منتديات تو زوو - لذوي الخبرة في التفريخ والانتاج

السلام عليكم
حياك الله اخوي ابوفيصل

في البداية لا تحاول انك تاخذ البيض و احد الابوين موجود في العش تجنبا لكسر البيض. اذا خذيت البيضة ضعها في غرفة مظلمه و سلط عليها الضوء مباشره باستخدام مصباح يدوي مثلا, والحين تابع معاي الصور و شرحهم :D

الصورة الاولى:

http://www.ir11.com/File/1155105014.jpg
بيضة حديثة (يوم او يومين) فاذا كانت البيضه صاراها اكثر من اسبوع و مازال هذا شكلها معناتها انها غير مخصبة

الصورة الثانية:

http://www.ir11.com/File/1155105102.jpg
هذه صورة لبيضة مخصبة بعد مرور 5 الى 7 ايام عليها (تلاحظ العروق الحمراء فيها).

الصورة الثالثة:

http://www.ir11.com/File/1155105151.jpg
فيها احتمالين: الاحتمال الاول انها بيضة مخصبة و الجنين تكون فيها (تلاحظ انها غامقة و فيها فراغ هوائي اسفلها). الاحتمال الثاني انها بيضة فاسده (الجنين ميت داخلها) وفي الحالتين ردها في العش.

الصورة الرابعة:

http://www.ir11.com/File/1155105196.jpg
بعد مرور اسبوع تقريبا على البيضة و كان هذا شكلها معناها انها فاسده.

الصورة الخامسة:

http://www.ir11.com/File/1155105243.jpg
بعد مرور اسبوع تقريبا على البيضة و كان هذا شكلها معناها انها غير خصبة.

ارجو ان شرحي يكون وافي و اسمحلي على القصور

بالتوفيق