لو سمحتوا خبرتكم في فرخ الدرة (شهر)
 

السلام عليكم ،،،

أخواني أحب اهنئكم بهذا المنتدى المعطاء والذي بدوره يساعد جميع هواة الطيور على ممارسة هذه الهواية بالشكل الصحيح وتبادل الخبرات في تربية الطيور ...

لدي بعض الاستفسارات واعتقد ان معظمها مكررة ولكن فقط للتأكيد على أن ما أفعله صحيح او خاطئ ...

الحمدلله اشتريت فرخ درة ( العمر حسب ما افادوني شهر وكم يوم )

اول يومين كنت احاول اعطيه سيرلاك بس كان يرفض وياكل بصعوبة .. كان ياخذ 10 ملم كل 8 ساعات ( يعني 3 مرات باليوم )

بس صاحب المحل قلي انه لازم ياخذ 20 ملم كل 8 ساعات ..

وهو بس ياخذ 10 ملم وبعدين يوقف عن الاكل ..

الان جربت اني اقوم بتأخير الوجبة شوي .. صرت اعطيه وجبة كل 12 ساعه .. (يعني وجبتين باليوم) وصار ياخذ 20 ملم كاملة .

طبعا طريقة تحضير الوجبة حسب ما قلي صاحب المحل ..

30 ملم ماء دافئ
معلقتين ونص (معلقة شاي ) سيرلاك

واقوم بخلطهم وسحب فقط 20 ملم بالسرنجة الخاصة بالطيور (مرفق الصورة )


طبعا انا حاطه الحين بعلبة بلاستيك وتحته نشارة خشب ( مرفق الصورة )


اسئلتي هي كالتالي :

1. كم عمره .
2. ماهيه كمية السيرلاك الي لازم ياخذها الفرخ (ياريت لو بال ملم ) وكم مره باليوم .
3. متى ابدا معه اكل عادي وماهي الانواع وكم مرة باليوم وكيف الطريقة ( قالولي التفاح والموز ممتاز )
4. متى اطلعه من العلبة البلاستيك واحطه بقفص .
5. هل يفضل اني اطلعه من العلبة شوي عشان يلعب وما يمل وكم من الوقت الافضل اني اطلعه والعبه .
5. وين انسب مكان احطه فيه عشان يتألف علي ويصير اليف لما يكبر ويتكلم .
6. نوع السيرلاك الي اشتريه من محل مختص هو نوع بلجيكي قالولي احسن شي ( هل هو ممتاز ؟ ).
7. هل اشربه ماء وكم المقدار وكم مره باليوم .


اعتذر جدا اني طولت عليكم بس خايف اضره وحاب اتعلم اهتم فيه بالشكل الصحيح .

وياريت لو في نصائح أخرى للتدريب او للأكل تفيدوني أكون لكم شاكر ..



الصور :

http://m58i.imgup.net/20150129_29c09.jpg

http://k21i.imgup.net/20150129_2fc76.jpg

http://e16i.imgup.net/20150130_1c71b.jpg

http://p17i.imgup.net/20150129_2c857.jpg

http://h28i.imgup.net/needled6d5.jpg


تحياتي ...

رد: لو سمحتوا خبرتكم في فرخ الدرة (شهر)
 

اولاً مبروك عليك الفرخ واختيارك للدرة حلو لانه طير مرح جداً اذا ما احسنت تدريبه ونطقه للكلمات جيد
عموماً
بالنسبة للعمر فهو زي ما قال لك في حدود الشهر
كمية الاكل اشوف انه ٢٠ ملي كثيرة لانه باقي صغير ومن المهم جداً ترك ربع الحوصلة فاضي ووجبة كل اربع ساعات كافية جداً
الفطام بالنسبة لي انا ابدا الفطام من سن شهرين ونص بالتفاح والموز والذرة المسلوقة والبليلة المسلوقة وبعض من االورقيات كالخس والجرجير في الاسبوع مرة فقط عشان لا يصاب بالاسهال واغره في اليوم من مرتين الى ثلاثة
اذا بدا الطير الطيران انقله الى قفص
انسب مكان يكون مكان جلستكم وابعده عن تيارات الهواء الباردة وحاول يكون القفص في مكان مرتفع شوي عشان هو يراقبكم ولا يحس بالخوف
السيرلاك اذا كان حق فروخ وشركة معروفه فهو ممتاز
اخيراً الماء هو يستمده من السيرلاك في مرحلة الغر واذا فطم الطير حط له الماء
ملاحظة مهمة جداً لازم تعرضه لاشعة الشمس الغير مباشرة لو ربع ساعة يومياً في هذة العمر على الاقل لمدة اسبوعين او ثلاثة مع تغيير النشارة كل ثلاثة ولا اربعة ايام عشان الاوساخ والجراثيم
وان شاء الله تشوفه يكبر وتتهنى فيه
ان اصبت في كلامي فمن الله وان اخطات فمن الشيطان وانتظر مشاركات باقي الاعضاء موفق خير

