[THE HUGE]

1- هل هو يسبب امراض وخاصة بعد مرض انفلونزا الطيور واذا جته الانفلونزا هل سيمتو ام راح يعدينا الله لا يقول ؟ وهل تأتيله انفلونزا الخنازير الله لايقول تعرفون هالايام الامراض كثرت الله يكون في عون الجميع .

والله مادري يا اخوي بس ما اعتقد بس انت اهم شي

توديه للبيطري يفحصه و يسويله الاشياء المهمة

2- هل بامكاننا نقص جناحه كي لا يطير لان اخوي اتعقد مايبيه يطير؟ وهل راح يظر اذا قصينا الجناح؟

اي تقدر تقص جناحه و ماراح يضره بس خل البيطري يقصه احسن


3- انا باخذه فرخ ولكن مهو مرة صغير يعني عنده ريش و يطير يعتمد على نفسه ولكن قبل مرحلة الفطام . كم احسن عمر اخذه فيه ؟

اخوي قبل الفطام يعني انت توكله سيريلاك بيدك اما الي يعتمد على نفسه يكون عمره

من شهرين الي 3 اشهر و هذا افضل عمر للشراء و التدريب


4- وش الأكل المناسب له ؟؟

الحبوب المشكلة و القليل من حب دوار الشمس لأن فيه نسبة دهون عالية

و تقدر تعطيه خضروات مثل : جرجير , خس , خيار , نعناع

و فواكه مثل : تفاح , كمثرى (عرموط) , موز , عنب

و البيض بالقسماط طبعا مرة بالاسبوع (الصيف)

و 3 مرات بالاسبوع اذا كان بالشتاء

5- ماهو القفص المناسب له بالنسبة للإنتاج؟ والقفص العادي له وحده فقط ؟ وكم الاسعار راح تكون تقريبا ، بالريال السعودي .

القفص المناسب للانتاج يكون 50 طول × 45 عرض × 60 ارتفاع و اسمحلي ما اعرف بالريال السعودي بس بالدينار الكويتي يكون سعره من 6 الي 10 او 15 دنانير على حسب النوعية


7- ماهو الأفضل اذا كنت بربي فقط واحد ذكر ام انثى ؟ واللي اعرفه اذا ماخاب ظني في انواع كثيرة للكروان ، ماهو افضل نوع من حيث الفهم والاستيعاب ومن حيث المظهر ؟ وكم سعره . مع العلم ابيه يكون صغير قبل الفطام .؟

الذكر يغرد و يصفر أما النثية بس تصارخ .. و في نوع المشهور الي اهوة الـرمادي (Grey)

و في الازابيلا و الوايت فيس و اللوتينو و الالبينو و مافي اي فرق بينهم من ناحية الذكاء

و الاستيعاب بس اللون يختلف اما عن سعره قبل الفطام ما اعرف جم والله


8- هل هو مزعج يعني في وقت النوم راح يزعجنا مثل طيور الحب او عادي غير مزعج ؟

بالعكس مو مزعج ولا شي .. عادي ينام بس طفي النور عليه و ينام


9- أكثر شيء كم يعيش بالسنة ،، وطبعا الاعمار بيدي الله .

من يوم الي 15 او 20 سنة


10- أخر سؤال ممكن اماكن بيعه في جده ولكن ابي فروخ؟ واذا واحد يسكن بجده يريد بيعه لي ولكن ابيه فرخ يتفضل .

والله انا مو سعودي ولا بالسعودية .. بس ان شاء الله اخوانا السعوديين هني يفيدونك

و سامحني على القصور و الاطالة .. و ان شاء الله الاخوان يفيدونك اذا بدر مني شيء خطأ

و بالتوفيييق