منتديات تو زوو

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   قبل .. و بعد.. !! (http://www.2zoo.com/vb/showthread.php?t=96510)

كاسكوكيه 05-04-2009 11:00 AM
قبل .. و بعد.. !!
 
السلام عليكم و الرحمه

أخبااااااااااركم؟!

طبعن.. شامبيه .. الي ما يعرف.. بيعرفه.. بس حبيت أني أراويكم حاله.. كيف كان و كيف صار..

بدايته معاي كانت في شهر 9 .. من سنة 2008 .. كان عمره 7 شهور.. كانت لي محاولات كبيره انه يتوالف معاي و الحمد لله.. بس من شهر خلاني أمسح على راسه

و هاي صورته بعد شهر أو شهرين من وصل بيتنا و نوّر حياتي..

http://up2.m5zn.com/photo/2009/4/4/10/fw36uawrz.jpg/jpg

و طبعن يوم بدا الشتا.. بدا ريشه يطيح.. بس ما لاحظت عليه شي من النتف.. وكنت أشله معاي المدرسه و أوديه الدوام عشان ما يتم وقت طويل اروحه..

بس من فتره الشتا للحين.. و ريشه مب طايع يطلع.. هالفتره أحاول اني اهتم فيه قد ما أقدر.. و طول اليوم أكلمه...

نقلته في غرفتيه... حتى أنام و المكيف موطيتنه عشان ما يبرد .. و قمت أحط له ألعاب .. و أغصان في القفص.. كل يوم أغير له جو... مرات في الصاله و مرات في غرفتيه و مرات في الحديقه يسمع باقي العصافير..

والله حتى أمي تقول لي.. الببغا تتفديه بروحج وأنا لا :( << مسكين يا شامبيه يغارون منك :D

و دايمن أكلمه واصفر له.. عشان لو كان سبب سقوط الريش نفسي يحس بتغيير.. طبعن اعطيه دوا وصفه البيطري..


بس البارحه انصدمت.. طول اليوم رافع ريله .. و قاعد يسحب الريش الي بين ريوله :eek:

حاول امسكه و اطلعه نمشي برا بس يوم رديته نفس الشي :(

الحين انا اقدر أقول لكم انه الموضوع مش بس تبديل ريش.. لانه ينتفه بالقو.. صوت الريش وهوه يجلعه من جسمه عور لي قلبي :(

طبعن هاي صورته بعد ايام الشتا..

http://up2.m5zn.com/photo/2009/4/4/11/6rqngmh29.jpg/jpg



بس لاحظت شي عليه.. الريش الي بين ريوله.. يوم يسحبه... أنتبهت انه فيه ريش يديد طالع.. هل معنات هالشي انه يحاول يطلع الريش اليديد؟؟!

مادري يمكن يحفز الريش الجديم عشان يطيح :cool:

http://up2.m5zn.com/photo/2009/4/5/12/w70ymmrqv.jpg/jpg



طبعن يستحي شامبيه ما قدرت أصور المساحه كامله :o

http://up2.m5zn.com/photo/2009/4/5/12/r98fafgsx.jpg/jpg



مادري لو واضح قصدي ولا لا.. ع العموم

اريد أراويكم كم شي أسويه لشامبيه.. من ديكورات للقفص.. لحركات لتحفيز الذكاء عنده.. و ما شاء الله عليه ذكي.. مرات :o

أول شي.. يبت له كم غصن و قصّيتهم عشان يكونون قصاار.. و ربطهم بغصن ناعم ثاني.. عشان يكون كل شي في هالقطعه طبيعي و ما يضره

http://up2.m5zn.com/photo/2009/4/5/12/x2wl2dkxy.jpg/jpg


وبعدها علقتها في القفص.. طبعن هذا أول يوم .. و بعد أسبوع ما تم شي .. و مكان هالقطعه صار فاضي :D

http://up2.m5zn.com/photo/2009/4/5/12/1s69qzxqb.jpg/jpg


و الشي الثاني .. سويت له مثل ما تقولون علاقه للورق الملون.. عشان يقعد يلعب فيها و يقطع القصاصات الي معلقه...

