ابغى طلبات كثيره .. دوزو

[فارس مجهول]

منوره يازينه,, نبدى وحده وحده

بالنسبه لاسهل استاند وغير مكلف ,, ماديا وعمليا الاخ سكر وضع في مواضيع اتوقع

العاب الببغاوات استاند على شكل سلة حلويات بمعنى.. اذا كانت عندك

سلة حلويات متوسطه على حسب حجم ببغائك .. او اشتري من ابوريالين

حطي وسط هالسله ... قطعه ثقيله حجر او فازه ,, اوي اي حاجه وتصير

زي الستاند بدون عمل وبلا جهد طبع يصير يوقف على القووس فوق .

مادري يازينه انا قريت موضوع لك ان اهلك يضربو الطير صح .. اوتشابه اسماء الله اعلم

اذا كانوا يضربونه ويزعجونه ويخوفونه صعب يتوالف عليهم ,, لانه مفكر وجودهم بهذي الطريقه

خطر دائم عليه .. واذا ماكانو يضربونه .. خليهم يتقربون منه شوي شوي بحركات

بطيئه موسريعه عشان ماينفجع ويخاف اهم حاجه الاطفال لايضربون على القفص لانه راح تسبب

حالة خوف وهلع عن الطير وممكن تؤدي الى دخوله في حاله نفسيه وينتف ريشه ومن هالقبيل.


ماعليش طمرنا نقطة الاسم العتب على النظر ! بالنسبه كيف يعرف اسمه انتي كل ماتجين له تنادينه

باسمه وراح يتعود عليك بس حاول تكرري عليه اسمه دايم عند اكله وجلستك معاه .. وكذا


التوليف.. ماهو مستحيل في هالعمر لكن يبغى له صبر وشوي بذل جهد ياما انا شخصيا شفت

طيور عيون صفر تجعر جعير رهيب ,, خذوه شباب وولفوها وتكلمة ماشاء الله بس اهم

حاجه الصبر ,ثم الصبر,ثم الصبر هو سر النجاح بعد توفيق الله عز وجل

انا افضل ومن وجهة نظري اني اخلي الطير ينام من بعد المغرب بساعه اوقبل اذان

العشاء طبعا اذا كان في مكان فيه ازعاج افضل حاجه تغطي القفص بشرشف يحجب الضوء عنه.

متى ينزل ياكل معاكم .. طبعا اذا تعود عليك ومو شرط يكون اليف ميه بالميه
عشان يقوم بهذي الخطوه ..

توني اشوفها ..كويس انهم ماعاد يضربوه مهما كان هالشي راح يكون

في ذمتك ..طيرك ماله بعد الله سبحانه وتعالى الا انت فحاولي تعطيه كل حاجه تستطعين

انك تقدميها وجزاء هالشي انك راح تاخذين اجره ... وراح تشوفين صديق لك من اروع الاصدقاء اهم حاجه تصبرين يازينه ...