اشترك في نشرتنا البريدية ليصلك كل جديد

BE COOL · 05-09-2006, 12:17 AM

السلام عليكم ....

بما اني استفدت كثييير من المنتدى ومن الأعضاء

حبيت افيدكم ببعض هالمعلومات المتواضعه اللي جمعتها عن تغذيه الهامستر

.....

==================

تعتمد عموما تغذية الهامستر على الأطعمه المخصصه التي تباع في محلات الحيوانات.

لما تحتويه من الفيتامينات والمعادن التي يحتاجها الهامستر.

والتي تقل فيها كمية حبوب القمح والجوز ( البندق ) لأن الكثير منها قد يسبب لها السمنه .

عليك ان تضع ملعقتين شاي من الطعام المخصص له يوميا والذي يتبقى منه يجب عليك رميه

--------------------

ولمن يملكون نوع القزم :

احرصو على ان لا تكثروا له من الأطعمه السكريه لأنه قد يودي به الى مرض

الديابيتس ( داء البول السكري ).

------------------------

وأيضا بأستطاعتك أطعام الهامستر الفواكه والخضار الطازجه مرة او مرتين اسبوعيا ولا يزيد عن ذلك

وأحرصوا على ان لا تكثروا لهم من الفواكه والخضار لأن كثرتها قد تؤدي الى الأسهال.

--------------------------

هذه قائمة بعض الأطعمه التي بأمكانك اطعامها للهامستر :-

- الموز
-الذره الحلوه
- التفاح
- الجبن
- الخبز
- الدجاج
- الجزر
- البازلاء
- الخيار
- اللفت ( سلجم )
- الزبيب
- الكرفس
- العنب
- الشمام و البطيخ

=======

وهذه بعض الأطعمه التي لايستطيع الهامستر اكلها :-

- الشوكلاته
- الثوم
- البصل
- البطاطس النيئه
- الحلويات
- الحوامض ( الليمون , البرتقال ... الخ

___________________________________________

صراحه المنتدى والأعضاء يستاهلون اكثر من كذا لكن اتمنى انكم استفدتوا

اختكم ........

قلب للبيع · 05-09-2006, 02:41 AM

يسلموووو اخوي عالموضوع

ويعطيك الف عافية

بس حبيت اقول شي..

بخصوص اطعمة الهمستر...

الجبن مو زين للهمستر.. لان فيه نسبة من الاملاح

ومن خلال تجربة خاصة.. بصراحة الهمسترات اللي كانوا عندي بغوا يموتون

وانا كنت بموت وراهم من كثر خوفي عليهم

لان صادهم عسر في الهضم وتموا يتقلبون ويتعفرتون .. كأن داخلهم جني

لين ما شربتهم ماي بكثر.. وتموا يزوعون الجبن وفرغوا اللي في بطونهم كله مساكين

والموز مايصير نعطيه للهمستر .. لان sweet فبيتأثر الهمستر منه

تحياتي

^-^ oH YaaH ^-^ · 05-09-2006, 03:24 AM

جهد واضح ماشاء الله عليك

بس عندي كم استفسار

اقتباس:

عليك ان تضع ملعقتين شاي من الطعام المخصص له يوميا والذي يتبقى منه يجب عليك رميه

كم المدة التي اترك فيها الاكل عند الهامستر قبل ما ارمي الباقي من الاكل؟

اقتباس:

وأيضا بأستطاعتك أطعام الهامستر الفواكه والخضار الطازجه مرة او مرتين اسبوعيا ولا يزيد عن ذلك

وأحرصوا على ان لا تكثروا لهم من الفواكه والخضار لأن كثرتها قد تؤدي الى الأسهال.

ايش الكمية اللي اعطيها للهامستر من الفواكه و الخضروات ( كم ملعقة )

مرتين اسبوعياً المقصود يومين بالاسبوع ولا وجبتين بالاسبوع و كم وجبة ياكل الهامستر باليوم و بالنسبة للماء لازم تكون متوفرة اربع و عشرين ساعه قدامه؟

و بس <<==== مابغيت تسكت

سلاموو

BE COOL · 05-09-2006, 11:40 AM

قلب للبيع ....

ومنكم نستفيد انا بحثت وكتبت لكن الصراحه .. ما جربت أأكلهم هذولي كلهم لكن اشوا انك علمتني والا كان أأكلتهم اليوم جبن .. ومشكور على المرور

^-^ oH YaaH ^-^ ...

بالنسبه لأسئلتك :

كم المدة التي اترك فيها الاكل عند الهامستر قبل ما ارمي الباقي من الاكل؟

يوم واحد يعني 24 ساعه ..

ايش الكمية اللي اعطيها للهامستر من الفواكه و الخضروات ( كم ملعقة )؟

والله شوف بالضبط ما ادري لكن عموما الهامستر من الحيوانا اللي ما تاكل اكثر من حاجتها ...

مرتين اسبوعياً المقصود يومين بالاسبوع ولا وجبتين بالاسبوع و كم وجبة ياكل الهامستر باليوم و بالنسبة للماء لازم تكون متوفرة اربع و عشرين ساعه قدامه؟

لأ .. يومين بالأسبوع ..
والمويه لازم تكون متوفره عنده ايه ...

ومشكور على المرور وعلى الأسئله

قلب للبيع · 05-09-2006, 03:26 PM

العفووو be cool

حاضرين لج ولو...

يسلموووو عالموضوع