|
مجموعه اسئله ؟؟؟
السلام عليكم جميعااا
عندي مجموعه اسئله الله يعينكم علي :shy: طبعا زي منتو عارفين انا عندي قطه عمرها سنه وخمس شهور وعندها كيتز ولدين وبنت وعمرهم 40 يوم بالضبط طبعا بدو ياكلون وطبعا عمليه الاخراج جننوني فيها مايعرفو يدفنونه :( <<< قصه حياتي :o المهم عندي عده اسئله بليز : 1- قطوتي كانت شيطانه مره قبل الحمل تلعب ومرحه لدرجه يقولون كنها جايه من سيرك ولكن بعد الولاده تغيرت كثير هل ممكن ترجع زي اول ؟ او خلاص راح تتغير لانها ام ؟ 2- طبعا قطوتي احيان تصيح علي عيالها هل تكلمهم وتدربهم او هي قلقه عليهم بالذات وقت نومهم موعارفه وش هالسلوك ؟؟ 3-الكيتز ما احرص علي اكلهم يمكن مره باليوم لان امهم ترضعهم شكلها موناويه تفطمهم يبغالهم ميزانيه وزير هههه مو اي شي ياكلونه 4- طيب الحين هم بغرفتي وكانو ينامون بقفص بغبغاء كبير كنه غرفه متنقله ومفروش بس الحين مايبونه صارو ينامو عالارض او علي سريري وبصراحه غرفتي صارت زباله وما انام فيها لي شهر ونص تركتها لهم بس وشلون اتصرفهم هل اطلعهم من الغرفه ووين اوديهم ؟؟ الغرفه صارت ريحه مقرفه وامي زعلانه ومتضايقه وانا بنفس الوقت اخاف عليهم وش الحل ؟ 5- الكيتز مره شياطين يلعبون ودايم اظافرهم بارزه هذا غير العض طبعا ينزل دم متوحشين |
رد: مجموعه اسئله ؟؟؟
وعليكم السلام ورحمه الله وبركاته
بالنسبه للدفن لسه صغار يبي لك تمسكين يدهم وتخليهم يدفنوا اما انهم وسخوا كل مكان الحل جيبي لك قفص كبير شوي خاص للقطط وخلي فيه ليتربوكس حافته قصيره لحد مايتعودا عليه بس طلعيهم لعبيهم مو دايما محبوسين وغرفتك نظفيها كلها وخليهم بجزء منها بالنسبه للام احتمال كبير ترجع زي اول لانو طبعها اللعب بس الحين احساس الامومه:D اما كانها تصيح احيانا الام تكلمهم خلاص الحين تقدرين تعوديهم على الاكلات الخفيفه وامهم على عمر الشهرين هي تبعدهم عنها وتبدا تعطيهم اكل عادي بهالعمر العض والخربشه اعطيهم العاب محشوه يعضضوا فيها زي مايحبوا |
رد: مجموعه اسئله ؟؟؟
الله يعينك ويعيننا خوفتيني من الكيتنز انا توه جاي لي 3 كيتنز نفس حالتك اثنين ذكور وانثى اخاف يهبلون بي مثلك ههههههههههه الله يصبرك
وان شاء الله يفيدونك ويفيدونا اهل الخبره |
رد: مجموعه اسئله ؟؟؟
يسلمو الحيران ودلوعه اي والله الله يعين جننوني بس عسل سبحان الله لاجيتهم كلهم يجون بحضني والبنت جدا جدا شيطانه لدرجه تصعد علي ظهري وتجلس عالكتف تحسب نفسها صقر مثلا هههه بس وش اسوي اذا كبرو وطلعو برا اول امهم كانت تجنني كله جاري البحث عنها والحين ثلاث مع امهم شكله بنحف للنص ههه والله بصراحه تعب وخساير بس احبهم احفادي مالي غنا عنهم لكن سؤال يسدح نفسه امهم صارت تطلع وتصعد علي السور اخاف تبي تتزوج ؟؟؟ اذبحها لو تسويها موناقصه
|
رد: مجموعه اسئله ؟؟؟
ياقلبهم حسيتهم خفيفين دم ماشاءالله ربي يحفظهم لك
قفلي الباب لاتطلع برى والا اكيد بتروح تتزاوج لو هي طالبه |
رد: مجموعه اسئله ؟؟؟
[B]
بااااك [/B :64: :confused:عدنا لكم من يومياتي مع القطاوة الحين يوم بعد يزيد الشغب جننوني صارو يطلعون من الغرفه صرت اخاف لو اسمع يصيح احس فيه شي وامهم انهبلت معهم تلعب وتركض حمدالله والشكر كيف اتصرف معهم مقدر علي ثلاثه طيب كيف ادربهم يكونون مؤدبين ومايعضون ولا يمشخون ؟؟ خطرين جدا يغامرون ومايفهمون وش السواه ؟ |
رد: مجموعه اسئله ؟؟؟
[B]الله يعينك ..نفس مشكلتي مع اللي عندي صغيره وتطلع على ظهري لين كتفي بس مشكلتها ماتعرف تدفون بس على السجادوهذا يضايق الوالده ** سبحان الله الواحد اذا تعلق فيهم صعبه يفرط فيهم [/B:confused:]
|
رد: مجموعه اسئله ؟؟؟
الام توها صغيره وبتلعب معهم اكيد وتنطط وكل شي وخفت عليها مسؤاليه الكتنز لانهم كبرو
تقريبا واذا ع العض بهال العمر لما الخمس شهور تقريبا واحيان لما يعجزون وهم يعضون ويمشخون بس انتي لما يعضونك ارمي شي بعيد عنك عشان يلحقونه وخلي عندك عطر او دهني جسمك بلوشون معطر عشان الريحه هذي ينفرون منها وكثر لهم العاب وحبل اربطيه بشي يعني يصير نازل من فوق بشكل هذا اوك وقولي لهم بصوت عالي لا لما يعضون واشري بصبعك على المنطقه الي بين العيون او خلي عندك بخاخ وعبيه مويه واذا جو هجووم بخي عليهم وينحاشون بس يبيلك تصبرين بها العمر لازم يقروووشن الله يعينك يارب وسوري طولت |
رد: مجموعه اسئله ؟؟؟
يسلمووو ابو فيصل وجنان بالعكس جنونه ماطولتي ولاشي نورتيني من ناحيه اللعب شريت لهم كوره صغيره اليوم بس ماحبوها وامس لاحظت علي واحد منهم طاح من السرير علي ظهره وصرخ كنه يتاخنق مع قطو ثاني عصب علي اخوه وراح تحت التسريحه جالس لحاله خايف يطلع شوي واذا شاف احد خاف ضاق صدري عليه قمت وضميته ولعبت معه وعطيته اكل وبالغصب رجع مع اخوانه شوي واقرا عليه والله جنوني مقدر حتى اسافر :shy::p
|
رد: مجموعه اسئله ؟؟؟
http://store2.up-00.com/Mar11/C7v58760.jpg
شفتوو الادب والتربيه يبوس راس امه ههههه اي هين هي تنظفه وهو يعضهاااا |
| جميع الأوقات بتوقيت GMT +3. الساعة الآن 03:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو