شكر خاص للاخ سكر +صور ..

[Q8 Sailer]

اخواني تم تطبيق الخطوه الجديده بنجاح وبدون عض بكثره..

قمت عطيته عود عصير وقام ينتف فيها وسحبت منه العصا ...

وهذي بعض الصور ..

يرجى انتظار تحميل الصور ..
























وأي نصائح اخرى للاخ سكر .. للعلم ان الكاسكو كان يوعان وبعد مارديته لوضعه الطبيعي عطيته شويه اكل ماخليته يشبع وبعيد الحركه مره ثانيه وبعدين بكمل له الاكل ..

واسف على الاطاله وبانتظار ردودكم ورد صاحب العلاقه(الاخ سكر) << اهم مافي الموضوع صاحب العلاقه ..

[سكر]

علاقة ملابس ههههههههههه


ما شاء الله تبارك الله والله ما قصرت يا سيلر,,,

يعجبني حماسك الله يحفظك,,,

على طول تطبق ما عندك وقت ههههههه

الله يكون في عونك, ترى الحركة صعبة شوي على الببغاء, أقصد من ناحية الإستيعاب.

يعني لا تتوقع النتائج بسرعة, يبغالك تواصل تدريبك حتى يستوعب ويمكن ياخذ فترة بالأيام ويمكن أسابيع ويمكن شهر,,

لكن لا توقف أبد,,

ربي يوفقك يا غالي وما شاء الله ما ينخاف عليك,,,

أختي كاسكوكية << بعطيك ببغاء سيلر بس احذفي (كاف) واحد من اسمك , والله صعب ههههههه

مثل ما قال اخوي سيلر ميلي العصا,, أو لفيها مثل ما تلفي الطارة حق السيارة,,,

يعني الطير في النص على العصا وانتي ماسكة العصا من الجهتين بأياديك الثنتين,,

وترفعي يد وتنزلي يد بسرعه متزنة,, وتقلبيها عكس,, يصير الببغاء في الأسفل,,

وقتها افلتي يد وحدة وخليها تحت ظهر الببغاء عشان يتطمن, بس بعديها من رقبته عشان ما يلف عليك بمنقاره,

وفي نفس الوقت اتركي العصا يمسكها لوحده , واحملي الببغاء بيدينك الثنتين مع بعض,,,

أتمنى تجربي وترديلنا خبر,,

ويا ليت تصورين اصابعك قبل وبعد عشان نتأكد انها كاملة هههههههههه





تحياتي للجميع الله لا يحرمنا منكم

[كاسكوكيه]

المشاركة الأصلية كتبت بواسطة سكر

أختي كاسكوكية << بعطيك ببغاء سيلر بس احذفي (كاف) واحد من اسمك , والله صعب ههههههه

مثل ما قال اخوي سيلر ميلي العصا,, أو لفيها مثل ما تلفي الطارة حق السيارة,,,

يعني الطير في النص على العصا وانتي ماسكة العصا من الجهتين بأياديك الثنتين,,

وترفعي يد وتنزلي يد بسرعه متزنة,, وتقلبيها عكس,, يصير الببغاء في الأسفل,,

وقتها افلتي يد وحدة وخليها تحت ظهر الببغاء عشان يتطمن, بس بعديها من رقبته عشان ما يلف عليك بمنقاره,

وفي نفس الوقت اتركي العصا يمسكها لوحده , واحملي الببغاء بيدينك الثنتين مع بعض,,,

أتمنى تجربي وترديلنا خبر,,

ويا ليت تصورين اصابعك قبل وبعد عشان نتأكد انها كاملة هههههههههه


تحياتي للجميع الله لا يحرمنا منكم

هههههههههههههههههههههه

أكييييييييييييييد بجرب فيه ^^

ولا يهمك.. صبوعي بعتهن من زماااااان لشامبيه

[Q8 Sailer]

هلاا اخووي سكر .. اشكرك على اهتمامك في الموضوع ) ..

ان شاءالله كل يوم أو يومين بسوي فيه هذي الحركه ...