أول شي قصيت ورق ملون مربعات و بعدين شكّيتهم في خيط صوف.. و علقتهن في القفص..

http://up2.m5zn.com/photo/2009/4/5/12/q6xzfuaih.jpg/jpg


http://up2.m5zn.com/photo/2009/4/5/12/6svxpip9o.jpg/jpg


http://up2.m5zn.com/photo/2009/4/5/12/8tzb1rwvx.jpg/jpg



http://up2.m5zn.com/photo/2009/4/5/12/lvq42epno.jpg/jpg




http://up2.m5zn.com/photo/2009/4/5/12/mlwcw2kbs.jpg/jpg


طبعن شامبيه قفصه عدّال شبريتيه.. عشان يتم قريب مني.. و هذي صورة القفص.. << أعرف المفروض يكون أكبر من جيه

http://up2.m5zn.com/photo/2009/4/5/12/b6qju0ck3.jpg/jpg


فيه ألعاب.. أو حركات نقدر نسويها لببغاواتنا عشان نحفز عندهم حب الاستطلاع و التفكير :cool:

و انا شفت فيديو لحركه.. المهم.. نحط الحبوب الي ياكلها الببغاء في كيس.. طبعن يفضل أنه يكون كيس من ورق... بس انا حطيت بلاستيك ع السريع أجرب.. و نلفها زين و نخليها قريبه من الببغاء..

بس شرط نخليه يجوف و نحن نحط الحب فيها.. عشان يعرف و يحاول.. مستحيل يحاول و هوه مب فارقه عنده الكيس و الي فيه :rolleyes:

طبعن شامبيه ما شاء الله على طول راح للكيس و حاول يفتحها.. اول ما فتحها عطيته حبتين مكافأه.. و بعدها رجعته ياكل بطاطا.. :cool:

http://up2.m5zn.com/photo/2009/4/5/12/yrhklmto8.jpg/jpg

http://up2.m5zn.com/photo/2009/4/5/12/6w6356fi3.jpg/jpg

http://up2.m5zn.com/photo/2009/4/5/12/o4k6x9gbt.jpg/jpg

http://up2.m5zn.com/photo/2009/4/5/12/xysl0ky5r.jpg/jpg


ادعوا لشامبيه يصح :( .. والله شكله يقطع القلب ..

انا احاول اني اهتم فيه بشكل أكبر,,,

بسألكم... ممكن الاهتمام الزايد يشكل مشاكل نفسيه للببغاء..؟؟ ويساهم في تفاقم حالة النتف؟؟

مجنون عويشق 05-04-2009 11:16 AM
رد: قبل .. و بعد.. !!
 
السلام عليكم

كاسكوكيه


أنتي المتيني:(

قبل مايألمني طيرك:(





:D

تصدقين لو انا محل طيرك كان زاد وزني من الدلع :D>>>الحال مسحوت ههههه



الله يعافيه انش اء الله ومن جد انتي مهتمه فيه بشكل غير طبيعي لكن سوء الحظ ومايسوي

سؤالي "

متى خر مره روشيته؟


لان الببغاوات عادة في بيئتها الطبيعيه الرطوبه تساعدها على الحفاظ على جمال ونظافة الريش

تحيه طيبه

كاسكوكيه 05-04-2009 11:24 AM
رد: قبل .. و بعد.. !!
 
:(


دقيقه بروح أروشه قبل ما تغيب الشمس :confused:

ما أذكر بصراحه :eek: بس دايمن اروشه.. يعني كل يومين مره أو كل 3 أيام.. و غير من جيه دايمن في الشمس .. بس أظني انا اهملت الترويش هالفتره :(

اممممم لا أكييد أنا اهملت الترويش :(!!!!!!!!!!!!!

سماوي الجبه 05-04-2009 11:40 AM
رد: قبل .. و بعد.. !!
 
مايستاهل والله، زين اعملي له طوق علشان ماياكل نفسه، واعتقد موجود عندكم في الامارات والعلم عند الله
،، مسكين والله وانا عندي نفس الحاله،كل هذا الدلع ويسوي في نفسه جذيه،،

كاسكوكيه 05-04-2009 11:42 AM
رد: قبل .. و بعد.. !!
 
اقتباس:
المشاركة الأصلية كتبت بواسطة سماوي الجبه (المشاركة 822576)
مايستاهل والله، زين اعملي له طوق علشان ماياكل نفسه، واعتقد موجود عندكم في الامارات والعلم عند الله
،، مسكين والله وانا عندي نفس الحاله،كل هذا الدلع ويسوي في نفسه جذيه،،
مرات أحس حالته مش نفسيه.. بس من يومين بدا يقطع ريشه .. مع اني نقلته للغرفه من أكثر من اسبوع..

