالواجب...

واما عن حياتها بالأكسجين ونوع طعامها فإن شاء الله يفيدوج الأعضاء...

>>>أجل شحقه داخل يالملقوف..

تحياتي..

[توتي]

خخخخخخخخخخخ

تسلم لويس على الرد.. اخاف ابتلش فيها وتموت.. الله لا يقول... مشكور ما قصرت على المعلومات.. بس هو يقول انها من النووع اللي تعيش بدون اوكسجين بس بعدني خايفه واختي تقول لي لازم تحطين لها اكسجين حتى لو كان صغير ويشتغل على بطاريه.. وانا محتاره من بينهم..

انا بنت اخويه الصغيره عمرها 3 كانت عندها 4 سمكات وراحت الحلوه وعطهم خوخ من اللي تاكله وانا على طوول انتبهت ورحت قلت للخدامه تغير الماي.. وما كملت ساعه الا والسمكه ميته..

ان شاء الله حد يفيدني من اصحاب الخبره.. والله شكلها حلوو وهي تسبح..

[redshark]

اختي العزيزة 000
توتي مع احترامي لاخي لويس سمكتك مش الجورامي 000 سمكتك اسمها الفيتر وده اسمها التجاري واسمها العلمي بيتا سياميدس

ودي بيقوم عليها مراهنات لانه لو وضع ذكرين في حوض واحد فلابد من احدهم انه يقتل الاخر

سمكه قوية ومسالمه

حطيها في الحوض وهو مناسب ليها ووكليها كل يوم مره واحده ويكون كمية بسيطه وهيا باينه مشاء الله انها صحتها كويسة
ودي الي معاكي ذكر لان الانثي بتكون من غير الزعانف الكبيره

دي فعلا بتعيش بدون اوكسجين 000 بس نقصي الميه شوية عشان نساعد على عدم فساد المية

ومتقلقيش منها هيا سمكة قوية وقاومة بس ابعديها عن التكييف خصوصا انه مفيش عندها سخان
واي سوال اختي انا في خدمتك

[mina]

مبروك اختي توتي وكلام اخوي ريد شارك تمام ماشاء الله فهذه سمكة الفايتر والنصائح الي ذكرها مظبوطة وان شاء الله تبقى معاكِ

[توتي]

السلام عليكم جميعا.. الله يبارك فيكم جميعا.. مشكورين وما قصرتوا والله بالردود والمساعده..

اخي ريدشارك ومينا..

باخذ بنصيحتكم وبقلل الماء اللي في الحوض وبطعمها مره وحده يعني طلعت اللي عندي ذكر.. سبحان الله الذكر دايما يكون احلى حتى في السمك.. كنت اظن بس في الطيور.. :

وبعد عندي سؤالين..

اللي اعرفه انه درجه حراره الماء لازم تكون معينه مثل ما ذكرتوا بعد فكم لازم تكون؟؟ وهل ممكن ان اقيسها بمقياس درجه الحراره اللي يستخدمونه في الاحواض الكبيرة؟؟

وكل كم اغير لها الماء اللي في الحوض؟؟ يوميا او كل اسبوع او كم؟؟

ومشكورين كلكم يا الطيبين ما قصرتوا..

[Luis]

والله في بالي انها سمكة الفايتر بس قلت يمكن تشبهها...:P

تحياتي...((ومرة ثانيه لا تتليقف فاهم))

[redshark]

اختي العزيزة مينا 000 مشكورة لتاكيدك المعلومة وكلنا بنتعلم منك يا احلى مينا
اخي الذي اعتز به دائما لويس 0000 انت اظرف انسان عرفته وكلك ذوق
اختي العزيزة توتي 000

السمكه قوية وان شاء الله مش راح تحتاجي تظبطي الحرارة الا لو قلت درجة الحرارة عن 19 ودي مش راح تتحملها السمكه ودي حتكون مشكله لانه لازم في الحالة دي تجيبي حوض اكبر شوي لانه مفيش سخان ينفع يدخل في البنوره عشام قوة الوات

اما عن تغيير المياه فده كل اسبوع وبالطريقة الي حقولهالك

اول تسحبي من المويه بتاعة البنوره الي فيها السمكه لحد نصها وتسحبي من الجزء العلوي عشان تكون نضيفة وبعدين ترفعي السمكة وتحطيها في الميه دي وبعد كده تغسلي البنوره والحصى بمياه سخنة وملح وبعدين مياه عاديه من غير ملح

وبعدين تملي نص البنوره مياه وتضيفي عليها الميه الي سحبتيها وبعد كده حطي السمكه

هو شوية غلبة بس بعد كده راح يكون موضوع سهل وراح تتمتعي بالسمكه دي كتير لانها ذكية وجميله بس كمان غطي البنوره باي شيء مفتح لانها بتحب النط

[توتي]

شكرا جزيلا اخي ريدشارك.. والله انك ما قصرت ماعرف كيف اطلع من جزاك..

وان شاء الله بسوي اللي قلته لي.. مع اني اشوفها عباله اشيل الماي وانظف واسوي بس يالله بتعود شوي وشي..

بصراحه انا ما اشوفها انا ما شوفها تنط خخخخخخخخخخ اصلا ما تصور هالشي.. يعني اغطيها بتور مثلا عسب ما تنط.. اشوفها تسبح في الماي وشكلها يجنن.. الله يحفظلي ويخليلي سبكهاوتي السودا.. خخخخخخخخ

شكرا يا اخواني ما قصرتوا..