رد: لو سمحتوا خبرتكم في فرخ الدرة (شهر)
 

الله يبارك فيك اخوي أبو غسان ... ربي يحفظك يارب

اول شي احب اشكرك جزيل الشكر على المشاركة الجميلة ...


بس عندي استفسار بخصوص كمية السيرلاك وعدد المرات باليوم

انا الي شجعني بكمية ال 20 ملم انو حاسه يفهم وما ياكل غصب .. يعني القصد انو يفتح فهمه لما اقرب عليه السرنجه ولما يشبع خلص يقفل فمه ومايرضى يفتحه وهو تقريبا ياخد من ال 20 ملم 17

المهم بالنسبة للي اقترحته اخوي ابو غسان بخصوص اني اغره كل 4 ساعات صعبه لاني بكون بالدوام ...

يعني مرتين باليوم كل 12 ساعه غلط ؟؟

طيب لو متلا غريته كل 6 ساعات مره كم كمية السيرلاك بال ملم ؟


اسف طولت عليك ..

وشكرك مقدما ..


تحياتي

رد: لو سمحتوا خبرتكم في فرخ الدرة (شهر)
 

رد: لو سمحتوا خبرتكم في فرخ الدرة (شهر)
 

وعليكم السلام " محب "

الله يعطيك العافية ماقصرت والله

وان شاء الله بمشي بنصايحكم .. والحمدلله الفرخ صحته تمام ..

بس احس انو متضايق من العلبة البلاستيك لان كل شوي يفتح جناحه ومايقدر ..


الله يعطيكم العافية يا اخواني ..

رد: لو سمحتوا خبرتكم في فرخ الدرة (شهر)
 

كل ما سمح لك الوقت شيك عليه وشوف الحوصلة اذا فاضية جهز له وجبه واعطيه

رد: لو سمحتوا خبرتكم في فرخ الدرة (شهر)
 

رد: لو سمحتوا خبرتكم في فرخ الدرة (شهر)
 

ربي يباركلكم جميعا ماشاء الله عليكم .. انا ماشي بالضبط على الكلام الي قلتوه وماشاء الله الفرخ الحين عندي صارله اسبوع وصحته تمام ونشيط ونشهيته مفتوحه ...

بس بعد اذنكم في عندي استفسار صغير ...

الحين الفرخ للحين يخاف مني مع اني كل يوم احمله واحطه على يدي واطعميه وامسح على راسه ورقبته ...

بس الى الان كل ما اقرب عليه يخاف ويحشر نفسه بزاوية الصندوق ويحاول يهرب ... واحيانا يطلع صوت الجعره الخفيفه ..

لو سمحتو لو عندكم نصائح عشان استغل فرصة صغر عمره عشان لما يكبر لا يغلبني ويكون اليف .


وشكرا لكم اخواني ...

رد: لو سمحتوا خبرتكم في فرخ الدرة (شهر)
 

الفرخ كلما حس بالجوع راح تسمعه يصارخ وينادي وهذة غريزة انت حاول تصدر صوت زي الصفير او طقطقة عند الغر حتى يترسخ عنده انك مصدر الغذاء بالنسبة له وبالتالي بيروح الخوف ومع الوقت اذا بدا يطير من يسمع نفس الصفير ولا الطقطقة راح يجيك لان خلاص ترسخ في ذهنه انه اكل وهذة نقطة مهمة جداً

رد: لو سمحتوا خبرتكم في فرخ الدرة (شهر)
 

السلام عليكم ،،،

الله يعطيكم العافية جميعا والله ماقصرتو ..

الحمدلله والشكر الحين صار عمره شهر واسبوعين وصحته ممتازه وصار لما يشوفني يجي يطلب الاكل واليف ..

بس امس لاحظت مشكلة ...

فتحة الانف الي عاليمين مقفله بشكل كامل ..

حاولت احط عليها مويه وامسحها بس مافي نتيجه ..

لو تقدرو تساعدوني بطريقة آمنه اني اقدر افتحها ...


ومشكورين ...