عشان جيه أسأل,, هل الدلع الزايد تكون له نتايج عكسيه؟!

سماوي الجبه 05-04-2009 11:44 AM
رد: قبل .. و بعد.. !!
 
اقتباس:
المشاركة الأصلية كتبت بواسطة كاسكوكيه (المشاركة 822577)
مرات أحس حالته مش نفسيه.. بس من يومين بدا يقطع ريشه .. مع اني نقلته للغرفه من أكثر من اسبوع..

عشان جيه أسأل,, هل الدلع الزايد تكون له نتايج عكسيه؟!
نعم الدلع الزائد ومسك الطير يسبب هذا الشي، وانا قلت لك نفس الحاله عندي بس اذا حطيت معه طير اخر في القفص يقل نتف الريش ولكن يكون افضل من قبل،

طبعا هذا الكلام ليس لطيور كلها بعض من حالات الطيور،

كاسكوكيه 05-04-2009 11:48 AM
رد: قبل .. و بعد.. !!
 
اقتباس:
المشاركة الأصلية كتبت بواسطة سماوي الجبه (المشاركة 822579)
نعم الدلع الزائد ومسك الطير يسبب هذا الشي، وانا قلت لك نفس الحاله عندي بس اذا حطيت معه طير اخر في القفص يقل نتف الريش ولكن يكون افضل من قبل،

طبعا هذا الكلام ليس لطيور كلها بعض من حالات الطيور،
المشكله ما عندي طير غيره.. هوه الي سكن قلبي :o

هههههه ع العموم... هوه يتقبل اني امسكه.. و لاحظت انه يوم أكلم اي شخص ثاني يبدأ يطلع كل الاصوات الي عنده :rolleyes:... شكله يغار عليه :D


وحده من طالباتي عندها كاسكو عمره سنتين .. و تريدني اخليه عندي كم يوم عشان يتروض... مع انه رايض مع كل اهلها ألا هيه.. و يتكلم.. قلت فرصه اخلي شامبيه يتعلم كم كلمه منه :rolleyes:

كاجو 05-04-2009 12:22 PM
رد: قبل .. و بعد.. !!
 
والله حالته تقطع القلب لازم تشوفين له حل خذي من الصيدليه بودرة الفطريات وحليها بمويه

ورشيه كل يوم مره وحده لمدة ثلاث ايام وبعدين خليه بالاسبوع مرتين هذا بالاضافه ايلا رشه بالماء العادي مرتين

يومياً رش خفيف وجربي يمكن يتحسن كان عندي واحد سوا كذا واستخدمت الطريقه هذي وخف الحمدلله..

كاسكوكيه 05-04-2009 12:26 PM
رد: قبل .. و بعد.. !!
 
اقتباس:
المشاركة الأصلية كتبت بواسطة كاجو (المشاركة 822606)
والله حالته تقطع القلب لازم تشوفين له حل خذي من الصيدليه بودرة الفطريات وحليها بمويه

ورشيه كل يوم مره وحده لمدة ثلاث ايام وبعدين خليه بالاسبوع مرتين هذا بالاضافه ايلا رشه بالماء العادي مرتين

يومياً رش خفيف وجربي يمكن يتحسن كان عندي واحد سوا كذا واستخدمت الطريقه هذي وخف الحمدلله..

تسلم أخوي عالمرور و الافاده.. بس الحين اانا خذت له دوا لتساقط الريش.. اريد ع الأقل يكمل معاي شهر وانا استخدمه عشان ما اخبص له وايد أدويه..

بس شو أسم البودره؟!

سماوي الجبه 05-04-2009 01:04 PM
رد: قبل .. و بعد.. !!
 
اقتباس:
المشاركة الأصلية كتبت بواسطة كاسكوكيه (المشاركة 822581)
المشكله ما عندي طير غيره.. هوه الي سكن قلبي :o

هههههه ع العموم... هوه يتقبل اني امسكه.. و لاحظت انه يوم أكلم اي شخص ثاني يبدأ يطلع كل الاصوات الي عنده :rolleyes:... شكله يغار عليه :D


وحده من طالباتي عندها كاسكو عمره سنتين .. و تريدني اخليه عندي كم يوم عشان يتروض... مع انه رايض مع كل اهلها ألا هيه.. و يتكلم.. قلت فرصه اخلي شامبيه يتعلم كم كلمه منه :rolleyes:
مشروع ناجح حطي طير صديقتك وجربي وعلمينا بتجارب،

جداااوي 05-04-2009 02:00 PM
رد: قبل .. و بعد.. !!
 
