الصراخخ..

[صوغة]

أهلين


هذه حيوانات يعني كائنات حية مو ألعاب من قماش واسفنج مانتوقع منها اتصارخ او تتضايق او اتوسخ

على قدر المحبه اذا اتحبينها لازم تستحملينها واتشوفين اسباب اصراخها

اكيد كانت متعودة على نظام عاجبها وتغييير وهي تصارخ تبي الي فقدته

مثلا متعودة تكون معاج دائما والحين اغلب وقتها محبوسه فطبيعي اتصارخ اتفهمج بوسيلتها الوحيده انه طلعيني مابي الحبسة

أو متعودة على انج تلعبين معها لعبة معينة والحين بطلتي وهي تبي ترجع اللعب معاج

مثلا درتي متعودة على الاب توب تبي تشوف فيديو ببغوات معينه دائما اشغلهم لها فتجي على الكيبورد وتجلس اتصاااارخ وهي تناظر لي مجرد ما اشغل الفيديو تندمج وتسكت

او متعودة اذا اجلست بحضني الاعبها بالجوال واذا مالعبتها تجلس اتصاارخ وتسكت اذا لعبتها

او متعودة اسولف معها وهي تنزل راسها وتنصت بعمق قبل النوم فاذا جا وقت نومها وماسولفت اتصارخ بشكل مزعج


يعني لازم تعرفين شنو الي فاقدته درتج وتبحث عنه بصراخها شنو الي تغيير عليها

وبالنسبه انها توسخ فيه موضوع لهاوي البادجي عن طريقه تعليمها وهي كل ماشفتيها اتحاول تخرج الله يعز الجميع تقولينها لا لا وتحملينها لمكان معين عشان تخرج فضلاتها بس تبي طولة بال وصبر


تحمليها وتحملي كل ازعاجاتها قد ماتحبينها