صج الكاسكو الدلوع مايتكلم؟

[الببغاء الافريقي]

المشاركة الأصلية كتبت بواسطة البطريقه

بس ببغائي كله يبي يطلع من القفص
ومن افتح له الباب يرمي نفسه عى يدي
وإذا ابي اخله القفص مااقدر ادخله وهو شبعانه
مايدخل الا إذا موجود اكل وكان جوعان و احيانا بالغصب يدخل
لانه من اجي ابي ادخله يرمي نفسه علي ومايرضه يروح القفص

اختي تبادلين ببغاء لان اكيد ببغاكي صغير علشان كذا ما يحب يجلس لحله او ان القفص صغير

[فطوم]

البطريقه انا بعد الي عندي نفس الشي مايحب القفص بس قالولي هالكلام وحبطوني ومن ملاحظتي مع طيوري السابقه وبغبغاءات اصدقائي الغبغاء لمه يكون القفص وايد يتكلم ويسولف ويسوي حركات عشان يلفت النظر

[مجنون الامازون]

اختي بالنسبة للمعلومة هادي فهي خطأ .. على سبيل المثال .. اذا انتي سافرتي لبلاد غريبة للدراسة وجلست عن عائلة اجنبية .. وكانت افراد العائلة ما تتكلم معاكي ولا تعطيك وجه هل راح تتكلمي معاهم ؟؟ بالطبع (لا) لأنك راح تقولي في نفسك (الجماعة ما يبغوني) وراح تكوني رسمية.. والعكس صحيح اذا كانت العائلة من النوع المرح والاجتماعي راح تنبسطي معاهم و تبادليهم الآراء والمواضيع .. وعلى فكرة الببغاء من الطيور الذكية جدا واذا دلعتي راح يولف عليكي اكثر وبالتالي راح يقلد حركاتك وصوتك وكلامك .. وآسف على الاطالة

تحياتي ..

[عاشقة الطيور]

السلام عليكم ورحمة الله وبركاته

الاخوان كفو ووفو واختي ليكون هدفج من تربية الببغاء انه يتكلم ترى مهما طالة المده راح يتكلم بأذن الله .. احلى شي ان الببغاء يحبج ويوثق فيج ويتعلم حركات حلوه وخطيره هذي اهم شي والحجي بيي في الطريج صدقيني

والله يوفقج

[فطوم]

انا بعد الي عندي مايحب القفص بس بليل ادخله واغطي لقفص عن البرد
وانا والله مومصره انه يتكلم بس ابوي حاط امل عليه انه يتكلم وكاسر خاطري وانا مومستعيله عالكلام بالعكس ماني متوقعه انه يتكلم قبل سنه اهو توه عمره 3 شهور بس ولو خيروني بين انه يتكلم او اني ادلله واتقرب منه اكيد بختار اني ادللة

[رحمه من المولى]

أنا برايي من راي الأخوان المعلومة غلط في غلط لأن معروف ان الطير اذا دلعتيه راح يرتاح معاك ويحبك ويتوالف معك وبالتالي قابليته للكلام راح تكون أكثر ..

وربي يوفقك ويتربى في عزك ان شاء الله ..


تحيااااتي ..رحمه

[وعـــد الهـــوى]

الي وصل المعلومه وصلها غلط
لمن يكون البغبغاء في القفص ويشوفك يحاول يجذبك له بالحركات والكلام عشان تروح له وتفتح له القفص ويكون معاك
يعني

يحاول يلفت النظر

[hawi56]

المعلومه خطأ

وعمر الببغان صغير اصبري عليه شوي

المهم: اذا تبغيه يتكلم برا القفص خليه يتعلم الإحتياجات بالكلام .. يعني وقت الأكل قلوليلي اكل وبعد فتره لمن يبغى اكل اح يقلك اكل... وكدا كل احتياجاتو كل ما تشوفيه قوليلو هاي او السلام عليكم لمن تروحي قوليلو باي او مع السلامه..

عمليه الربط قد تطول شهور ولاكن بعدها كل ما اراد الطير عمل شئ راح يتكلم ولن تنتظريه يتكلم من لحالو؟؟؟؟

وغير كده بيلقط كلام من اهل البيت يعني الطير راح يسير ثرثااااااااااااار

اتمنى اكود افدتك بخبرتي الأكثر من بسيطه