كيف حالك استاذه كاسكوكيه
المهم الله يشفي طيرك ويرجع يطلع له ريش جديد وجميل
المهم انا اليوم لا حظت انو طيري بدأ ينتف ريشه ورح الحقه انشاء الله

كاسكوكيه 05-04-2009 02:03 PM
رد: قبل .. و بعد.. !!
 
اقتباس:
المشاركة الأصلية كتبت بواسطة جداااوي (المشاركة 822697)
كيف حالك استاذه كاسكوكيه
المهم الله يشفي طيرك ويرجع يطلع له ريش جديد وجميل
المهم انا اليوم لا حظت انو طيري بدأ ينتف ريشه ورح الحقه انشاء الله
هلا... بخير الحمد لله..

امييييييييين

:(... ليش هم قاسيين علينا كذا؟؟ :confused:

سكر 05-04-2009 08:47 PM
رد: قبل .. و بعد.. !!
 
ما شاء الله كاسكوكية,,, قلت لك من اول ببغائك جميل ولا تشيلي هم الريش, كثير.

صعب اننا نعرف السبب, لكن يمكن تداخلت حالة نفسة في بعض الأوقات مع الحالة الصحية.

وبالنسبة لسؤالك عن الدلع الزائد, هذا يعتمد على فهم الببغاء للدلع.

إذا كان يشعر ان هذا تقليص من حريته, فهذا يسبب له نفور قدر الإمكان, واذا ما قدر يهرب, يتأثر نفسياً.

أو انه يعتبر ان هذا الدلع عقاب له.

لكن في كل الأحوال حاولي تخليه يعمل حمام شمسي فوق كمية من التراب, لأنه يمكن يكون يعاني من فطريات معينة أو طفيليات.

والتراب يساعده في قتل الأشياء هذي.

مو شرط تراب, اذا فيه غبار مثل غبار المكنسة الكهربائية ينفع تنفضيها قريب منه, واتركيه يوم كامل وبعدين روشيه, بس انتبهي لعيونه.

موضوعك رائع ومبدعه كما عودتينا بمواضيعك الشيقة.

أتمنى الشفاء العاجل لببغائك

تحياتي

امزوني وبس 05-04-2009 09:39 PM
رد: قبل .. و بعد.. !!
 
مسكين طيرك الله يعينه اتمنى له الشفاء العاجل كان ودي افيدك بس ماعندي خبره بالكاسيكو والشباب ماقصرو

كاجو 07-04-2009 11:21 AM
رد: قبل .. و بعد.. !!
 
مراحب
البودره ماني متذكر اسمها لكن هي موجوده عند الصيدليات البيطريه معروفه تستخدم مثل ماقلت للفطريات

والطفيليات تحل بالماء وترش على ريش الطائر ..

لوتيه 07-04-2009 06:19 PM
رد: قبل .. و بعد.. !!
 
مسكين كنت اتحرا لي عندي حالتها مستعصيه طلع فيه لي اخس عن حالت لي عندي
كاسكوكيه اذا يهون عليج حطيله طوق بتحصلينه عند البيطري البريطاني و اذا ماتعرفينه انا بروح اخذلج اياه
و بطرشه لج انا كان عندي بس الخدامه عقته زباله :) و بصراحه ماحطيته حق الكاسكو لي عندي
الانه احسها استخفت يوم شافته بروحها فيها حاله نفسيه ازيد عوقها عوق خليتها على هواها
و الحين الحمد الله الذيل طلع و عند الصدر ماشاء الله كله اكتمل يوم بحس كل شي طبيعي بحط صورتها
ان شاء الله و يمكن شامبيه متعقد من اسمه :) غيري اسمه خخخخخخخخخ امزح الله يعافيه ان شاء الله
انا عندي وحده اصغر القوم على قولتهم مدلعتنها دلع بس لا عمر الدلع مايوصل لهذي النتيجه
يمكن متوحد بروحه ؟؟ ام حاله نفسيه لي عندي يوم طارت ربيعتها قامت تجلع ريشها و يوم ردت وقفت
و من هذاك اليوم الحمد الله ماتنتف ريشها بس مادلعهم كثر الصغيره :) الله يخليلج شامبيه و يطلع ريشه كله و اذا تبين الطوق طرشيلي رساله و فالج طيب ..