بس عندي استفسار .. بالنسبه لشيلة الحمامه بعد ما يستوعب بيخليني اشيله من دون العصا وله لازم استخدم العصا كما عودته ؟؟

)

وبالنسبه للاخت كاسكوكيه .. الله يعينج على اصابعج ان جربتي الحركه انا تدممت اصابعي

واسف على الاطاله وشكرا لكم جزيل الشكر

[سكر]

هلا بسيلر القمر,,,

والعفوو يا غالي موضوعك يهمني ويهم الجميع,, بس الوقت يجبرني أحياناً أتأخر,,,


إذا بتواصل تدريبه بإذن الله تستغني عن العصا,,

لكنه الحين لسى ما يحس بالأمان,, التكرار يعلمه يثق فيك , ويعلمه ان الحركة هذي ما تضره ومافي داعي يخاف..

بعدها يصير يتعود ويترك العصا, ويرتاح لما تعمل كذا,, خصوصاً لما تكافئة دائماً

ملاحظة بسيطة: حاول تكون المكافئة صغيرة جداً عشان يطمع في الزيادة ويتلهف عليها,,,


أنتظر الصور القادمة .


تحياتي

[لوتيه]

ماشاء الله عليك...
علمك سكر الابداع
بس ماظن اقدر اسويها

[سكر]

أفاا يا لوتيه,, ليه ما تقدرين؟؟

تري الحركة بسيطة جداً في التطبيق,,,

بعدين لا تقولين ما أقدر إلا إذا جربتي<< هذي نصيحة لك في كل أمور الحياة مو بس هذا الموضوع.

ومن البداية بإمكانك تستغني عن العصا وتستخدمي حبال,,,

شفت عندك يا لوتيه ألعاب مصنوعة من الحبال شكلها دائري عشان يتعلق فيها الببغاء ويلعب,,

فكي حلقة واحدة وخلي أي ببغاء عندك يطلع عليها وبعدين حطي يدك على ظهره واقلبيه بهدوء وببساطه,,,


تحياتي

[لوتيه]

المشاركة الأصلية كتبت بواسطة سكر

أفاا يا لوتيه,, ليه ما تقدرين؟؟

تري الحركة بسيطة جداً في التطبيق,,,
صح بسيطه بس كم عضه و الامور تصير طيبه
بعدين لا تقولين ما أقدر إلا إذا جربتي<< هذي نصيحة لك في كل أمور الحياة مو بس هذا الموضوع.
تسلم يا شوقر فري على النصيحه...
بعدين انا احاول اقلب توتو يوم تكون واقفه على ايدي احسها تعصب عليه ومن البداية بإمكانك تستغني عن العصا وتستخدمي حبال,,,
خلاص بجربها بالحبال لي ان شاء الله
شفت عندك يا لوتيه ألعاب مصنوعة من الحبال شكلها دائري عشان يتعلق فيها الببغاء ويلعب,,

فكي حلقة واحدة وخلي أي ببغاء عندك يطلع عليها وبعدين حطي يدك على ظهره واقلبيه بهدوء وببساطه,,,


تحياتي

و اذا ضبطت بفكر احط صور
يسلموووووووووووووووووو يا سكر المنتدى

[الاميره دلوعه]

ماشالله

ياريت اخوي تعطيني روابط المواضيع كلها برساله خاصه

علشان اطبقها على كيكو

[Q8 Sailer]

اهلا اخوي سكر .. مشكووور اخوي على الرد والافادات

بالنسبه للاخت لوتيه انا مع الاخ سكر .. انتي ماجربتي ؟ ولاتقولين ماقدر وانتي مو مجربه والدنيا تجارب ومغامرات ..

انتي الحين لما يكون عندج اختبار وقعدتي تدرسين له من الصبح ليين الليل وجا وقت الاختبار واختبرتي وبعدها بيصدمونج انج جايبه العلامه الكامله .. شنو بيكون شعورج ؟؟ ان انتي تعبج ماضاع وراح تستانسين وتفتخرين لأنج درستي طول هالمده ..

نفس الشيء للكاسكو جربي وخليه يعضج وخليه وخليه مع الايام اذا انجحت ودربتيه على هذي الشييله .. بتستانسين وبتحسين انج حققتي شي

وفي مثل يقول (كنت حاطه على سيارتي خخخ) No Pain , No Gain
يعني اذا ماكو الم ماكو مردود أو محصوول << يعني شيء تحصلينه

واسف على الاطاله ..

واختي دلوعه دشي على قسم هواة الببغاواة بتلقين جميع المواضيع المهمه والمفيده تخص الكاسكو )

واسف على الاطاله وشكرا لكم لتفاعلكمم )