مشكله صحيه ..

[sisi_moon]

هـــلا أخــووي

طيب فك نفسك من ذا التعـب كله وجيب لهم دراي فود .. لان كل أكلك لهم غير صحي

التونه كثرتها معروف يسبب اسهــال .. والمقليــات برضـو مو زينه .. لانها دسمه وتشيل زيت كثــر

فـ روح للهـــايبر وروح قسم أكل القطط .. وخذ دراي فــود .. خذ فريسكس ولا ميــاو ميـكس .. أو روح لمحلات الحيــوانات .. وخذ دراي فود رويــال كـــانون لانه أفضل نـــووع

وبس .. وحطه لهــم وخليه 24 ساعه .. ولا تطبـخ ولا تسـوي ولا تفعــل

وإذا انك حـاب أكلهم يصير منـظم .. كل ست ساعات حط لهم الي يكفيـهم .. وبس ..

وعشـان الإسهـال . أيــوا كابكـت ينفع ويــا الإسهال .. هو ويا كابتين

وأيــوا .. كثير من القطط لما تلمس بطنها كثيــر .. تصير تعض وتشمخ

وان شاءالله .. الله يرزقـك بالزوجه الي تتمنــاها

بالتــووفيق

[آنـــــو]

مثل ماقالوا التونه تسبب آسهال ،، والمقالي مضره

في كل سوبر ماركت قسم خاص للحيوانات روح له بدل ماتروح للثلاجات تجيب لهم برجر وهوت دوغ ومرتديلا وماآدري شنو

وخذ لهم كيس دراي فود وحط لهم 3 مرات باليوم آو مرتين مقدار كمشه لو حبيت تقتصد وماتقدمه 24 ,,

وبين كل وجبه وجبه آعطيهم جبن ومفتت معاه خبزه آو بيض مسلوق

وممكن تطبخ لهم دجاج بدون عظم ولا جلد ولا بهارات ولا ملح .. مره سهل وماياخذ وقت

والباقي منه آحفظه بالثلاجه وسخنه بالمايكرويف متى مابغيت تعطيهم ،، بس مايجلس بالثلاجه آكثر من 3 الى 4 آيام

وممكن تعطيهم الدجاج 4 / 3 مرات بالأسبوع كثر ماتبي وتعتمد على الدراي فود آكثر شي ..

وبالنسبه للكابكت زين وينفع للقطط آعطيهم جرعه تناسب عمرهم ووزنهم حتى يوقف الأسهال آو كابتن كلهم نفس الشي ..

وحياك

[wwvip]

المشاركة الأصلية كتبت بواسطة sisi_moon

هـــلا أخــووي

طيب فك نفسك من ذا التعـب كله وجيب لهم دراي فود .. لان كل أكلك لهم غير صحي

التونه كثرتها معروف يسبب اسهــال .. والمقليــات برضـو مو زينه .. لانها دسمه وتشيل زيت كثــر

فـ روح للهـــايبر وروح قسم أكل القطط .. وخذ دراي فــود .. خذ فريسكس ولا ميــاو ميـكس .. أو روح لمحلات الحيــوانات .. وخذ دراي فود رويــال كـــانون لانه أفضل نـــووع

وبس .. وحطه لهــم وخليه 24 ساعه .. ولا تطبـخ ولا تسـوي ولا تفعــل

وإذا انك حـاب أكلهم يصير منـظم .. كل ست ساعات حط لهم الي يكفيـهم .. وبس ..

وعشـان الإسهـال . أيــوا كابكـت ينفع ويــا الإسهال .. هو ويا كابتين

وأيــوا .. كثير من القطط لما تلمس بطنها كثيــر .. تصير تعض وتشمخ

وان شاءالله .. الله يرزقـك بالزوجه الي تتمنــاها

بالتــووفيق

مشكور اخوي على الرد

مشكله الدراي فود ان له ريحه شوي وانا حساس من الريحه هذي

بس عموما انا اشتريت نوعيه من البحرين اسمها يبدى بحرف الاف وللحين ما حطيت لها منه
طيب مثلا لو النقانق والبرجر ما قليتهم يعني حطيتهم بصاجه لين ما استوت مثلا
مو احسن من القلي !!

بعدين الدراي فود عادي لو صار اكلهم دايم دراي فود وثلاث مرات بالاسبوع او اربع اعطيهم لحم وكذا ؟

يعني هل كثرة الدراي فود ما تضر

ومشكور مقدما