كاسكـــو 07-04-2009 06:55 PM
رد: قبل .. و بعد.. !!
 
اذا كان يحك جسمه كثير اتوقع مشكله بالجلد

لكن اذا مافيه حك مستمر فقط نتف بالريش هذي حاله نفسيه

هذي هي الاحتمالين الوارده

انا اشوف اول صورة مربوط بسلسله هذا الشي يضايق الطير

قصي من جناحه اذا خايفه يطير

لكن اتوقع الببغاء مصاب بالأكتئاب بنسبه 90 بالميه

وهنا لازم نبحث عن الاسباب اللي سببت له الاكتئاب ونعالجها

كاسكوكيه 10-04-2009 02:57 AM
رد: قبل .. و بعد.. !!
 
اقتباس:
المشاركة الأصلية كتبت بواسطة سكر (المشاركة 823205)
ما شاء الله كاسكوكية,,, قلت لك من اول ببغائك جميل ولا تشيلي هم الريش, كثير.

صعب اننا نعرف السبب, لكن يمكن تداخلت حالة نفسة في بعض الأوقات مع الحالة الصحية.

وبالنسبة لسؤالك عن الدلع الزائد, هذا يعتمد على فهم الببغاء للدلع.

إذا كان يشعر ان هذا تقليص من حريته, فهذا يسبب له نفور قدر الإمكان, واذا ما قدر يهرب, يتأثر نفسياً.

أو انه يعتبر ان هذا الدلع عقاب له.

لكن في كل الأحوال حاولي تخليه يعمل حمام شمسي فوق كمية من التراب, لأنه يمكن يكون يعاني من فطريات معينة أو طفيليات.

والتراب يساعده في قتل الأشياء هذي.

مو شرط تراب, اذا فيه غبار مثل غبار المكنسة الكهربائية ينفع تنفضيها قريب منه, واتركيه يوم كامل وبعدين روشيه, بس انتبهي لعيونه.

موضوعك رائع ومبدعه كما عودتينا بمواضيعك الشيقة.

أتمنى الشفاء العاجل لببغائك

تحياتي

بس الخوف اني اقول اوكي خلاص الريش ما بشيل همه بس بعدين تتفاقم الحاله..

المشكله احطه ع التراب يمشي عليه :D ع بالي مطلعتنه امشيييه :cool:

اخاف من غبار المكنسه لانها مش بس تراب حتى اوصاخ فاخاف تظره :(

اميـــــــــــــــــن

لك ألف شكر :)

كاسكوكيه 10-04-2009 02:58 AM
رد: قبل .. و بعد.. !!
 
اقتباس:
المشاركة الأصلية كتبت بواسطة كاجو (المشاركة 824917)
مراحب
البودره ماني متذكر اسمها لكن هي موجوده عند الصيدليات البيطريه معروفه تستخدم مثل ماقلت للفطريات

والطفيليات تحل بالماء وترش على ريش الطائر ..

تسلم والله وما تقصر.. بسأل عنها و بجوف :)

كاسكوكيه 10-04-2009 03:02 AM
رد: قبل .. و بعد.. !!
 
اقتباس:
المشاركة الأصلية كتبت بواسطة لوتيه (المشاركة 825400)
مسكين كنت اتحرا لي عندي حالتها مستعصيه طلع فيه لي اخس عن حالت لي عندي
كاسكوكيه اذا يهون عليج حطيله طوق بتحصلينه عند البيطري البريطاني و اذا ماتعرفينه انا بروح اخذلج اياه
و بطرشه لج انا كان عندي بس الخدامه عقته زباله :) و بصراحه ماحطيته حق الكاسكو لي عندي
الانه احسها استخفت يوم شافته بروحها فيها حاله نفسيه ازيد عوقها عوق خليتها على هواها
و الحين الحمد الله الذيل طلع و عند الصدر ماشاء الله كله اكتمل يوم بحس كل شي طبيعي بحط صورتها
ان شاء الله و يمكن شامبيه متعقد من اسمه :) غيري اسمه خخخخخخخخخ امزح الله يعافيه ان شاء الله
انا عندي وحده اصغر القوم على قولتهم مدلعتنها دلع بس لا عمر الدلع مايوصل لهذي النتيجه
يمكن متوحد بروحه ؟؟ ام حاله نفسيه لي عندي يوم طارت ربيعتها قامت تجلع ريشها و يوم ردت وقفت
و من هذاك اليوم الحمد الله ماتنتف ريشها بس مادلعهم كثر الصغيره :) الله يخليلج شامبيه و يطلع ريشه كله و اذا تبين الطوق طرشيلي رساله و فالج طيب ..

