|
قصتي مع جينتا
أنا اليوم بقول لكم قصتي من قطوتي الحلوه جينتا
أنا من بدايه شهر 7 و أنا أحوس بمنتديات القطط و اشوف صور القطط و اتمنى يكون عندي واحد ... عاد في يوم من الايام قررت ان لازم أحن على أهلي عشان يجيبون لي قطو و بدى مشوار الحن من شهر 7 لين شهر 8 و فر يوم كنت طالعه و لما رديت البيت لقيت ماما تضحك لي و خالاتي و خواتي ما أدري شفيهم :confused::confused: المهم مسكتني أختي ودتني لغرفتي و إلا فيه كرتون عبالي يضحكون علي جايبين لي كرتون فاضي :D طليت داخل الكرتون و إلا أشوف قمر قاعد فيه <<< إللي هو جينتا :rolleyes: انهبلت من الوناسه رحت شريت له أغراض ب 36 دينار كويتي يعني تريبا 400 ريال سعودي <<< على ما أعتقد و بدى معاه المشوار كنت طايره من الفرحه بعد ماشريته بيومين وديته للبيطري و هناااااااااك الصدمه أنا موديته يقضون أضافره و يسوون له كشف :( المهم أنا شايته على أنه مون فيس طلع مهجن :( و هذي أول صدمه شريته على انه انثى طلع ذكر :( ثاني صدمه شريته انه خالي من الامراض طلع فيه جرب باذونه و شكله حيل مستعصي كل يومين يرد الجرب <<<ثااااالث صدمه المهم ردينا البيت سبحته بأقل من دقيقتان من بعدها مرض صار يكح و معاه اسهال وديته البيطري جان يقول رد له الجرب :eek: و عطاه ابرتين المهم مع الايام لاحظت اني من جبته صرت ما أنام كله قاعده أخاف يصير فيه شي صرت ما أنام بغرفتي عشان ما ازعجه صرت اعفس غرفتي و أنا ألاعبه و ما نظفها عشان ما يقعد من النوم مع ان أنا ما أحب أشوف غرفتي معفسه :( المهم كان مستمر معاه المرض خذيت وصفات من منتداكم و منتديات ثانيه عشان أعالجه و الحمدلله تحسن شوي المهم بعدين صرت احس بالذنب لان أنا أطلع وايد و لما أرد ألقاه مصحصح و يبي يلعب اسكر عليه غرفتي و أروح أنام بمكان ثاني صرت أكره غرفتي ما أدري ليش ؟؟؟ :( عاد في يوم قررت خلااااص جينتا ماراح يقعد عندي بوديه بغرفه دافيه لأن بيتنا حيل بارد و ينزل الصبح عندنا بس ألحين صرت كلش ما أجيه و لا أهتم فيه و لا بأكله صارت خدامتنا هي اللي تهتم فيه انا الحين حاسه بالذنب أنا أحبه بس إذا نزلته عندي ما أحد يقعد عندي << عايلتنا مهووسه بالنظافه و يحسون القطو ينشر الجراثيم بيننا لانه يعطس وايد :( و لا تقولون رديه لغرفتج لانه برد عندي و إذا هو بغرفتي ما أنام فيها أنا أمووووووووووووووووووووووت عالحيوانات بشكل مو طبيعي و أحب أربيهم بس ما أحب المسؤوليه و ما أحب أحس ان الحيوان اللي عندي ضايق خلقه بليز قولولي شسوي ؟؟ :( |
رد: قصتي مع جينتا
اختي اذا انتي عارفه انج مو قد مسؤوليتهم عطيه لناس يكونون قد المسؤوليه
واذا تبينه عندك والشغاله تهتم فيه وبعدين هو يحب الشغاله أكثر .. هذا شي راجع لج اقتباس:
اقتباس:
اقتباس:
ولا ماينفع تربينهم .. اقتباس:
أساسا مافي احلى من الاهتمام فيهم .. تحسين بالأمومه تجاهم .. تحسين انج قاعده تسوين شي بحياتج ولما تجلسين معهم وتلعبيهم وتأكلينهم تحسين براءه الدنيا كلها فيهم .. أبد أبد كأن طفل جالس قدامك أختي مشكلتج بسيــطه انتي بس حسي انه ولدج وانتي أمه و ان انتي المسؤوله عنه واذا صار فيه شي بسببج مراح تسامحين نفسج وبتشوفين بتصيرين ماتبين احد ينظف الرمل حقه او يحممه غيرج والاكل انتي تحطينه له واللعب انتي بتلعبين معه.. عشان بتحسين انه حقج انتي مو حق احد وانتي تتضايقين لا شفتيه ضايق خلقه لانج عارفه ان انتي السبب وان التقصير جاي من ناحيتج .. لاتعودينه من الحين على الجلوس بروحه .. بعدين بتندمين على هالشي اذا ماعدلتي الوضع .. بيصير انطوائي وخواف واما اللي صار انه ذكر وان جاه جرب .. هذا شي مو بيدج .. ماتقدرين تحولين جنسه .. والجرب انتي عالجيه مضبوط واستمري عالعلاج مده واهتمي بنظافته على طول ومعد بيرجع له الجرب وانج صرتي تكرهين غرفتج .. هذا اعتقاد وانتي حطيتيه براسج .. شيليه من راسج و بتشوفين كل شي اوكي |
رد: قصتي مع جينتا
والله هذه مو حاله ياحلوه
الحين انتي طلعتي ماتحبي البسس لو تحبينهم جد ما اهتميتي بكلام احد هذا اول شئ و ثاني شئ الي يحب البسه لازم يضحي براحته شوي عشانها يعني كنتي تقدرين تخلي درجة الحراره عاديه لانك مو بالغرفه و البسه فيها بس حرام عليكي شكلك جد ماتحبين المسؤليه و ورطتي البسه المسكينه وياكي برأي لو قررتي بيوم تشيلي المسؤليه جيبيها من عند الخدامه غير كذا لاتقربي منها و عندي احساس انك كمان تحسينها وسخه عشان هذا ماتنامين بغرفتك صح ولا لا ؟؟؟ اتمنى ماتزعلين من كلامي بس انا مع البسس دايما |
رد: قصتي مع جينتا
انتى وقطوتك غلبانين
ازا انتى مو قد المسؤليه لاتربيه حيتعزب بسببكـ العطس عشين الغرفه بارده |
| جميع الأوقات بتوقيت GMT +3. الساعة الآن 12:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو