تدريب الكاسكو خلال اسبوع فقط

[3body]

يعطيك العافيه على الموضوع المميز ،،

اتمنالك التوفيق

[سمساار]

السلام عليكم ورحمة الله وبركاته
أخواني أخواتي الأعزاء أعتذر على عدم الرد على تسائلاتكم
بسبب إنتهاء العرض الصيفي لسنة 2009
وسوفه أوعطيكم خطوات تدريب الطيور على الطلوع على اليد وتدريبهم على الكلام



حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام

تعليم الكلام لطير يتطلب منك تجهيز مكان له قبل الدخول على تعليمه وهي


1- اعلم انه تدريب الطير على الكلام سوفه يكون على فترتين باليوم الواحد وهي (صباحيه-مسائيه)
2- مده الفتره الواحده لا تتجاوز النص ساعه فقط لاغير
3- يتم تجهيز مكان يمتاز بالهدوء وخالي من اي شيئ يلفت نظر الطير له مثل (الاكل والشرب-اصوات خارجيه-نوافذ يطل منها الطير الى الخارج-مرور اشخاص من قربه-وجود حيوان او طير آخر بالقرب منه-الخ الخ الخ من المؤثرات التي تشتت انتباه الطير عن التمرين)
4- ان يكون الطير في مكان مرتفع عن سطح الارض لايقل عن المتر الواحد او ان يكون واقفا على استاند
5- يجب على الملقن ان يختار لطير كلمه واحده فقط بصوت واضح وكلمه سلسه بالنطق في بدايه التعلم
6- يجب ترك الطير ينام ليلا في مكان مظلم وهادء من 8 الى10ساعات
خطوات التمرين اليوم الاول هي
الفتره الصباحيه وهي تفضل في اول الساعات الصباح المشرقه
يذهب بالطير الى مكان التمرين ويبدأ بتلقينه اما بصوت الملقن مباشرتا او عبر جهاز تسجيليذاع له على ان تكون الكلمه المختاره له خفيفه مثل كلمة (هلا-ماما-بابا-كوكو-هلو-الخ الخ الخ) من الكلمات الخفيفه ان تكون مدة التمرين لاتتجاوز النص ساعه فقط لاغير ومن بعدها يتم ارجاعه الى مكانه لياكل ويشرب ويمارس حياته اليوميه حتى موعد الفتره الثانيه لتمرين وهي تبدأ من بعد صلاة العشاء مباشرتا وعلى نفس منهاج خطوات الفتره الصباحيه ولمدة نص ساعه فقط وبعدها يترك لياكل ويشرب وينام ليجهز ليوم جديد مقبل

تكرر هذي الطريقه له حتى تسمعه ينطقها بوضوح ومن بعدها تنتقل لباقي الكلمات المختاره له

اتمنى لك التوفيق والنجاح

اسئال الله القبول

[عاشق الكاسكوو]

يعطيك العافيه

اخوي سمساار

[نوره1985]

السلام عليكم

انا عندي مكاو صغير الحجم عمره سنه

لون عيونه..سودا

حالته وحشي

جناحه كامل

والطير بالقفص

هل عندك طولة بال؟ لا

هل لديك الشجامعه الكامله؟ لا

[جدة]

انا ناوي اشتري بغبغان افريقي
ولدي بعض الاسئلة وان شاء الله سهلة
1- انا جديد على عالم البغبغان
فهل تنصحني اخذ العمر من 6-8 شهور
وهل تنصحني اخذ اليف ولا انا اخليه اليف
2- هل اذا اشتريته اقص جناحه لكي لا يهرب
واذا انت عندك اسئلة ياليت لوتحطها عشان يمكن تفيدني
وشكرا لك

[DanOo]

تسلمووو

[ابواياد]

السلاااااااااام عليكم ممكن تفيدوني يخون عندي كاسكوووو عمره ست شهور لون عينه سوداااء احيان بلقفص وحيان براءالقفص وقصيت جناحه اليوم ولكن فيه مشكله يجعر بصيط مو مره ولا يكل من يدي يترا ابد التدريب معاه ولا استنا الين يكبر وكيف اتعامل معاه وهو بعمره ذا تكفووووون افيدوني لني فحيره ولكم مني جززززززززيل الشكررر ملاحظه هامه [لوه تقريبن اسبوعين عندي]

[مبروم برم]

يعطيك الععافيه اخوي وياريت تعطيني من وقتك الثمين وعندي سؤال ؟؟؟؟ كيف احفض الكاسكو الكلمات والجمل وشاكرلك اخوي

[القناااص]

اقول بلا استاند بلا بطيخ انا عندي كتاب و هو الكتاب مامن عليه يعني قليل ما تلاقي الي يبعونه في المحلات
اسهل طريقة وابن امه يجب احسن منها 1- طلع الببغاء من القفص 2- جيب العصا او المجثم 3- حط الببغاء في غرفة ما فيه اثاث وتكون جوها معتدل وما فيه مروحه لن الطير بيطير ويصفق في المروحه ويموت 4- لازم يكون الطير شوي جيعان اذا سويت هذي الشروط نبدا التدريب وهو 1- حط العصا عند رجول الطير من قدام ودفه عليه على خفيف في البدايه راح يوخر لاكن مع المره الثانيه راح تنجح باذن الله بعدين حطه على الارض وحطه على المجثم كررها من 7 مرات الى 10 مرات بعدين عط الطير فصفص الاكل : المكافاة: بعدين البس قفاز لن الطيور غداره وحطهعلى العصا بعدين علة يدك وهي تجيب يدك من قدام وتدفه على خفيف من تحت وبيجي على يدك وانتبه لا تخلي حركت يدك او جسمك سريعه على خفيف وعطها مكافءه
ملا حظه التدريب في يوم وكل يوم دربه الين يصير اليف والعذر والسموحه من راعي الموضوع

[قلم شفاف]

المشاركة الأصلية كتبت بواسطة القناااص

اقول بلا استاند بلا بطيخ انا عندي كتاب و هو الكتاب مامن عليه يعني قليل ما تلاقي الي يبعونه في المحلات
اسهل طريقة وابن امه يجب احسن منها 1- طلع الببغاء من القفص 2- جيب العصا او المجثم 3- حط الببغاء في غرفة ما فيه اثاث وتكون جوها معتدل وما فيه مروحه لن الطير بيطير ويصفق في المروحه ويموت 4- لازم يكون الطير شوي جيعان اذا سويت هذي الشروط نبدا التدريب وهو 1- حط العصا عند رجول الطير من قدام ودفه عليه على خفيف في البدايه راح يوخر لاكن مع المره الثانيه راح تنجح باذن الله بعدين حطه على الارض وحطه على المجثم كررها من 7 مرات الى 10 مرات بعدين عط الطير فصفص الاكل : المكافاة: بعدين البس قفاز لن الطيور غداره وحطهعلى العصا بعدين علة يدك وهي تجيب يدك من قدام وتدفه على خفيف من تحت وبيجي على يدك وانتبه لا تخلي حركت يدك او جسمك سريعه على خفيف وعطها مكافءه
ملا حظه التدريب في يوم وكل يوم دربه الين يصير اليف والعذر والسموحه من راعي الموضوع

ردك غير مهذب يا خوي