هلا واللــــــــــــــــــــــــــه بنظر عيني :D

احاول اني ما أعقد به نفسين بس ولا يهمج بجوف وين هالبريطاني.. انا في العين و الله اعلم لو موجود فيها... الحين بيطري مب محصله ... يوم اقول لاخوي يقول لي من وين اييب لج بيطري انتي الحين.. :( و ما شي غير صيدليه.. هذا والله اعلم يمكن اخوي إلا لوتي شرات ناااس :p

والله ما شي في البيت غير البادجي .. احتمال احطهن عداله ويوم بيحشرنه بيعرف قدري :D

تسلميـــــــــــــن .. ^^

فالج ما يخيب و ما تقصرين.. لا بسوي له شرات الكوب الي قصّيتيه لببغاواتج :D

كاسكوكيه 10-04-2009 03:09 AM
رد: قبل .. و بعد.. !!
 
اقتباس:
المشاركة الأصلية كتبت بواسطة كاسكـــو (المشاركة 825434)
اذا كان يحك جسمه كثير اتوقع مشكله بالجلد

لكن اذا مافيه حك مستمر فقط نتف بالريش هذي حاله نفسيه

هذي هي الاحتمالين الوارده

انا اشوف اول صورة مربوط بسلسله هذا الشي يضايق الطير

قصي من جناحه اذا خايفه يطير

لكن اتوقع الببغاء مصاب بالأكتئاب بنسبه 90 بالميه

وهنا لازم نبحث عن الاسباب اللي سببت له الاكتئاب ونعالجها
لاااا السلسله من زماااااااااااااااااااااان اصلن اروحه كان يجوفني كيف افجها عنه و كان يفجها

و الجناحات مقصوووصه من زمااان

تسلم ع الرد :o

Q8 Sailer 10-04-2009 03:32 AM
رد: قبل .. و بعد.. !!
 
هلا اختي كاسكوكيه .. اخذي له فيتاميتات تنحط بالماي .. اهي تقوي ريشه وتخليه يطلع ان شاءالله
انا اللي عندي يعاني من الحساسيه ووقف من تنتيف الريش والحين طلع ريشه شويه وان شاءالله يطلع كله .. :)

كاسكوكيه 10-04-2009 04:09 AM
رد: قبل .. و بعد.. !!
 
اقتباس:
المشاركة الأصلية كتبت بواسطة Q8 Sailer (المشاركة 828781)
هلا اختي كاسكوكيه .. اخذي له فيتاميتات تنحط بالماي .. اهي تقوي ريشه وتخليه يطلع ان شاءالله
انا اللي عندي يعاني من الحساسيه ووقف من تنتيف الريش والحين طلع ريشه شويه وان شاءالله يطلع كله .. :)
أهلين ^_^

الحين انا استعمل الفيتامينات .. الخاصه بطرح الريش.. وانتظرالنتاااااايج

ان شاء الله عقبال الي عندي يا رب ^^

Q8 Sailer 10-04-2009 04:28 AM
رد: قبل .. و بعد.. !!
 
حاولي انج تحطين رمل داخل القفص .. انا بسوي هذي الطريقه لأن الرمل يمنع الجراثيم ويحافظ على النظافه اكثر من الاكياس أو الجرايد اللي نحطها ..

وحسب علمي ان الريش يطول علما يطلع .. ممكن فيه اكثر من شهر .. ممكن شهرين أو ثلاث اشهر والله العالم .. :)

وان شاءالله يطلع الريش والله يشفي اللي عندج :))

كاسكوكيه 10-04-2009 04:38 AM
رد: قبل .. و بعد.. !!
 
اقتباس:
المشاركة الأصلية كتبت بواسطة Q8 Sailer (المشاركة 828813)
حاولي انج تحطين رمل داخل القفص .. انا بسوي هذي الطريقه لأن الرمل يمنع الجراثيم ويحافظ على النظافه اكثر من الاكياس أو الجرايد اللي نحطها ..

