لذوي الخبرة في التفريخ والانتاج

[ابوفيصل]

كيف اعرف ان البيضة صالحة اوفاسدة مخصبة او غير ذلك بعد 15 يوم من الحضانة
الببغاء كروان
وهل هناك صور او ماشابه للبيضه واطوارها
شكرا لاهتمامكم

[الطائر]

السلام عليكم
حياك الله اخوي ابوفيصل

في البداية لا تحاول انك تاخذ البيض و احد الابوين موجود في العش تجنبا لكسر البيض. اذا خذيت البيضة ضعها في غرفة مظلمه و سلط عليها الضوء مباشره باستخدام مصباح يدوي مثلا, والحين تابع معاي الصور و شرحهم

الصورة الاولى:


بيضة حديثة (يوم او يومين) فاذا كانت البيضه صاراها اكثر من اسبوع و مازال هذا شكلها معناتها انها غير مخصبة

الصورة الثانية:


هذه صورة لبيضة مخصبة بعد مرور 5 الى 7 ايام عليها (تلاحظ العروق الحمراء فيها).

الصورة الثالثة:


فيها احتمالين: الاحتمال الاول انها بيضة مخصبة و الجنين تكون فيها (تلاحظ انها غامقة و فيها فراغ هوائي اسفلها). الاحتمال الثاني انها بيضة فاسده (الجنين ميت داخلها) وفي الحالتين ردها في العش.

الصورة الرابعة:


بعد مرور اسبوع تقريبا على البيضة و كان هذا شكلها معناها انها فاسده.

الصورة الخامسة:


بعد مرور اسبوع تقريبا على البيضة و كان هذا شكلها معناها انها غير خصبة.

ارجو ان شرحي يكون وافي و اسمحلي على القصور

بالتوفيق

[ابوفيصل]

الشرح وافي وانت وافي والله يعطيك العافية وماقصرت