لو سمحتوا خبرتكم في فرخ الدرة (شهر)

[hurts]

السلام عليكم ،،،

أخواني أحب اهنئكم بهذا المنتدى المعطاء والذي بدوره يساعد جميع هواة الطيور على ممارسة هذه الهواية بالشكل الصحيح وتبادل الخبرات في تربية الطيور ...

لدي بعض الاستفسارات واعتقد ان معظمها مكررة ولكن فقط للتأكيد على أن ما أفعله صحيح او خاطئ ...

الحمدلله اشتريت فرخ درة ( العمر حسب ما افادوني شهر وكم يوم )

اول يومين كنت احاول اعطيه سيرلاك بس كان يرفض وياكل بصعوبة .. كان ياخذ 10 ملم كل 8 ساعات ( يعني 3 مرات باليوم )

بس صاحب المحل قلي انه لازم ياخذ 20 ملم كل 8 ساعات ..

وهو بس ياخذ 10 ملم وبعدين يوقف عن الاكل ..

الان جربت اني اقوم بتأخير الوجبة شوي .. صرت اعطيه وجبة كل 12 ساعه .. (يعني وجبتين باليوم) وصار ياخذ 20 ملم كاملة .

طبعا طريقة تحضير الوجبة حسب ما قلي صاحب المحل ..

30 ملم ماء دافئ
معلقتين ونص (معلقة شاي ) سيرلاك

واقوم بخلطهم وسحب فقط 20 ملم بالسرنجة الخاصة بالطيور (مرفق الصورة )


طبعا انا حاطه الحين بعلبة بلاستيك وتحته نشارة خشب ( مرفق الصورة )


اسئلتي هي كالتالي :

1. كم عمره .
2. ماهيه كمية السيرلاك الي لازم ياخذها الفرخ (ياريت لو بال ملم ) وكم مره باليوم .
3. متى ابدا معه اكل عادي وماهي الانواع وكم مرة باليوم وكيف الطريقة ( قالولي التفاح والموز ممتاز )
4. متى اطلعه من العلبة البلاستيك واحطه بقفص .
5. هل يفضل اني اطلعه من العلبة شوي عشان يلعب وما يمل وكم من الوقت الافضل اني اطلعه والعبه .
5. وين انسب مكان احطه فيه عشان يتألف علي ويصير اليف لما يكبر ويتكلم .
6. نوع السيرلاك الي اشتريه من محل مختص هو نوع بلجيكي قالولي احسن شي ( هل هو ممتاز ؟ ).
7. هل اشربه ماء وكم المقدار وكم مره باليوم .


اعتذر جدا اني طولت عليكم بس خايف اضره وحاب اتعلم اهتم فيه بالشكل الصحيح .

وياريت لو في نصائح أخرى للتدريب او للأكل تفيدوني أكون لكم شاكر ..



الصور :

http://m58i.imgup.net/20150129_29c09.jpg

http://k21i.imgup.net/20150129_2fc76.jpg

http://e16i.imgup.net/20150130_1c71b.jpg

http://p17i.imgup.net/20150129_2c857.jpg

http://h28i.imgup.net/needled6d5.jpg


تحياتي ...