وحسب علمي ان الريش يطول علما يطلع .. ممكن فيه اكثر من شهر .. ممكن شهرين أو ثلاث اشهر والله العالم .. :)

وان شاءالله يطلع الريش والله يشفي اللي عندج :))
أخونا سكر بعد نصحني بالرمل.. و ان شاء الله خير بجرب اليوم و بجوف :)

الرمل مع الفيتامينات و ربك الشافي :)

Q8 Sailer 10-04-2009 05:12 AM
رد: قبل .. و بعد.. !!
 
ان شاءالله ... الله يشافيهم ...

وتذكرت بعد .. حطيه بالشمس الدافيه لمدة علشان يكون نظيف اكثر :)

كاسكوكيه 10-04-2009 05:40 AM
رد: قبل .. و بعد.. !!
 
اقتباس:
المشاركة الأصلية كتبت بواسطة Q8 Sailer (المشاركة 828829)
ان شاءالله ... الله يشافيهم ...

وتذكرت بعد .. حطيه بالشمس الدافيه لمدة علشان يكون نظيف اكثر :)
1) شمس أكثر

2) ترويش أكثر

3) تسليه و ما شي ملل

4) حمام رمل

5) بيطري و فيتامينات ^^

هاي الخطه و بوافيكم بالنتاااااايج ان شاء الله :)

Q8 Sailer 10-04-2009 07:42 AM
رد: قبل .. و بعد.. !!
 
ان شاءالله :) ... والله يوفقج يارب ..

المري1 10-04-2009 06:00 PM
رد: قبل .. و بعد.. !!
 
والله طيرك يقطع القلب

انا اعرف ان الدلال يخرب الطير لكن مايجيب له حاله نفسية

يخرب الطير كيف ؟؟؟؟

يعني يصير الطير قليل ذوووق :D

يخرب كثير ، ويعمل فوضى غير عاديه في اي مكان يروح فيه

اما يجيله حاله نفسية : ماظنيت ... اظنها مستحيله

وان شاالله قدامه العافية

كاسكوكيه 10-04-2009 08:25 PM
رد: قبل .. و بعد.. !!
 
يااااااااااا هلا والله المري1 ^^

اعرف :( ويقهر مراااااااات :D

بس الحمد لله ع كل حال.. و اليوم شفت تحت يناااحاته كم ريشه من الريش الخارجي يعني مش هذا الزغب ^^

7mamah 10-04-2009 09:01 PM
رد: قبل .. و بعد.. !!
 
والله الصور تقطع القلب :(

وبخصووص البيطري انا من العين بعد وساامعه انه شي

بيطريين هنيه بس ماعرف وين بالضبط :D ههههه


يا حظه دلع ع الاخيير ههههههه


الله يشفييه ان شااء الله

وبما انه بدا ظهور الريش تحت اليناحات أكيد انه حالته بدت تتحسن :)

كاسكوكيه 10-04-2009 09:15 PM
رد: قبل .. و بعد.. !!
 
اقتباس:
المشاركة الأصلية كتبت بواسطة 7mamah (المشاركة 829706)
والله الصور تقطع القلب :(

وبخصووص البيطري انا من العين بعد وساامعه انه شي

بيطريين هنيه بس ماعرف وين بالضبط :D ههههه


يا حظه دلع ع الاخيير ههههههه


الله يشفييه ان شااء الله

وبما انه بدا ظهور الريش تحت اليناحات أكيد انه حالته بدت تتحسن :)
هههههههههههههههه حسيت انه اخوي متعااااااااااااايز :D

تسلمييييييييين والله و ياهلا والله بأهل العين ^^

امييييييييييييييييييين.. هيه الحمد لله :)

شبزي 11-04-2009 11:13 PM
رد: قبل .. و بعد.. !!
 
السلام كاسكوكيه
تو الناس عليه يقدر يرجع زي اول لانه مو كبير وانشاء الله العمر كله بس يبغاله اهتمام شوي منك

سلفر9 03-05-2009 12:57 PM
رد: قبل .. و بعد.. !!
 
الله يشفييييييييييييييييييييييييه



ورجعه لك انشالله احسن من اووووووووووووووووووووووووول


الموضوووووع كبير يبغى بحث شوي

خليني فتره وانشااله ارد لك


جميع الأوقات بتوقيت GMT +3. الساعة الآن 03:09 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو