منتديات تو زوو

منتديات تو زوو (http://www.2zoo.com/vb/index.php)
-   قسم هواة القطط (http://www.2zoo.com/vb/forumdisplay.php?f=33)
-   -   لكل ساكن مصر ادخل وشارك (http://www.2zoo.com/vb/showthread.php?t=79161)

shosho fawzy 13-10-2008 05:32 PM
لكل ساكن مصر ادخل وشارك
 
دي أول مشاركة ليا في المنتدي وياريت تشركوني في الموضوع اللي هطرحه وهو ان كل مربي قطط في مصر يدخل ويسجل اسماء المحلات واماكنها اللي بيشتري منها مستلزمات القط بتاعه وأسعارها والمستشفي أو الصيدلية اللي بيعالج فيها القط بتاعه لو مرض لقدر الله علشان في كير لسه مبتدئين في تربية القطط وده بيقدر يحسه البائع وبيستغل ده لحسابه طبعا في رفع الاسعار لأنه بيبقي عارف ومتأكد ان اللي بيشتري منه مبتدئ .
وعلشان كده عايزين نعمل قائمة بالامكان والاسعار علشان محدش يقع ضحية استغلال البائعين .
وأنا أول المبتدئين وبصراحة أنا لسه معنديش قطة بس ان شاء الله هجيب لما افهم كويس تربيتهم والعناية بيهم ازاي.
ياريت الكل يشارك علشان في كتير هيستفيدو من الموضوع ده وأنا أولهم.
وشكرا.:)

Octopus 13-10-2008 06:54 PM
رد: لكل ساكن مصر ادخل وشارك
 
مرحبا بك في المنتدى
وتجنن الصورة الشخصية :):):):):):):)
وأتمنا أخوان من مصر يسعدونك:confused:

shosho fawzy 14-10-2008 12:54 PM
رد: لكل ساكن مصر ادخل وشارك
 
شكرا علي الرد ومرحبا بكل أهل الامارات
وعلي فكرة أنا بنت مش ولد

tamerhegazy 23-10-2008 06:44 PM
رد: لكل ساكن مصر ادخل وشارك
 
انا من مصر قولى عايزة اية بالضبط وانا اعرفك

almoez 23-10-2008 06:57 PM
رد: لكل ساكن مصر ادخل وشارك
 
بص انا من الاسكندريه ولو انت معايا هساعدك.......!

مرمرالمصريه 25-10-2008 01:22 PM
رد: لكل ساكن مصر ادخل وشارك
 
هاى يا شوشو انا مرمر انا من مصر وربيت قطط كتير بس اشتريتهم من النت من اعلانات اشتريت 3 اخوات شيراز بس كانو بنات كلهم كانت معروضه الواحده على 150ج المهم بتفاصلى طبعا اخدتهم ب250ج التلاته ده لو من منازل مش من محلات وكمان كان من اكتر من سنتين المهم يا ستى لو محلات هتلاقي الاسعار من اول 250 للواحده وبتوصل ل 400 او 450 في اماكن معينه زى المهندسين وفي فيصل ب 350ج والقطط الصغيرة احسن بتبقي مرحه وبتتعود على طبعك اسرع وبالنسبه للدكاترة انا بتعامل مع صيدليه بتقدم خدمه دكتور بيطرى كام ساعه في اليوم وعندها الادويه البيطريه بكلمهم عادى لو في اى حاجه لكن لو تعرفي مستشفيات بيطريه او مراكز رعايه بيطريه احسن والاحسن كمان كليه طب بيطرى في عيادات خارجيه للتعامل مع الحالات كشف عادى وكل الجراحات كمان والتطعيمات
بالنسبه لبعض اسعار العلاج حقنه منع سقوط الشعر في منها مصرى ومنها امريكى رخيصه جدا الاتنين الامريكى تعمل 2.5ج بس اهم حاجه بتاخدها مرتين خليكى فاكرة بعد 14 يوم بالظبط
وغالبا القطط بتتعالج بادويه اطفال والتطعيمات في دكتور بديها ب160ج ودكتور تانى ب80ج بصراحه مش عارفه ايه الفرق في المكونات بس في المركز البيطرى اضمن وارخص كمان
المهم يا قمر اى اسئله تانى قوليلى وانا هحاول ارد عليكى باذن الله ربنا يوفقك وتختارى قطه امورة ولذيذه

shosho fawzy 26-10-2008 03:52 PM
رد: لكل ساكن مصر ادخل وشارك
 
شكرا مرمر المصرية اجبتك وافية جدا وشاملة الكل الاسئلة اللي كانت بدور في عقلي
وادعلي ماما توافق اجيب قطة

مرمرالمصريه 27-10-2008 04:02 PM
رد: لكل ساكن مصر ادخل وشارك
 
ان شاء الله يا حبيبيتى مامتك توافق انا مامتى وافقت بالعافيه والله بردو بس انا بموت في القطط من صغرى وربنا يوفقك


جميع الأوقات بتوقيت GMT +3. الساعة الآن 09:51 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو